1 Tesalonicya 1:8 - Seysyo No Tao

⁸ So yana nikapo jinyo a yameylimwang no nanao na ni Yeso a Panirsirngen ta. O nakenakem nyo si Ama ta do to am beken a do Maciton a kado Akayya o na nispowan, ta yanisompo do peycyeylilyan na. So ji namen mapakaroi so ciring namen an.

1 Tesalonicya 1:8 ပူးပေါင်းရင်းမြစ်များ

Nimlivolivon 18:12

No kapeypanirsirngen da si Cyadien do Akayya a pongso am meylovolovot sira o tao do Yotay amwoya ni Pawlo. Karahan am lolwen da a yangay do pacicicyan.

Loma 1:8

Ney manma na am ko isaray ji Ama ta do to si Yeso Kizisto, ta o nyo peyhanhanan nya am yada rana peyrengarengayan no tao do peycyamahamahatawan na.

Loma 15:26

Ta sira meykingking o kyokay do Maciton a kado Akayya so nizpi a yada isidong so abo so nizpi a sinjya do Yelosaleng.

Loma 16:19

Yabo yaji makateneng jinyo so nakenakem a yamahap so ciriciring na ni Ama ta do to. Am ori o ko sarayan ya jinyo. O yako kakzeben jinyo am makakdeng kamo do apya vazay. O marahet a vazay am ji nyo macikasngeni.

1 Kedinto 14:36

Ala yamyan so yaji ngahap so ko inanao jinyo ya. Manngwa, yanimapo jinyo o nanao na ni Ama ta do to? Manngwa, inyoo o yana nanawen?

2 Kedinto 2:14

Am yako isaray ji Ama ta do to, ta yata na macikaop ji Yeso Kizisto. Ta na niharag rana ni Yeso Kizisto o raraten. So ta ikanoyong rana a macizanod ji Kizisto a nimakata. So da ipakateneng rana ji Yeso no tao, do ta kalivolivon no Mapasaray a Ciriciring na ni Kizisto.

2 Kedinto 3:4

O namen icyakman sang am si Ama ta do to o nimamnek jyamen a lamlamsoy na. So namen peyhanhanan ni Kizisto a omoyat jyamen.

Kelosi 3:16

Pakolivavahen nyo do onowned nyo o nanao ni Kizisto. Pangozayan nyo o teneng a nitoro na jinyo ni Ama ta do to a macinanannao. Meyyanwanood kamo so Anwanood ni Tawey a kano meyngongyod apo do onowned nyo a yanood nyo si Ama ta do to.

2 Tesalonicya 1:4

Am ori o namen azwazwayan jinyo do peycyakyokyokayan na a namen angayan. Tana yarako o alalaw nyo a da peyrarehten no tao do nyo kanod ji Yeso am yajyablis o nakenakem nyo an. Am ori o namen azwazwayan jinyo.

2 Tesalonicya 3:1

Imanowji na ko ipanci jinyo manga kakteh am ipeyneynozi nyo yamen a kakeykai na no ciriciring na ni Yeso a Panirsirngen ta a meylimwang a kanoyong da jya no tao akman jinyo a omanoyong rana jya.

1 Timotay 2:8

Inaoy no si katenngan da no kamahakayan do peycyakyokyokayan na o kapeyneynozi da a ji rana meylimoteng so onowned a ji oyaoyahen a ji maciskaskadan.

2 Timotay 2:9

Am ori o ko nipeyrarahet a nivaod da no nilalin da vahalang. Am o ciriciring na ni Ama ta do to am jyasengsengi. So ikabo no makazazat jya.

3 Yowani 1:12

Yabo yaji naray ni Temolyo, do na kato macipayokan no icicirawat na do ciriciring na ni Ama ta do to. So namen sarayan nya. So na ikanoyong no yakman sang a ciring namen.

Ipaziman 14:6

Macita ko o tinsi am somalap do hanit. Iya rana am yanan no to meyyonong a Mapasaray a Ciriciring na ni Ama ta do to a ipeylimwang na do peycyamahamahatawan na kado peycyeylilyan na kado meykataretarek so ciriciring do karawan.

Ipaziman 22:17

Maniring o Seyzi a kano Macivahavahay a mavakes am, “Mai ka na.” O makamizing sya tao am akman kamo sang a manci no, “Mai ka na.” Mai kamo a yamawaw a tao. O makza nya am mai mai rana a omyop so ranom a yapwan no to meyyonong a ikavyay no pahad. Am ori rana am abo o ngina na.