1 Tesalonicya 2:9 - Seysyo No Tao

⁹ Manga kakteh, naknakmen nyo o zikna namen do maraw a kano mahep an, do namen kalan so isovo namen a kanen. Ta namen ji myapya inyo a mazikna nyamen no isovo namen a kanen no kapeylimwang namen nya jinyo so Mapasaray a Ciriciring na ni Ama ta do to.

1 Tesalonicya 2:9 ပူးပေါင်းရင်းမြစ်များ

Locya 18:7

Manngwa, ji na amiznga ni Ama ta do to o meyhanhan nya mapasyasi jya do araraw a kado ahehep? Manngwa, peypananayan na sira sidongen?

Locya 2:37

O kakawakawan na rana am apat o ikasyam na ngarnan (84). Iya rana am tey makdeng a omraralay ni Ama ta do to. So ipangday na do maraw a kado mahep a ji na mangakaday a meynozi ji Ama ta do to. So ji na ngaroi do rako a panaralayan da.

Nimlivolivon 18:3

So nipacivahay na jira macipeyvazay jira, ta meyyangay o vazay da mapakapkapya so vilad a vahay.

Nimlivolivon 20:24

Am ko jyalawan o inawan ko. Ta ko kakakzeb so kakavos na no vazay ko a na nitoro jyaken ni Yeso Kizisto a Panirsirngen ta. So peylimwangan ko no Mapasaray a Ciriciring na ni Ama ta do to a omagaz do pangangarilawan na.

Nimlivolivon 20:31

Ori o apzatan nyo do onowned nyo an. Manakem nyo o ninanao ko jinyo a nimeykaoo ninyo an. Ta mina katlo a kawan ko a mangday so araraw a kano ahep a amnanao jinyo.

Loma 1:1

Yaken rana am si Pawlo ko a lamlamsoy ni Yeso Kizisto. Na nipamnekan yaken ni Yeso Kizisto a amlivolivon no Mapasaray a Ciriciring na ni Ama ta do to.

Loma 15:19

So nikowyat ko a mapeyvazay so mapeyzokab a vazay do kanimoyat na jyaken no Seyzi. Am ori o nipapwan ko sya do Yelosaleng a kangay na do Ididiko o yako peylimwangan no Mapasaray a Ciriciring na ni Kizisto.

1 Kedinto 4:12

a yamowyat a yameyvazay a yamyaw no velek namen. So yanamen ikasangib a yada avain. Am namen ipeynozi sira. No yada peymetdehan yamen am namen to nazibwan.

1 Kedinto 9:15

Am kaji ko nimangapan so kakzeben ko jinyo. O ko vatvatkan do akman sang a ciring am beken a ko yagom o kataotao ko an. Tana mawakwak ko no kakcin ko am apyahen ko o kabo no ngina na no inanao ko jinyo.

1 Kedinto 9:18

Am ikongo o azaw ko ang. O mahap ko am kasaray ko a meylimwang no Mapasaray a Ciriciring na ni Ama ta do to a ji ngahap so itoro da jyaken a kahanhanan na ni Ama ta do to.

1 Kedinto 9:4

Jyabo kanig ko a patodahan da no sinjya so kanen ko do kapeylimwang ko no Mapasaray a Ciriciring na ni Ama ta do to a.

2 Kedinto 11:27

Jingwan sang am masangib ko a ji makaitkeh do katey mazikna ko no kataotao. No makcin ko, mawaw ko, abo isanan ko, mahen ko am akman sira sang o ikarahet ko.

2 Kedinto 11:9

No keyyan ko pa jinyo do dang am tana amyan so ikeykakza ko am ji ko pa nimapasyasi jinyo. So ikamimin na apo do akma koy kakteh do cinai do Maciton no mapatodeh jyaken. Tana no kakwa am tana no makwa am akman sang. Jyabo kapamyapya ko no kataotao ko a ikazikna nyo a.

2 Kedinto 6:5

Nibakbakan da yamen. Nyaneban da yamen. Nigolo da o cicilwan namen no tao. Nimazikna namen. Nimapowaw namen ji makaitkeh. Nimakcin namen.

Veydipi 4:16

No keyyan ko pa do Tesalonicya am beken a ipisa kamo a nisomidong jyaken.

1 Tesalonicya 1:3

No namen meynozi am namen isaray ji Ama ta do to o apiya vazay nyo a yongkad no nyo kapeyhanhan ni Yeso Kizisto a Panirsirngen ta, kano nyo kazikna yamangarilaw so tao, do nyo raralayan ni Ama ta do to a yatongbo so alalaw nyo a yaomapanala si Yeso Kizisto a Panirsirngen ta a yameygegcin.

1 Tesalonicya 2:2

Nyo katenngan an, ta no kaji namen angayan pa jinyo do dang am amyan rana so alalaw namen do kapeymetdeh da jyamen do Veydipi a ili. Am na mina kapanta nyamen so oyowyat ni Ama ta do to. So namen jyanyahei no meykamadadayan a da izazat jyamen a yameylimwang no Mapasaray a Ciriciring na ni Ama ta do to jinyo.

1 Tesalonicya 2:6

Tana nipamnekan na yamen ni Kizisto a omlivolivon no Mapasaray a Ciriciring na am namen ji ngakdaya o kazwazway da jyamen no tao. So ji namen ngakdai jinyo a kano karwan no tao a zomwazway jyamen.

1 Tesalonicya 3:10

Tana maraw a tana mahep am yabo o namen ji meynozii ji Ama ta do to a amya jyamen a mangay tomita jinyo a mapait so onowned nyo.

1 Timotay 1:11

O manoyong a pangozayan a ciring am yapo do Mapasaray a Ciriciring na ni Ama ta do to a somidong jyaten. Am ori o azwazwayan ta si Ama ta do to an. So na ikanoyong no nang a yako ipeylimwang a ciriciring.

1 Timotay 4:10

O yata ikowyat a yamahap so vazay na ni Ama ta do to am ta ipeyhanhan si Ama ta do to a mapatazadang jyaten. Ta iya rana am to meyyonong a mavyay a Tao do to. Am o meyhanhan nya o avyain na.

1 Timotay 5:5

O vao a mavakes rana abwata so mapeylamnay sya am ipeyhanhan na si Ama ta do to kapangday na meynozi do maraw a kano mahep a mapasyasi jya somidong sya.

2 Timotay 1:3

Yako isaray ji Ama ta do to o namen kapeyyangay a kano ineynapo namen a yaji meylimoteng so nakem a yamraralay nya. Yamangday no ko meynozi do mahep a kado maraw o yako kapakanakem jimo.