1 Tesalonicya 4:11 - Seysyo No Tao

¹¹ Makapya kamo so onowned do kadwan jinyo an. Ji kamo manamwad an, ta makowyat kamo a amyaw no velek nyo an. Inarahen nyo o ninanao namen pa jinyo no kakwa an.

1 Tesalonicya 4:11 ပူးပေါင်းရင်းမြစ်များ

Make 13:34

Akman so tao a mangay mangilili a tomoro no makakaday a vazay do lamlamsoy na peyvazain da a kapanci na rana no mangiwangiwang so pazevngen a lamlamsoy na a ji mapaitkeh so kataotao na.

Nimlivolivon 18:3

So nipacivahay na jira macipeyvazay jira, ta meyyangay o vazay da mapakapkapya so vilad a vahay.

Nimlivolivon 20:35

Am ori o inaran nyo jyaken an. So ipakowyat nyo a meyvazay an. Ta ori o ipakasidong nyo so ji makahakaw a tao. Manakem nyo o mina ciring na jyaten ni Yeso a Panirsirngen ta. Ta maniring si Yeso am, ‘Rakorako pa o sarasaray no onowned no mangazaw a kano azawen da tao.’ ”

Loma 12:11

Taosya o malma, ta kowyat nyo a meyvazay. Ahapen nyo o makdeng a nakenakem nyo a omahap so vazay na ni Ama ta do to.

Loma 15:20

O ney kakza ko a angayan a meylimwang no Mapasaray a Ciriciring am do ji da pa nimakamizngi so monganay ji Kizisto a ili. Ta ko jyakzan o kapirwa ko so nyangayan da rana nimangnanao.

1 Kedinto 4:12

a yamowyat a yameyvazay a yamyaw no velek namen. So yanamen ikasangib a yada avain. Am namen ipeynozi sira. No yada peymetdehan yamen am namen to nazibwan.

2 Kedinto 5:9

Tana kataotao ta do teyrahem am tana monganay rana o kataotao ta do teyngato am ney makdeng na am ji ta hamangi o kapasaray ta si Yeso a Panirsirngen ta.

Ivoso 4:28

O nimangap so ahahapen no kakwa am ablisan na rana o panakawan na a kowyat na rana amyaw no velek na, makanakem so kapanidong na so makasi a tao.

1 Timotay 2:2

Ipeynozi nyo sira o kabtekan nyo a panirsirngen do teyrahem a kano aro a panipanirsirngen do peycyeylilyan na. Ipeynozi nyo sira a kateneng da tomalamozong no pongso da. Ta ori o ikapiya takamo do keymiminili ta, ji meyrahet so nakenakem.

1 Timotay 5:13

Sira rana am kalivolivon da meyyowyaw a abwata so vazavazay. O maraherahet pa vazay da am ikazyak da o beken a vazay da, kapeygamogamo da no marahet a ciriciring.

Tito 3:14

Ipanci mo do kakteh ta do cinai o kowyat da omhakakaw a amyaw no velek da a kasidong da so makasi a tao. Ji da nginara o to meyyowyaw a abwata so angangayan a tao.

1 Pite 3:4

Ta ney makdeng o kapiya no onowned nyo. Ta o tey yapya so nakenakem do icyatatao na ji makazyazyak a mangay do ikararakehan na am tey mazway o akman sang do tangain na ni Ama ta do to.

1 Pite 4:15

Inaoy no si ji monganay do panwakwakan nyo so tao a kano panakawan nyo a kano peyvonagan nyo so tao a kano kazyakan nyo no icyatatao nyo o yapwan no alalaw nyo.