1 Tesalonicya 2:17 - Seysyo No Tao

¹⁷ Manga kakteh, tana yapa jyownay o namen nikaro jinyo am namen ikapaw inyo. Tana namen ji macikaop jinyo am cyaha, ta yamacikaop jinyo o onowned namen. Inaoy no si mirwa namen pa makacita inyo.

1 Tesalonicya 2:17 ပူးပေါင်းရင်းမြစ်များ

Locya 12:58

No makasinmo ka so tao a pacioyyan mo am apyapya o to nyongbowa so marahet a vazay nyo do pangonongan nyo. Ta maraherahet o kangay na nimo do mapacici a tao a kaneb da jimo do pamemtengan.

Locya 22:15

Maniring jira si Yeso am, “Ko isaray o ko kapacihanghang jinyo do na yanam no alalaw ko.

Nimlivolivon 17:10

Mahep rana am yangay da si Pawlo a kani Sila no akma dey kakteh do cinai do Peyloya. Makaranes rana sira do dang am somdep sira do peyneynozyan no tao do Yotay.

Loma 1:13

Yako masangib a yamnakenakem so yako kangay jinyo manga kakteh. Am na katey aro no yamzazat jyaken. Am ori o ko jyangai jinyo do dang. Ta ko ikakza inyo a nanawen a kapeyparo da no tao a omanoyong ji Yeso Kizisto do dang, akman so niomanod a beken a tao do Yotay no keyyan ko pa do ili da no beken a tao do Yotay.

Loma 15:23

Am ko na nipakavos o vazay ko do jya. So ko na yangay a tomita jinyo. Ta yako na mownay a yamnakenakem so kangay ko jinyo do dang.

1 Kedinto 5:3

Yaken rana am tana yamarai o kataotao ko jinyo am onowned ko am yakmey to ngyan jinyo. So yako pangozayan do ngaran na ni Yeso a yamwoya no yakman sang so vazay a tao. So yako icyakmey yamyan jinyo do dang. No malwalovot kamo am akma koy to macilovot jinyo so onowned, do ko kapangozay do oyowyat na ni Yeso a Panirsirngen ta.

Kelosi 2:5

Tana ko ji ngyan jinyo do dang am cyaha, ta yamyan jinyo o onowned ko. So ko ikasaray a yamakanakem jinyo a mowyat so onowned a meyhanhan ni Kizisto.

1 Tesalonicya 3:6

Sicyaikwa rana ya am yanimeysinaoli si Timotay a yanimapo jinyo. Na nipanci jyamen o nakenakem nyo si Ama ta do to a kano nyo pangarilawan so tao. Na ipanci jyamen o nyo kasangib a yamnakenakem jyamen a yamakza no kapakacita nyo jyamen. So nyo icyakman jyamen a yamapaw ninyo.