1 Tesalonicya 3:10 - Seysyo No Tao

¹⁰ Tana maraw a tana mahep am yabo o namen ji meynozii ji Ama ta do to a amya jyamen a mangay tomita jinyo a mapait so onowned nyo.

1 Tesalonicya 3:10 ပူးပေါင်းရင်းမြစ်များ

Locya 2:37

O kakawakawan na rana am apat o ikasyam na ngarnan (84). Iya rana am tey makdeng a omraralay ni Ama ta do to. So ipangday na do maraw a kado mahep a ji na mangakaday a meynozi ji Ama ta do to. So ji na ngaroi do rako a panaralayan da.

Nimlivolivon 26:7

Iya o yata pananalahen a sivosivovoong da no rarwa so ikakarwan a ineynapo ta, do ta kararalay ni Ama ta do to. Mo panirsirngen, ori o peypeypangayan no da rakpan jyaken no keylyan ta.

2 Kedinto 1:15

Am ori o ko naknakman so keypirwa ko a mangay jinyo do dang. So ikanoyong nyo a ipidwa somaray.

2 Kedinto 1:24

Beken a namen gacigatan inyo a manganoyong, ta yakamo na makdeng so nakem ji Ama ta do to. So namen kagagan ninyo a pacivazayan do namen kapasaray jinyo.

2 Kedinto 13:11

O ney manowji na yako ipanci jinyo manga kakteh am makowyowyat kamo pa mapeypahagnat so nakenakem nyo ji Kizisto an. So ahapan nyo so ivavaga ko jinyo, akman si Yeso so onowned a apiya so nakenakem do icyatatao na. Ta jyabo kaji na macitovongan jinyo no yatey rako so pangangarilawan na kano yamanta nyaten so ikapiya ta so onowned a Tao do to ta.

2 Kedinto 13:9

Tana da ipanci yamen a abo so oyowyat a omwoya ninyo a kakdeng no nakenakem nyo ji Ama ta do to am isaray namen o akman sang. O namen kakzeben am kapeypahagnat nyo so nakenakem ji Ama ta do to.

Veydipi 1:25

Katenngan ko o kasidong ko jinyo. So ikanoyong nyo a ikataid ko do karawan a peypakatkaten so nakenakem a kano pasarain so onowned.

Kelosi 1:28

Si Kizisto o namen ipeylimwang do aro a tao. Am ori o na ikabo no namen jyasapa rana a ipeylimwang do tao a ivavaga jira, ipaziman sira, a kanoyong da rana a meypahagnat so nakenakem a amraralay ni Yeso Kizisto.

Kelosi 4:12

Si Ipava rana a keylyan nyo am yakman sang a yameyminaminasi ninyo. Iya rana am lamlamsoy ni Yeso Kizisto a masangib a meynozi ninyo. Ipeynozi na o kakdeng nyo so nakem ji Ama ta do to a meypahagnat so nakem a manoyong a omonot do nakem na ni Ama ta do to.

1 Tesalonicya 3:11

Inaoy si peypalanginan na yaten ni Ama ta do to a kani Yeso Kizisto a Panirsirngen ta a kangay namen rana jinyo do dang.

2 Tesalonicya 1:11

Am ori o namen ikasangib a meynozi ninyo. So ipacimangno na no nakem na jinyo ni Ama ta do to. Inaoy si itoro na o oyowyat na a isidong na jinyo. So ipakateneng nyo jya a omonot do apyahen na vazay ni Ama ta do to. Ta na sidongen inyo, do nyo kapeyhanhan nya.

2 Timotay 1:3

Yako isaray ji Ama ta do to o namen kapeyyangay a kano ineynapo namen a yaji meylimoteng so nakem a yamraralay nya. Yamangday no ko meynozi do mahep a kado maraw o yako kapakanakem jimo.

Veydimeng 1:22

Ipeykala mo pa yaken so asa ka vahay a isanan ko dang. Inaoy si amizngen na o inozi nyo ni Ama ta do to. So ipacitovong ko jinyo do dang.

Ipaziman 4:8

So ikamimin da meykanem so panid no apat a omalalam am tana sazapen na, tana likod na am makakaday no mata na. Sira rana am abo maraw a abo mahep a to da meyyanwanooji. O anwanood da am, “Mo ji meylimoteng so onowned a Panirsirngen a tey mowyat a Tao do to a to meyyonong a mavyay a nimapo no kakwa, kasicyaikwaya kano kangay na do kaidan no karawan.”

Ipaziman 7:15

Ori o da ipeytatanek do sazapen no lilisnan ni Ama ta do to a yamahap so vazay na no yamaraw a kano mahep do panaralayan a mangay na apzatan ni Ama ta do to.