1 Tesalonicya 1:3 - Seysyo No Tao

³ No namen meynozi am namen isaray ji Ama ta do to o apiya vazay nyo a yongkad no nyo kapeyhanhan ni Yeso Kizisto a Panirsirngen ta, kano nyo kazikna yamangarilaw so tao, do nyo raralayan ni Ama ta do to a yatongbo so alalaw nyo a yaomapanala si Yeso Kizisto a Panirsirngen ta a yameygegcin.

1 Tesalonicya 1:3 ပူးပေါင်းရင်းမြစ်များ

Yowani 14:15

“No si manoyong o kaglaw nyo nyaken am pangononongan nyo o nanao ko.

Yowani 15:10

No si pangozain nyo o nanao ko am manoyong kamo na mapeyyan sya do onowned nyo so pangangarilawan ko. Akman jyaken yaomonot do ciring na ni Ama a yamapeyyan sya do onowned ko so pangangarilawan na.

Nimlivolivon 10:31

Maniring am, ‘Mo Kenaylyo, na nimamizing ni Ama ta do to o inozi mo. Na katenngan imo a yamanidong so tao.

Nimlivolivon 3:19

Am ori o ipamlis nyo rana somazap si Ama ta do to. Ta ori o ivonas na so raraten nyo.

Loma 12:12

Masaray kamo a omnanala so na itoro jinyo ni Ama ta do to. Tana amyan so alalaw nyo am ji kamo ahayo a meynozi ji Ama ta do to.

Loma 15:13

Inaoy no si itoro na jinyo o sarasaray na ni Ama ta do to. So ikanoyong nyo rana masaray so onowned a meyhanhan nya, do na kasidong jinyo no Seyzi.

Loma 15:4

O ciriciring do Seysyo a yadomket am yamamimin a yana inanao jyaten ni Ama ta do to. O peypeypangayan no nang am ikait jyaten a meyhanhan ni Ama ta do to, kasaray ta amnanala so itoro na jyaten ni Ama ta do to.

Loma 16:26

Am sicyaikwaya am yameylimwang rana o nivatvatkan da no panoyonoywan na so ciring na no kakwa. Ori rana am ciring na do peycyamahamahatawan na no to meyyonong a Tao do to. So ikanoyong da na no tao a meyhanhan nya.

Loma 16:6

Ko isaray ji Madiya o zikzikna na jinyo.

Loma 2:7

Yamyan so tao a yajimtad no da kapanidong so tao a yakomala so azwazway na ni Ama ta do to a kano to meyyonong a ikavyay no pahad da. O akman rana sang a tao am itoro na jira ni Ama ta do to o to meyyonong a ikavyay no pahad da do teyngato.

1 Kedinto 13:13

Am o panganoyngan ta kano sarasaray ta no makwa kano pangangarilawan am to meyyonong. Am ney makdeng na pa am pangangarilawan do yameykatlo ang.

1 Kedinto 15:58

Am ori an, manga keypong an, makakdeng kamo so nakenakem ji Yeso Kizisto a Panirsirngen ta. Makowyat kamo a mapeyvazay so vazay na. Cyaha, ta nyo katenngan o kaji na liklikan so mapeyvazay so vazay na tao.

2 Kedinto 2:17

Namen jyakman so aro a tao a yamacininizpi no nanao ni Ama ta do to. Ta namen meyngongyod a nipamnekan ni Ama ta do to a yameylimwang no ciriciring na. So namen ikanoyong a yaji mangalalas so ciring a lamlamsoy na ni Kizisto.

Cyalatay 1:4

Si Yeso Kizisto am na pahawahen yaten do raraten do karawan. Am ori o na pangozayan do nakenakem na ni Ama ta do to a mawakwak no raraten ta.

Cyalatay 5:13

Manga kakteh, o na nipamnekan jinyo ni Ama ta do to am na ovayan inyo a yamvaod no iwawalam ni Moyse. Am ori o ji nyo to mamyapyai no kataotao nyo a italamozong no marahet a nakenakem nyo. Apyapya pa o pangarilawan a isidong nyo so kadwan jinyo.

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

Cyalatay 6:9

Am ori o ji ta macimaziknai a mapeyvazay so apya vazay. Ta no si to ta ngotokot a mahap so akman sang a vazay am no marateng o araraw no makwa am amyan so nakem na jyaten ni Ama ta do to.

1 Tesalonicya 3:6

Sicyaikwa rana ya am yanimeysinaoli si Timotay a yanimapo jinyo. Na nipanci jyamen o nakenakem nyo si Ama ta do to a kano nyo pangarilawan so tao. Na ipanci jyamen o nyo kasangib a yamnakenakem jyamen a yamakza no kapakacita nyo jyamen. So nyo icyakman jyamen a yamapaw ninyo.

2 Tesalonicya 1:11

Am ori o namen ikasangib a meynozi ninyo. So ipacimangno na no nakem na jinyo ni Ama ta do to. Inaoy si itoro na o oyowyat na a isidong na jinyo. So ipakateneng nyo jya a omonot do apyahen na vazay ni Ama ta do to. Ta na sidongen inyo, do nyo kapeyhanhan nya.

2 Tesalonicya 1:3

Manga kakteh, namen mangday do araraw inyo a isaray ji Ama ta do to. So ikanoyong na no akman sang an. Ta yakamo meypahagnat so nakenakem do yanyo kapeypakdeng so aryarilaw so kadwan jinyo.

1 Timotay 1:14

O Panirsirngen ta rana si Yeso Kizisto am yatey rako o pangangarilawan na a na nitoro jyaken a na kapanta pa nyaken so onowned ko a meyhanhan nya kano pangangarilawan ko so icyatatao ko, ta yako macikaop rana jya.

1 Timotay 2:3

O akman rana sang am tey yapya, ta tey kakza na o akman sang ni Ama ta do to. Iya o mapatazadang jyaten do teyngato.

Sipolay 10:36

Ji kamo macimazikna do vazay na ni Ama ta do to. Ta ori o ipakahap nyo so mina ciring na jinyo ni Ama ta do to no makwa.

Sipolay 11:17

No keyleylamdam na si Apolahan ni Ama ta do to a tomoro no anak na a meyngaran so Isa a wakwaken a patanangen ji Ama ta do to am ji na nikamama, do kapeyhanhan na nya. Ta ipeyhanhan na si Ama ta do to a manta nya so aro a sivosivovoong na.

Sipolay 13:21

Inaoy si itoro na jinyo ni Ama ta do to o makakaday a ileylamnay no nakem nyo a kowyat na jinyo a mahap so isaray na vazay. So ikanoyong nyo a mahap so nakenakem ni Ama ta do to, do nyo kararalay ni Yeso Kizisto. Inaoy si mangay o azwazway ji Kizisto mangay do kaidan no karawan. Amin.

Sipolay 4:11

Am ori o ikowyowyat ta pa a omonot do ciriciring na ni Ama ta do to. Ta ori o ipacikaop ta ji Ama ta do to. Sino ka paro a ominara so ji nganoyong do ciriciring na ni Ama ta do to a tao a yatey marahet so vazay.

Sipolay 6:15

Ji na macimangsahi ni Apolahan a pananalahen. Makarahan am mahap na rana o nakem na sya ni Ama ta do to.

1 Pite 3:4

Ta ney makdeng o kapiya no onowned nyo. Ta o tey yapya so nakenakem do icyatatao na ji makazyazyak a mangay do ikararakehan na am tey mazway o akman sang do tangain na ni Ama ta do to.

1 Yowani 3:18

Manga ovay, taosya o ciring so pangangarilawan an. Ta o manoyong a pangarilawan na am macita do icicirawat na o panidongan na so tao.

1 Yowani 3:21

Manga ovay, no abo rana o ikarahet ta do tangain ni Ama ta do to am masaray ta so onowned a omanop rana si Ama ta do to.

1 Yowani 3:3

O tao rana mapananala so araraw no yai ni Kizisto am ji meyraraten. Ta inarahen na si Kizisto a ji meylimoteng so onowned.

1 Yowani 5:3

O peypeypangayan no kararalay ta ni Ama ta do to am onotan ta o ciring na. Ta jyasalit o ciring na ni Ama ta do to a onotan.

Ipaziman 2:19

Yako katenngan o mo kasasaodan. Ko katenngan o nyo kararalay nyaken. Ko katenngan o nakenakem nyo si Ama ta do to a kano vazay nyo si Ama ta do to a yaji macizizikna do alalaw nyo. Yako katenngan o na karwaro pa no vazay nyo sicyaikwaya kano kakwa.

Ipaziman 3:10

Ta inyo rana am nyo pangononongan o ciring ko a yaji macizizikna jya. Am ori o apzatan ko jinyo no meydedna do karawan o alalaw a ileylamdam ko so tao do karawan.