1 Tesalonicya 1:1 - Seysyo No Tao

¹ Yaken rana am si Pawlo ko. Yamen rana sira Sila kani Timotay am namen ipeyteygami inyo a kyokay do Tesalonicya a omanoyong ji Ama ta do to a kani Yeso Kizisto a Panirsirngen ta. Inaoy si itoro na ni Ama ta do to o pangangarilawan na jinyo a katoro na nya jinyo so ikapiya no onowned nyo.

1 Tesalonicya 1:1 ပူးပေါင်းရင်းမြစ်များ

Nimlivolivon 15:22

No kanang am mamnek sira o nipamnekan ni Yeso a omlivolivon no ciriciring na kano panipanirsirngen do kyokay a kano amraralay ni Yeso a tao so pahanhanen da macihza ji Pawlo a kani Parnapo a mangay do Antia. So nipamnekan da ji Sila kani Yota. O kasaing no ngaran ni Yota am si Pasapa. Ikanig da sira ori no akma dey kakteh do cinai.

Nimlivolivon 15:27

O namen nipamnekan rana am si Yota kani Sila. Sira o namen hanhan a manci no ciring namen do teygami eya.

Nimlivolivon 15:40

Si Pawlo rana am nipamnekan na si Sila a macihza jya. Karwan da sira o akma dey kakteh do cinai am ipeynozi da sira ji Ama ta do to a omzat jira.

Nimlivolivon 16:19

Katenngan da na no pacivahayan na no mavakes ang o kabo rana no peynizpyan da am rakpen da si Pawlo a kani Sila a lololwen a yangay do panipanirsirngen do ili da.

Nimlivolivon 16:25

Avak no ahep am meynozi si Pawlo a kani Sila kapeyyanwanood da somaray ni Ama ta do to. O kararay da nipteng da am to da ngamiznga sira.

Nimlivolivon 16:29

O mamzamzat rana am manovoy so tao a mangap so zampo. Somdep rana am manyahey a to na nizikzik a mangay meylilitod do tangain da da Pawlo a kani Sila.

Nimlivolivon 17:11

O tao rana dang am apyapya sira kano sinjya do Tesalonicya. Ta makdeng sira omamizing so ipangnanao da Pawlo. Masangib sira do araraw a tomita so Seysyo. Kakzeben da katenngan o kanoyong na kalas na no ipanci na ni Pawlo.

Nimlivolivon 18:5

Mai rana sira Sila kani Timotay a nimapo do Maciton am masangib si Pawlo a meylimwang nya do tao do Yotay so kanoyong na ni Yeso a Misayya a nitovoy na ni Ama ta do to.

Nimlivolivon 19:22

So nipanman na so rarwa ka somidong sya si Timotay a kani Ilato a mangay do Maciton. Si Pawlo am mina todavezed do Yasiya.

Nimlivolivon 20:4

O nimacihza jya am tao do Peyloya, anak na ni Pilo a meyngaran so Sopate a kano tao do Tesalonicya a meyngaran so Aditako a kani Sikongto a kano tao do Tepey a meyngaran so Cyayo a kano tao do Yasiya a meyngaran so Timotay a kani Ticiko a kani Teloveymo.

Loma 1:7

Am ori o yako peyteygamyan ninyo a na tey karilaw ni Ama ta do to a tao do Loma a yamanoyong a na italamozong ni Ama ta do to. Inaoy si itoro na o pangangarilawan na kano ikapiya no onowned nyo ni Ama ta do to a kani Yeso Kizisto a Panirsirngen ta.

2 Kedinto 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a amlivolivon no ciriciring na. Yaken rana kano akma tey kakteh do cinai si Timotay am namen ipeyteygami inyo a Kedinto kyokay a kazagoman nyo a sinjya do Sila.

2 Kedinto 1:19

Akman sang o Anak na ni Ama ta do to a si Yeso Kizisto a yanamen nipeylimwang jinyo si Sila kani Timotay. Ta jyabliblis o ciring na. Ta o nipatwaw na rana ni Yeso a ciriciring na ni Ama ta do to am pangononongan na a peyvazain.

Cyalatay 1:2

Yaken rana kano akma tey kakteh do cinai do jya am yanamen ipeyteygami inyo a peycyakyokyokayan na do Cyalatay.

Cyalatay 1:22

No kano nang am ji da pa nimacita yaken no sinjya do Yotay.

Ivoso 1:2

Inaoy si itoro na jinyo o ikapiya no onowned nyo a kano pangangarilawan na ni Ama ta do to a kani Yeso Kizisto a Panirsirngen ta.

Veydipi 1:1

Yaken rana am si Pawlo ko a kani Timotay a lamlamsoy na ni Yeso Kizisto. Namen ipeyteygami inyo a yameyili do Veydipi a yamraralay ni Ama ta do to a yaomanoyong ji Yeso Kizisto a ka ninyo a panipanirsirngen do kyokay.

Kelosi 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a omlivolivon no ciriciring na. Yaken rana kano akma tey kakteh do cinai a si Timotay am,

2 Tesalonicya 1:1

Yaken rana am si Pawlo ko. Yamen rana sira Sila kani Timotay am namen ipeyteygami inyo a kyokay do Tesalonicya a yamacikaop rana ji Ama ta do to a kani Yeso Kizisto.

1 Timotay 1:2

Ko ipeyteygami imo, mo Timotay, akma koy manganak do ta kapeyyangay a omanoyong ji Yeso Kizisto. Inaoy no si itoro na jimo ni Ama ta do to a kani Yeso Kizisto o pangangarilawan na kano pangangasyan na kano ikapiya no onowned mo.

2 Timotay 1:2

Imo rana mo Timotay a akma koy anak am ko ipeyteygami imo. Inaoy si itoro na jimo ni Ama ta do to a kani Yeso Kizisto a Panirsirngen ta o pangangarilawan na kano pangangasyan na kano ikapiya no onowned mo.

Sipolay 13:23

Ko kakzeben inyo a makateneng do na kanimakowbot rana no kakteh ta a si Timotay do pamemtengan. No si makeykai rana mai am macihza jyaken a mangay tomita jinyo.

1 Pite 5:12

O teygami rana ya am si Sila akma tey kakteh do cinai o yanisomidong jyaken a yameyteygami ninyo. Ta ko katenngan o na katey makdeng so nakem ji Yeso Kizisto. Ko paiten inyo. Ko ipanci jinyo o manoyong a pangangasyan ni Ama ta do to. Ji kamo a haha so onowned an.

1 Yowani 1:3

O nimacita namen a kano nimamizing namen am namen toywen jinyo. So ikanoyong nyo na macikaop jyamen a akma nyoy kakteh do cinai, do namen kapacikaop ji Ama ta do to a kano Anak na si Yeso Kizisto.

Yota 1:1

Yaken rana am si Yota ko a lamlamsoy na ni Yeso Kizisto a kakteh na ni Yake. Ko ipeyteygami inyo a nipamnekan na rana ni Ama ta do to a yamahap rana so pangangarilawan na ni Ama ta do to a yamanoyong a yana rana apzatan ni Yeso Kizisto.