1 Tesalonicya 2:2 - Seysyo No Tao

² Nyo katenngan an, ta no kaji namen angayan pa jinyo do dang am amyan rana so alalaw namen do kapeymetdeh da jyamen do Veydipi a ili. Am na mina kapanta nyamen so oyowyat ni Ama ta do to. So namen jyanyahei no meykamadadayan a da izazat jyamen a yameylimwang no Mapasaray a Ciriciring na ni Ama ta do to jinyo.

1 Tesalonicya 2:2 ပူးပေါင်းရင်းမြစ်များ

Nimlivolivon 14:3

Am mownay pa dang si Pawlo a kani Parnapo. Ji sira nimamogaw a meylimwang ni Yeso. Ta nioyatan na sira ni Ama ta do to. Am aro o mapeyzokab a vazay da yongkad no ipeylimwang da pangangarilawan na ni Ama ta do to.

Nimlivolivon 14:5

Am o tao do Yotay a kano panipanirsirngen da kano kararay da beken a tao do Yotay am naknakmen da o kapaciliman da ji Pawlo a kani Parnapo a agsagsahan.

Nimlivolivon 16:12

So nyangay namen do rako a ili do Maciton a meyngaran so Veydipi. O ili ori am italamozong no Loma. So niseysan namen dang.

Nimlivolivon 16:19

Katenngan da na no pacivahayan na no mavakes ang o kabo rana no peynizpyan da am rakpen da si Pawlo a kani Sila a lololwen a yangay do panipanirsirngen do ili da.

Nimlivolivon 16:37

Am maniring si Pawlo do meykalsong am, “Yamen am tao namen do Loma. Am ikongo da todey nipsipzoci jyamen, a da katodey angneban jyamen do pamemtengan a yabo so karatan. Ikongo da taywan sya do taotao so da kapasaway jyamen. So ikarahet no akman sang. Am ori o pancyan nyo no panipanirsirngen, ta mai sira a mapowbot jyamen.”

Nimlivolivon 17:1

Meyhatay si Pawlo a kani Sila do peycyeylilyan na do Anveypodi a kado Apoloniya am makaranes rana sira do Tesalonicya. Amyan dang so peyneynozyan da no tao do Yotay.

Nimlivolivon 17:17

Am ori o nipacinekanekad na do tao do Yotay a kano omraralay ni Ama ta do to a beken a tao do Yotay do peyneynozyan. So nikasangib na do araraw a macinekanekad do masazi na tao do rarahan.

Nimlivolivon 19:8

So nipakatlo na vehan dang ni Pawlo a to ngyan do peyneynozyan a macinekanekad jira a manci no agagazan no italamozong na ni Ama ta do to a mapanod so tao a omanoyong ji Yeso Kizisto.

Nimlivolivon 4:13

Macita da no panipanirsirngen do peykeykaygyan si Pite a kani Yowani a mowyat so onowned am manakem da rana sira todna ka tao a jya nimeyvatvatek. Am ori o nipeyzokaban da nira. Meyratateng am katovilan da rana sira nimacilocilolo ji Yeso.

Nimlivolivon 4:20

Jyabo kaji namen mancyan no namen nimacita kano namen nimamizing a.”

Nimlivolivon 4:31

Mateyka sira meynozi am todagoyogoyon o peynozyan da a kamimin da nioyatan no Seyzi. Ori o nikowyat da a meylimwang no ciriciring na ni Ama ta do to. Ori ji da rana mogawi.

Nimlivolivon 5:41

Karwan da o rako a peykeykaygyan am masaray sira. Ta nakenakem na ni Ama ta do to o karahet da sira a meyhanhan ni Yeso.

Loma 1:1

Yaken rana am si Pawlo ko a lamlamsoy ni Yeso Kizisto. Na nipamnekan yaken ni Yeso Kizisto a amlivolivon no Mapasaray a Ciriciring na ni Ama ta do to.

2 Kedinto 3:12

Yanamen manoyong a meyhanhan no akman sang. Am ori o yanamen jyaonibi rana a meylimwang no ciring na ni Yeso Kizisto.

Kelosi 2:1

Inaoy si katenngan nyo yaken a tao do Kelosi a ka ninyo a tao do Lawticya a mowyat a meynozi ninyo a kano aro a tao a ji ko pa nimacita.

1 Tesalonicya 1:5

Ta o namen nipeylimwang a Mapasaray a Ciriciring na ni Ama ta do to jinyo am beken a ciriciring namen ori. Ta namen ipeyhanhan o oyowyat no Seyzi a kano yameysominogat a onowned namen so ciriciring na ni Ama ta do to. Ta nyo mamimin a katenngan o onowned namen no kapacikaop namen pa jinyo do dang.

2 Timotay 1:12

Ori o yana niyapwan no alalaw ko. Am cyaha, ta yako katenngan si Yeso a yako ipeyhanhan. So ko anoyngan ji Yeso a makasidong jyaken a mapeyvazay so vazay na mangay do araraw no ikeypirwa na mai.

Yota 1:3

Manga keypong, nimanakem ko o kapeyteygami ko ninyo a pancyan ko no kapatazadang na jyaten ni Ama ta do to do teyngato. Am apyapya pa o kavavaga ko jinyo a kowyat nyo a mangozay do nipeylimwang da rana jinyo no nipamnekan na ni Yeso a amlivolivon no ciriciring na ni Ama ta do to. Ta oya rana am yajyablis a pangozayan no amraralay nya tao.