1 Tesalonicya 2:8 - Seysyo No Tao

⁸ Namen hapen do namen karilaw ninyo. Ori o namen sarayan no kapeylimwang namen nya jinyo no yanimapo ji Ama ta do to a Mapasaray a Ciriciring na. Mangay do inawan namen o namen ji beywani jinyo. Ta inyo rana am namen tey kaglaw.

1 Tesalonicya 2:8 ပူးပေါင်းရင်းမြစ်များ

Locya 7:2

Amyan dang so mimong no asa poo (100) a itaysang no Loma. Iya rana am amyan so asa ka ney kaglaw na lamlamsoy na meyngen a toda jyangangay so inawan.

Loma 1:1

Yaken rana am si Pawlo ko a lamlamsoy ni Yeso Kizisto. Na nipamnekan yaken ni Yeso Kizisto a amlivolivon no Mapasaray a Ciriciring na ni Ama ta do to.

Loma 10:1

Manga kakteh, ko tey kakza sira o Isedi a tao a kasina ko no inawan a ahapen na ni Ama ta do to. Am ori o ko jimtaji nira a ipeynozi ji Ama ta do to.

Loma 15:29

Ko katenngan, ta si mangay ko jinyo do dang am arako o sarasaray ta a itoro na jyaten ni Kizisto.

2 Kedinto 12:15

Ko ikakza inyo a sidongen an. So ikapyapya na pa no kangay no inawan ko a kapakasidong ko so pahad nyo. Manngwa, ipeyparahet nyo so nakem jyaken o karilaw ko ninyo?

2 Kedinto 6:1

Yamen rana na pacipeyvazayan ni Ama ta do to am namen vavagan inyo o kaji nyo tongbowan so aryarilaw na jinyo ni Ama ta do to.

Cyalatay 4:19

Kamo akmey anak ko na. Ta yatey rako o aryarilaw ko jinyo. So yako icyakmey mavakes a toda jyapaw so totowang so alalaw a omnanao jinyo, mangay no si meynara nyo na si Yeso Kizisto so icicirawat.

Veydipi 1:8

Katenngan na ni Ama ta do to o karilaw ko ninyo no pangangarilawan na ni Yeso Kizisto do kapaw ko ninyo. So ikanoyong no nya ciring.

Veydipi 2:17

O raralayan nyo ni Ama ta do to am akmey nakem nyo a patanangen nyo jya. Tana wakwaken da rana yaken a pavoyogen so rala am cyaha, ta akmey nakem ko rana ori a patanangen ko ji Ama ta do to. So ko isaray, ta macizanod kamo jyaken a somaray.

Veydipi 2:20

Ta iya ori o yamacizanod jyaken so onowned a yamanoyong a yamarilaw ninyo.

Veydipi 4:1

Am ori o ikakdeng nyo pa so onowned a meyhanhan ni Ama ta do to, manga keypong an. So ko sarayan ninyo a akma koy kakteh do cinai. Ta yamyan so kakownongan na no vazay ko jinyo. Inaoy no si macita ko pa inyo.

Kelosi 1:28

Si Kizisto o namen ipeylimwang do aro a tao. Am ori o na ikabo no namen jyasapa rana a ipeylimwang do tao a ivavaga jira, ipaziman sira, a kanoyong da rana a meypahagnat so nakenakem a amraralay ni Yeso Kizisto.

Kelosi 1:7

Nyo nimahap o pangangarilawan na ni Ama ta do to ji Ipava a kararay namen a yaji mapasaklang do vazay ni Yeso Kizisto.

Kelosi 4:12

Si Ipava rana a keylyan nyo am yakman sang a yameyminaminasi ninyo. Iya rana am lamlamsoy ni Yeso Kizisto a masangib a meynozi ninyo. Ipeynozi na o kakdeng nyo so nakem ji Ama ta do to a meypahagnat so nakem a manoyong a omonot do nakem na ni Ama ta do to.

Veydimeng 1:1

Yaken rana am si Pawlo ko. Yako akmey nimanakaw a tao a yada aptengen do yako kahap so vazay na ni Yeso Kizisto. Yaken a kani Timotay am namen ipeyteygami imo a akma nameney kakteh do cinai, mo Veydimeng,

Sipolay 13:17

Onotan nyo o makayokod ninyo a tao do kyokay. Amizngen nyo o ciring da. Ta sira rana am da peyveyveknen o pahad nyo, do da kahap so vazay ni Ama ta do to. No si amizngen nyo sira am masasaray sira mahap so vazay ni Ama ta do to. Am no si ji nyo ngamiznga sira am meyngen o onowned da. No si akman sang am jyabo kapya nyo a.

1 Yowani 3:16

O ta ipakateneng do pangangarilawan na ni Ama ta do to am si Kizisto nitomoro no inawan na jyaten. Am ori o ikasaray ta manidong so tao. Tana mangay rana o inawan ta do panidongan ta so akma tey kakteh do cinai am cyaha. Apya akman sang.