1 Tesalonicya 2:7 - Seysyo No Tao

⁷ Am no kapacikaop namen pa jinyo am apiya namen so nakem jinyo, akman so inyapwan a mavakes a omazwazovo so minapodpod jya.

1 Tesalonicya 2:7 ပူးပေါင်းရင်းမြစ်များ

Nimlivolivon 13:18

No keyyan da pa do kabwan no nihakawan no tao so sikapat a ngarnan (40) so awawan am tana ji da ngamiznga si Ama ta do to am apzatan na sira.

1 Kedinto 2:3

Am ori an, makaranes ko jinyo do dang am malma ko so kataotao amzikzik do kanyahey ko. Ta ihawa ko kaji ko makatenngan do vazay na ni Ama ta do to.

1 Kedinto 9:22

No macikaop ko do malelma so nakenakem a tao am panadnaden ko sira do kahap ko sira panopen. Am ori o panadnadan ko so iwawalam da no pacikaopan ko a tao, ta ori o ipanop ko sira a omanoyong ji Yeso.

2 Kedinto 10:1

Yaken rana am si Pawlo ko a yamvavaga jinyo. No kamo maniring am, “Ka apiya so ciring no ka macikaop jyamen. No ka ji macikaop jyamen am mo ji ngeypeypepzaci yamen do teygami mo,” kwan nyo yaken. Am sicyaikwa rana ya am ko na hapen o kapyapya na ni Kizisto a yamapasyasi jinyo.

2 Kedinto 13:4

Tana yakmey yabo oyowyat na ni Kizisto do yada kanimapadket sya do jyojika am oyowyat na ni Ama ta do to o yanimapeyvangon sya. So namen ikakman sang akmey abo so oyowyat a yamacikaop ji Kizisto. Am no namen ioya inyo am oyowyat na ni Ama ta do to o namen pangozayan an.

Cyalatay 4:19

Kamo akmey anak ko na. Ta yatey rako o aryarilaw ko jinyo. So yako icyakmey mavakes a toda jyapaw so totowang so alalaw a omnanao jinyo, mangay no si meynara nyo na si Yeso Kizisto so icicirawat.

1 Tesalonicya 2:11

Nyo katenngan o nakenakem namen jinyo. Ta yakman so inyapwan a mahakay a amvavaga do minapodpod jya,

Yake 3:17

O apo rana do teyngato a teneng am o manma na vazay am ji meylimoteng so nakem. O tomonton am mapeypapya so onowned no tao. Apiya o nakem na do icyatatao na. Ji mapakarang so nakem. Mangarilaw so tao. Abo marahet do onowned na. Ji mapeycyakaban so tao. Ji mangalalas.