1 Tesalonicya 2:13 - Seysyo No Tao

¹³ Namen masangib a yasomaray nya ji Ama ta do to. Ta o namen nipeylimwang a ciriciring na am nyo na nimamizing. Nyo na nimahap. So nyo ji mancii nya ciring no tao, ta nyo anoyngan ori a ciriciring na ni Ama ta do to. Ta o ciring ori am yaomoyat do onowned nyo a yarana omanoyong ji Yeso Kizisto.

1 Tesalonicya 2:13 ပူးပေါင်းရင်းမြစ်များ

Matay 10:20

Ta o ciring nyo am beken a monganay jinyo, ta itoro na no Seyzi ni Ama ta do to o ciring na jinyo.

Matay 10:40

“O tomaotao jinyo am yaken o taotawwen da. O tomaotao jyaken am akma dey to naotawwa o yanitomovoy jyaken.

Locya 11:28

Maniring si Yeso am, “Manoyong ori am omamizing so ciring na ni Ama ta do to a kapeyvazay na sya am tey yapya o akman sang a tao!”

Locya 5:1

Ipisa am meytatanek si Yeso do pamsan na no rako a meybebneng a ranom a ngaranan da so Kenisale. Am meysilisilin sira o aro a tao a omamizing so ononongan na ciriciring na ni Ama ta do to.

Locya 8:11

O peypeypangayan no manokos am akman so Ciriciring na ni Ama ta do to.

Locya 8:21

Maniring jira am, “Omamizing so ciriciring na ni Ama ta do to a kapeyyan da sya do onowned da kapangozay da jya peyvazain am ori o abnekan ko a inyapwan a kano kakakteh ko.”

Yowani 15:3

Inyo rana am kamo na akmey manownaw so onowned no nanao ko a yako ninanao jinyo.

Yowani 17:17

Peyyanen mo o ciring mo do onowned da. So ikanoyong da rana ji meylimoteng so onowned. Ta o ciring mo am tey manoyong.

Yowani 17:19

Ko itoro jimo o kataotao ko. So icyakman da sang a tomoro no kataotao da jimo a mahap so vazay mo.

Nimlivolivon 10:33

Am ori o nipanovoy ko so tao a manci nimo. Ko masaray, ta ka nimai rana. Yamen rana sicyaikwaya am namen malovot do tangain ni Ama ta do to a yaomamizing so nipanci na jimo a inanao na jyamen.”

Nimlivolivon 13:48

Mamizing da no beken a tao do Yotay am masaray sira. Ori o nyazwazwayan da so ciring na ni Ama ta do to. Sira rana aro a tao am nakenakem na ni Ama ta do to o kapamnek na jira a mahap so to meyyonong a ikavyay no pahad da, do kanoyong da rana ji Yeso.

Nimlivolivon 16:14

Amyan jira ang so asa ka mavakes apo do Tiyatila a meyngaran si Ditiya. O vazay na am macinginangina no masingat a akmey nikowpasan a vangkoro a milakayob. Makdeng o nakenakem na ji Ama ta do to. Mamizing na o ipangnanao ni Pawlo a ciring ni Yeso am mina todeywangi o onowned na, do kanisomidong na sya ni Ama ta do to.

Nimlivolivon 17:11

O tao rana dang am apyapya sira kano sinjya do Tesalonicya. Ta makdeng sira omamizing so ipangnanao da Pawlo. Masangib sira do araraw a tomita so Seysyo. Kakzeben da katenngan o kanoyong na kalas na no ipanci na ni Pawlo.

Nimlivolivon 17:32

Mamizing da si Pawlo a manci no keyyan no nimawakwak a tao a nimirwa mavyay am ipeykeykaming da. Maniring o tatasa jira am, “Namen tey kakza pa yamizngen o mo ipangnanao.”

Nimlivolivon 2:41

So ikaro da no tao a mahap rana so ipangnanao na a kataktak da rana jira. No kanang rana am omanoyong ji Yeso am nikarapan sira so kakatlwan a ranaw (3000) a tao.

Nimlivolivon 8:14

O nipamnekan ni Yeso a omlivolivon no ciriciring na amyan do Yelosaleng am mamizing da o keyyan no tao do Samadiya a mahap rana so ciriciring na ni Ama ta do to. Am ori o nitovoyan da si Pite a kani Yowani a mangay jira.

Loma 10:17

So ikanoyong no kayapo na do kapakamizing so ciriciring na ni Kizisto o peyhanhanan ta nya.

2 Kedinto 3:18

Yatamo todamimin a yajyabengbengi so moing. Ta o tao rana a omonot do Panirsirngen ta Seyzi am amyan rana jira o azwazway na ni Ama ta do to a omyavayo sira. Am ori o icyakman da sya so icicirawat a tey mazway.

Cyalatay 4:14

Tana nyo ikarahet no kangangay o ingingnen ko am nyo jya nikahayo yaken. Ta nyo nipehngay yaken do tinsi na ni Ama ta do to a taotawwen. So icyakma koy Yeso Kizisto a nitaotao nyo,

Kelosi 1:6

Beken a inyoo o na peylimwangan no Mapasaray a Ciriciring na ni Ama ta do to, ta yarana nimeylimwang do peycyamahamahatawan na. So da rana ipamlis no tao. So da icyakman jinyo a yarana makateneng do pangangarilawan na ni Ama ta do to.

Sipolay 4:12

O Ciriciring na ni Ama ta do to am tey rako o oyowyat na. So ikowyowyat na pa kano matarem a takzes a to makatjip so asisi a kano totowang. So ikakman na sang so kowyowyat no Ciriciring na ni Ama ta do to a makateneng do onowned a nakenakem no tao.

Sipolay 4:2

Tamo akman so ineynapo ta ang a yarana nimakamizing so Mapasaray a Ciriciring na ni Ama ta do to. Am da ji meypapyan o da nimamizing a nanao na ni Ama ta do to. Ta da ji nganoyngi.

Yake 1:18

Na to mangozai o nakem na a manci nyaten akma ney anak. Ta yaten rana am ipeyhanhan ta o manoyong a nanao na. Am ori o yata iyan do ney manokdwan na do makakaday a nyamamaog na.

1 Pite 1:23

Ta inyo rana am yamyan rana jinyo so to meyyonong a Ciriciring ni Ama ta do to a ikavyay no pahad nyo.

1 Pite 1:25

Am o ciring na ni Ama ta do to am to meyyonong.” Ori rana am Mapasaray a Ciriciring na ni Ama ta do to a yanamen rana nipeylimwang jinyo.

1 Pite 2:2

Akman kamo so nimatazak a kanakan a komakday so meyzoko a akmey kanen no pahad nyo. So yopan nyo so sang a ipeypahagnat nyo a macikaop ji Ama ta do to.

2 Pite 3:2

Inaoy si mamimin nyo peyyanen do onowned nyo o mina ciring da no panoyonoywan na so ciring ni Ama ta do to a kano mina ciring na ni Yeso a Panirsirngen ta a mapatazadang jyaten do teyngato a ninanao da jinyo no nipamnekan na a omlivolivon no ciriciring na.

1 Yowani 3:3

O tao rana mapananala so araraw no yai ni Kizisto am ji meyraraten. Ta inarahen na si Kizisto a ji meylimoteng so onowned.