1 Tesalonicya 4:1 - Seysyo No Tao

¹ Manga kakteh, nyo na nimahap jyamen o apiya icicirawat a isaray na ni Ama ta do to. Sicyaikwa rana ya am namen vavagan inyo no ngaran ni Yeso Kizisto a Panirsirngen ta. Ta ori o ikowyowyat nyo paha a mahap so apiya vazay.

1 Tesalonicya 4:1 ပူးပေါင်းရင်းမြစ်များ

Yowani 15:2

O ji malasi a yangaw a macinapnap jyaken am akteben na. O malasi a yangaw na am vezeden na, kato na ngarokan no asi na.

Nimlivolivon 20:27

Ta yabo rana o ko taywen a nanao ni Ama ta do to.

Loma 8:8

O to mangozay do malas a onowned na tao am ji nakzan o akman sang ni Ama ta do to.

1 Kedinto 11:23

O ko ipamizing jinyo am nimahap ko ji Yeso a Panirsirngen ta. So ko nipancyan rana nya jinyo. Ahep no kapanazang da ni Yeso am ahapen na o pang,

1 Kedinto 15:1

Manga kakteh, manakem nyo o ninanao ko jinyo no kakwa a Mapasaray a Ciriciring na ni Ama ta do to. Ori rana am nyahap nyo na yamanoyong a yanyo pangozayan.

1 Kedinto 15:58

Am ori an, manga keypong an, makakdeng kamo so nakenakem ji Yeso Kizisto a Panirsirngen ta. Makowyat kamo a mapeyvazay so vazay na. Cyaha, ta nyo katenngan o kaji na liklikan so mapeyvazay so vazay na tao.

2 Kedinto 10:1

Yaken rana am si Pawlo ko a yamvavaga jinyo. No kamo maniring am, “Ka apiya so ciring no ka macikaop jyamen. No ka ji macikaop jyamen am mo ji ngeypeypepzaci yamen do teygami mo,” kwan nyo yaken. Am sicyaikwa rana ya am ko na hapen o kapyapya na ni Kizisto a yamapasyasi jinyo.

2 Kedinto 13:11

O ney manowji na yako ipanci jinyo manga kakteh am makowyowyat kamo pa mapeypahagnat so nakenakem nyo ji Kizisto an. So ahapan nyo so ivavaga ko jinyo, akman si Yeso so onowned a apiya so nakenakem do icyatatao na. Ta jyabo kaji na macitovongan jinyo no yatey rako so pangangarilawan na kano yamanta nyaten so ikapiya ta so onowned a Tao do to ta.

2 Kedinto 5:9

Tana kataotao ta do teyrahem am tana monganay rana o kataotao ta do teyngato am ney makdeng na am ji ta hamangi o kapasaray ta si Yeso a Panirsirngen ta.

2 Kedinto 6:1

Yamen rana na pacipeyvazayan ni Ama ta do to am namen vavagan inyo o kaji nyo tongbowan so aryarilaw na jinyo ni Ama ta do to.

Cyalatay 6:1

Manga kakteh, inyo rana yamakdeng so nakem ji Ama ta do to am no myan so tao a to meyraraten am ji nyo anigan a pamizngen. Am taosya o kapahama nyo so onowned nyo a mapamizing sya. So ipeytataziman nyo, ta kalittan kamo.

Ivoso 4:1

O yako iyan do pamemtengan sicyaikwaya am yako peyvazain o vazay na ni Yeso a Panirsirngen ta. So yako pancyan ninyo a omzat do icicirawat nyo. So ikanoyong nyo a macipayok so icicirawat ji Kizisto.

Ivoso 4:20

Am abo o akman sang a nanao na ni Kizisto a nimamizing nyo.

Ivoso 5:17

Ji ta todabwabo so nakem. Ta katenngan ta o apya vazay a pahanhanan na jyaten ni Ama ta do to.

Veydipi 1:27

O ahahapan nyo so onowned nyo do araraw am pehngehngain nyo do Mapasaray a Ciriciring na ni Kizisto an. Tana ji ko angay a tomita jinyo a kapakamizing ko jinyo a akmey asa so pangtoktwan a kano onowned a mowyat a meylimwang no Mapasaray a Ciriciring,

Veydipi 1:9

O ko peynozyan ninyo am kaji na meypahahayan no pangangarilawan nyo a meypahagnat. Akman sang o teneteneng nyo a makapatak no makakaday a vazay.

Veydipi 3:14

Am ori o ko icyakmey malayo a tao a yasomazap so ko angayan, do ko kanakenakem so ko kapakahap so azaw ko ji Ama ta do to a to meyyonong a ikavyay no pahad. Ori rana am nipamnekan na yaken ni Ama ta do to a omanoyong ji Yeso Kizisto a kapakahap ko na sang.

Kelosi 1:10

No si akman sang am manoyong kamo na macipayok so vazay ji Yeso Kizisto a Panirsirngen ta, do kahap nyo so vazay na a meypahagnat rana so onowned a makateneng rana ji Ama ta do to.

Kelosi 2:6

Inyo rana am nyo anoyngan si Yeso Kizisto a Panirsirngen ta. Am ori o panadnadan nyo sya an.

1 Tesalonicya 3:12

Inaoy no si oyatan na inyo a meypahagnat so pangangarilawan a marilaw no kadwan jinyo, pacyangayan no karwan no tao, akman jyamen a yamarilaw ninyo.

1 Tesalonicya 4:2

Ta nyo na katenngan o ninanao namen jinyo apo ji Yeso a Panirsirngen ta.

1 Tesalonicya 5:12

Namen ipacimeseseg jinyo manga kakteh am ikanig nyo pa sira o meyyapwaponged no kyokay a nipamnekan na ni Ama ta do to. Ta sira rana am da vavagan inyo no icicirawat no omraralay ni Yeso Kizisto.

2 Tesalonicya 1:3

Manga kakteh, namen mangday do araraw inyo a isaray ji Ama ta do to. So ikanoyong na no akman sang an. Ta yakamo meypahagnat so nakenakem do yanyo kapeypakdeng so aryarilaw so kadwan jinyo.

2 Tesalonicya 2:1

No si mirwa mai si Yeso Kizisto a Panirsirngen ta no malovot ta amrapong sya manga kakteh am namen kakdain inyo,

2 Tesalonicya 3:1

Imanowji na ko ipanci jinyo manga kakteh am ipeyneynozi nyo yamen a kakeykai na no ciriciring na ni Yeso a Panirsirngen ta a meylimwang a kanoyong da jya no tao akman jinyo a omanoyong rana jya.

2 Tesalonicya 3:13

Manga kakteh, ji nyo macimazai o kapeyvazay nyo so apipiya vazay.

1 Timotay 5:21

Yako myan do tangain na ni Ama ta do to a kani Yeso Kizisto a kano tinsi a yamanci nya jimo. So hapan mo so nanao eya an. No si myan so pacicin mo am amizngen mo o manoyong. Peyyangangain mo sira citahen so karatan.

2 Timotay 4:1

Yako vavagan imo do tangain na ni Ama ta do to a kani Yeso Kizisto. Katenngan ta, ta no makwa am meygegcin si Yeso Kizisto a tomalamozong no vayo a karawan. Ta iya o mapeykapyapinpin so mavyay a kano nimawakwak rana tao.

Sipolay 11:6

No abo panganoyngan no tao am ji na narayan ni Ama ta do to. O mai do tangain ni Ama ta do to a tao am anoyngan da o keyyan ni Ama ta do to a macikaop jira a marilaw no komakzeb sya tao.

Sipolay 13:16

Ji nyo hamangi o kapanidong nyo so tao. Ta o akman rana so sang a vazay am akmey nakem ta patanangen ji Ama ta do to a isaray na.

Sipolay 13:22

Manga kakteh, ko inyo vavagan am pakamyamizngen nyo o ciring ko an. So na jyanaroi no ciring ko do teygami.

2 Pite 3:18

Am meypahagnat kamo so nakem a makateneng ji Yeso Kizisto a Panirsirngen ta a mapatazadang jyaten do teyngato, a makateneng do karilawan na ninyo. Inaoy si mangay jya o azwazway sicyaikwaya kangay na do kaidan no karawan. Amin.

1 Yowani 3:22

No myan so amin ta ji Ama ta do to am itoro na jyaten. Ta ta onotan o nanao na a yamapeyvazay so isaray na vazay.