1 Tesalonicya 1:6 - Seysyo No Tao

⁶ Tana aro o alalaw nyo am kamo masaray a na sidongen no Seyzi a yamahap so ciriciring na ni Ama ta do to a yaominara si Yeso, akman jyamen a yajyamama no alalaw namen.

1 Tesalonicya 1:6 ပူးပေါင်းရင်းမြစ်များ

Matay 16:24

Karahan am maniring si Yeso do macinanao jya am, “No amyan so tao a omonot jyaken am to na pangawawan o kataotao na a somabway no jyojika na macihza jyaken.

Yowani 8:12

Maniring si Yeso jira am, “Yaken rana am zezak no karawan. O macilolo jyaken a tao am amyan jira o zezak no onowned da. So ji da rana ngyani do kasarisaryan.”

Nimlivolivon 13:52

Masasaray sira o amraralay ni Yeso a tao do Antia do kowyat na jira no Seyzi.

Nimlivolivon 5:41

Karwan da o rako a peykeykaygyan am masaray sira. Ta nakenakem na ni Ama ta do to o karahet da sira a meyhanhan ni Yeso.

Nimlivolivon 9:31

No kanang rana am abo rana o ikalaw da no omraralay ni Yeso a tao do Yotay a kado Cyadidi a kado Samadiya. So nikakdeng da rana so nakem ji Yeso. Ta arako o nisidongan na sira no Seyzi. Am ori o nikaro no tao a omanoyong ji Yeso. So nikapiya no icicirawat da rana omahap so vazay na ni Ama ta do to.

Loma 15:13

Inaoy no si itoro na jinyo o sarasaray na ni Ama ta do to. So ikanoyong nyo rana masaray so onowned a meyhanhan nya, do na kasidong jinyo no Seyzi.

1 Kedinto 11:1

Inarahen nyo yaken a ominara si Yeso Kizisto.

1 Kedinto 11:2

Ko isaray inyo, ta nyo masangib yaken a yamanakem a yamangozay do nipamizing ko jinyo a iwawalam no kyokay.

1 Kedinto 4:16

Am ori o ko vavagan jinyo a ominara jyaken.

2 Kedinto 6:10

Tana yamyan so namen ilavi so onowned am yamyan so namen isaray so onowned. Tana namen makcin am cyaha, ta namen avyain o pahad no aro a tao. Tana yabo o peymeymasaodan namen do karawan am cyaha, ta abo kalahen namen a yamacikaop ji Ama ta do to.

2 Kedinto 8:5

Namen jyaktoktwan o vazay da a yatey yaro. Ta sira rana am da nipeykingking ji Ama ta do to o kataotao da a mahap so vazay na a yaomamizing so ciring namen.

Cyalatay 5:22

O italamozong no Seyzi a tao am mangarilaw, masaray, apiya o nakenakem na, jyaharag no alalaw, mazonos, manidong so tao, ji mangalalas,

Ivoso 5:1

No kamo manoyong a na tey kaglaw a anak na am inarahen nyo si Ama ta do to a tey yapya so nakenakem.

Veydipi 3:17

Inarahen nyo yaken, manga kakteh an. Panginginaran nyo sira o yaominara jyamen a tao an, ta yanamen rana nipacita jinyo o manoyong a icicirawat namen.

2 Tesalonicya 1:4

Am ori o namen azwazwayan jinyo do peycyakyokyokayan na a namen angayan. Tana yarako o alalaw nyo a da peyrarehten no tao do nyo kanod ji Yeso am yajyablis o nakenakem nyo an. Am ori o namen azwazwayan jinyo.

2 Tesalonicya 3:7

Jyabo nyo kaji makatenngan jyamen a inarahen a. Ta no keyyan namen pa jinyo do dang am jyabo kanimalma namen a.

2 Tesalonicya 3:9

O ikakman namen sang am beken a ikamo namen inyo a mapatodeh jyamen, am kapakanakem namen so kapeycitacita nyo jyamen a inarahen.

2 Timotay 4:2

Am ori o peylimwangan mo no ciriciring na ni Ama ta do to. Tana amizngen da, tana ji da ngamiznga am ji ka hayo so onowned a amvavaga jira kano mapait sira a omnanao sira.

Sipolay 10:34

Akma kamoy to macizanod so alalaw do paneban da tao. No katakaw da so kangangay nyo a nyahap no tao am mina to nyo peykabobwa do onowned nyo. Ta katenngan nyo o kapakahap nyo so apyapya pa a peymeymasaodan nyo do teyngato.

1 Pite 1:6

Ori o sarayan nyo nya an. Tana yaro pa o alalaw nyo sicyaikwaya am cyaha, ta ji meyyonownay o akman sang a mavitos.

1 Pite 1:8

Tana nyo jyacita si Yeso Kizisto sicyaikwaya am nyo katenngan o nyo kararalay nya. Abo rana o ciriciring jinyo, ta kamo tey masaray rana so onowned.

1 Pite 3:13

Sino to makagogad ninyo no si meyngongyod kamo a somazap so apya vazay.

3 Yowani 1:11

Ji mo nginara o akman sang a marahet, mo keypong an, ta kahap mo so apiya vazay. Ta o apya so icicirawat am macikaop ji Ama ta do to. O marahet so icicirawat a tao am ji meyngongyod o akman sang a makateneng ji Ama ta do to.