1 Tesalonicya 2:10 - Seysyo No Tao

¹⁰ No kapacikaop namen pa jinyo do dang am o ciriciring namen a kano icicirawat namen am apiya macita nyo. Abo o malas a vazay namen. Cyaha, ta inyo a kani Ama ta do to am yongkad no vazay namen ang.

1 Tesalonicya 2:10 ပူးပေါင်းရင်းမြစ်များ

Locya 23:41

Manoyong ta ya da wakwaken do katey marahet ta tao. Am iya rana am yabwata o yasa ka raraten na.”

Nimlivolivon 20:18

Mai rana sira am pacisirsirngan na rana sira ni Pawlo. Maniring jira am, “Nyo katenngan o icicirawat ko no ka ori pa so kangay ko do Yasiya.

Nimlivolivon 20:26

To ko na macitangain jinyo manga keypong am no si myan jinyo so ji nganoyong ji Yeso Kizisto am nakenakem na rana.

Nimlivolivon 24:16

Am ori o ko ikakdekdeng a mahap so yapiya vazay do tangain ni Ama ta do to a kado tangain no tao.

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

2 Kedinto 11:11

Ikongo ko peycirngan sang. Manngwa, ko jyarilawan inyo? Cyaha, ta na katenngan ni Ama ta do to o ko karilawan ninyo.

2 Kedinto 11:31

Si Ama ta do to a Ama na ni Yeso a Panirsirngen ta o makateneng jyaken a ji mangalalas. Iya o manoyong a azwazwain ta so ngaran mangay do kaidan no karawan.

2 Kedinto 4:2

Namen ji ngapa o macimanig a vazay. Namen ji mangalalas. Namen ji palasa o ciriciring na ni Ama ta do to, ji powziba o nanao ni Ama ta do to. Ta ipacita namen do tao o icicirawat namen, do kanoyong namen a lamlamsoy na ni Ama ta do to.

2 Kedinto 5:11

Namen katenngan o kapeypanam no kapacici na jyaten ni Ama ta do to. Am ori o namen vavagan do tao a amraralay ni Ama ta do to. Ta yana katenngan o onowned namen ni Ama ta do to. Inaoy si akman kamo sang a makateneng do onowned namen.

2 Kedinto 7:2

Inarahen nyo yamen so nakenakem jinyo an. Ta abo namen nirahet no kangangay do kadwan jyaten. Yabwata asa ka tao namen nilittan no ciring namen.

1 Tesalonicya 1:5

Ta o namen nipeylimwang a Mapasaray a Ciriciring na ni Ama ta do to jinyo am beken a ciriciring namen ori. Ta namen ipeyhanhan o oyowyat no Seyzi a kano yameysominogat a onowned namen so ciriciring na ni Ama ta do to. Ta nyo mamimin a katenngan o onowned namen no kapacikaop namen pa jinyo do dang.

1 Tesalonicya 2:5

Nyo katenngan yamen a yaji manlita so tao no ciriciring namen. So na ikabo no yamarahet a aktokto namen. Ta si Ama ta do to am yongkad namen a manoyong so ipanci.

2 Tesalonicya 3:7

Jyabo nyo kaji makatenngan jyamen a inarahen a. Ta no keyyan namen pa jinyo do dang am jyabo kanimalma namen a.

1 Timotay 4:12

Tana malavayo ka am apzatan mo o ciriciring mo a kano icicirawat mo a kano pangangarilawan mo so icyatatao mo. Akman sang o onowned mo. Ta peycitacittan da imo no omanoyong ji Yeso, kaji da rana ngolalai so ipangnanao mo.

2 Timotay 3:10

Imo rana mo Timotay am mo na nyahap o nanao ko a kano icicirawat ko a kano ahapan ko so vazay do karawan a kano onowned ko ji Ama ta do to. Mo katenngan yaken a ji macimaza do vazay ko ji Ama ta do to a kano pangangarilawan ko so icyatatao ko.

1 Pite 5:3

Taosya o kapeymetdeh nyo so nitoro na jinyo ni Ama ta do to a yaponged nyo a akma ney kagling. Ta peycitacittan da o apiya vazay nyo nira.