1 Tesalonicya 2:16 - Seysyo No Tao

¹⁶ Yada zazaten yamen a yameylimwang no ciriciring na ni Ama ta do to a mapatazadang so beken a tao do Yotay. So da ikanoyong a yameyparo so yapeyraratenan a peydednan no peyoyaoyyan na ni Ama ta do to.

1 Tesalonicya 2:16 ပူးပေါင်းရင်းမြစ်များ

Matay 12:45

So nyangay na manara so papito a masozisozi pa ka nya a kalamsoyan ni Satan a mangay komovot jya. Manngo o tao ori a. Jyabo kaji na raherahetan pa sicyaikwaya kano kakwa no nakenakem na. To ko macitangayan jinyo am o raraten da rana no tao sicyaikwaya am maraherahet pa kano kakwa.”

Matay 23:32

No komwan am tongtongan nyo pa o raraten da no ineynapo nyo no kakwa.

Matay 24:14

O Mapasaray a Ciriciring a omaing do italamozong na ni Ama ta do to am manmanma a meylimwang do karawan a peyyamyamizngan da no tao do peycyamahamahatawan na a kapakaranes na rana no pangavosan no karawan.

Matay 24:6

Makamizing kamo na do katangked no ili nyo so meyyarap a kapakamizing nyo do marai a ili so meyyarap. No si manoyong o kakman na so sang am ji kamo anyahey, ta kangay na no akman sang a vazay. Am beken a pangavosan na ori no karawan.

Matay 3:12

Yamyan do lima na so ipaninigi. So cigyan na so kadai a kapangay na so pipya kadai do peyvokavokan, kasleb na so ata na do jyahesep a lila no apoy.”

Make 16:16

O omanoyong jyaken a omya so kataktak do kataotao da am patazadangen ko sira. Am o ji manganoyong a tao am pasyain ko sira a pasingsingtan.

Nimlivolivon 13:45

Am macita da no tao do Yotay o karo da no meylovolovot a tao am ikeynanahet da sira. Am ori o rehrehtan da si Pawlo a kano ciriciring na.

Nimlivolivon 13:50

Am pasozisozin da no tao do Yotay o maizay a mahakay a kano meynakem a mavakes a omraralay ni Ama ta do to a mapakakasi si Pawlo a kani Parnapo. Ori o nipowbotan da sira do ili da.

Nimlivolivon 14:19

Am o tao do Yotay a nimapo do Ikenyan a kado Antia a macinapnap do Pisitiya am paksozen da o aro a tao a kagsegseh da ji Pawlo. Ipanci da nimazakat rana. Am ori o nilolwan da sya yangay do siri no ili da.

Nimlivolivon 14:2

Am o jyakey a manganoyong a tao do Yotay am pasozisozin da sira o beken a tao do Yotay a macioya do amraralay ni Yeso.

Nimlivolivon 14:5

Am o tao do Yotay a kano panipanirsirngen da kano kararay da beken a tao do Yotay am naknakmen da o kapaciliman da ji Pawlo a kani Parnapo a agsagsahan.

Nimlivolivon 17:13

Am mamizing da no tao do Yotay a meyili do Tesalonicya si Pawlo a meylimwang no ciriciring na ni Ama ta do to do Peyloya am mangay sira o tao do Yotay a mapeyvonag so aro a mangamizing a tao.

Nimlivolivon 19:9

Am tatasa jira o ji mapownot so nakem da amraherahet so nipangnanao ni Pawlo a omagaz ji Yeso Kizisto. Am ori o nipalolwan na so sinjya ni Pawlo a komaro jira. So nipangday da so araw a meysirisiring do pangananawan na vahay no meyngaran so Tilano a tao.

Nimlivolivon 21:21

Mamizing da imo a nimangnanao so tao do Yotay a meyili do beken a ili da no tao do Yotay am nipanci mo kono o kataosya da so iwawalam ni Moyse. Nipanci mo kono o kataosya da rana so kayongkad do kanakan.

Nimlivolivon 23:12

Ikadwa na araw do penzak am kakapatan (40) sira o tao do Yotay a nimeysirisiring. Maniring sira am, “Si ji ta zakat si Pawlo am jyabo kapangakaday ta.”

Nimlivolivon 24:9

O macikaop rana jira tao do Yotay am mamimin sira amraherahet si Pawlo. To da macyanoyngi o nipanci na ni Tetolo.

Nimlivolivon 25:2

O panipanirsirngen da rana no mapatanatanang so nakem da si Ama ta do to a kano kamanrarakehan da no tao do Yotay am mangononong sira so malas a iraherahet da si Pawlo,

Nimlivolivon 25:7

Mai rana si Pawlo am o apo do Yelosaleng aro a tao am limoten da a kapanci da no itawwen da ciring a iraherahet da sya. Am abo do dang o manoyong a ciring da.

Nimlivolivon 4:12

Si Yeso o mapatazadang jyaten do teyngato. So ikabwata no ikararwa na do karawan a nitovoy na ni Ama ta do to a mapatazadang jyaten.”

Nimlivolivon 9:23

Kadadayan na do araraw am ipeysirsiring da o kazakat da si Sawlo no tao do Yotay.

1 Kedinto 10:33

Inarahen nyo o mina vazay ko a mapasaray so aro a tao a ji mangozay do apyahen ko no nakem. Ta panadnaden o icyatatao. Ta ori o ikablis da no onowned da ipakahap da so to meyyonong a ikavyay no pahad da.

Cyalatay 5:11

No si ipeylimwang ko o kayongkad do kataotao am ikongo da rehrehtan jyaken. O da rehrehtan jyaken am ko ipeylimwang o jyojika ni Kizisto. Am ori o da oyyan nyaken no ji raralay ni Yeso.

Ivoso 3:13

Am ori an o ko pakotokotan pa sya jinyo. Taosya o kahaha nyo so nakem do iyan no alalaw ko. Ta o akman sang am isaray nyo o mina kapeylimwang ko no ciriciring na ni Ama ta do to jinyo.

Ivoso 3:8

Tana mina saod na so kabo no kapsepsekan ko am na manket yaken a pahanhanen a meylimwang nya jinyo a beken a tao do Yotay so aglaglaw na jyaten ni Kizisto.

1 Tesalonicya 1:10

So yanyo nanalan so Anak na si Yeso Kizisto a meygegcin a apo do teyngato. Si Yeso Kizisto am nivyay na ni Ama ta do to a nimapo do heseb na. Iya o yata pakahatasan so peyoyaoyyan na ni Ama ta do to no makwa.

2 Tesalonicya 2:10

kalita na do ji manganoyong a tao no meykamadadayan a vazay, ta ji da ngahapa o manoyong a nanao na ni Ama ta do to a manta nira so to meyyonong a ikavyay no pahad da.

1 Timotay 2:4

Ta na ikakza o na kasidong so tao do karawan, kapakateneng da do manoyong a nanao.

Sipolay 6:8

Am no maday a tamek omlida do nihakawan am to rana wagwaga o akman sang. O akman sang a tao am balinasen na ni Ama ta do to.

Ipaziman 22:11

O meyraraten am jyablis o kapeyraraten da. O mapasagpyan so aktokto da am jyablis o vazay da. O manidong so tao am jyablis o kapanidong da. O ji meylimoteng so onowned am jyablis o kaji da meylimotengan so onowned.”