1 Pite 5:8 - Seysyo No Tao

⁸ Meypepzat kamo. Taosya o kakma nyoy mitkeh so onowned. Ta si Satan a kavosoyan nyo am yakmey kokoman so tao a yaji yakneng do na yanan a yameykala so tao a na kanen a na pasyain so nakem ji Ama ta do to.

1 Pite 5:8 ပူးပေါင်းရင်းမြစ်များ

Matay 13:39

O mapasakoy so tamek a kavosoyan ori am si Satan. O peypeypangayan no mangay mangap rana sya ori am kavosan no karawan. O mangap sya a tao ori am tinsi.

Matay 24:42

Am ori o ipeytataziman nyo, ta ji nyo a tenngi o araraw no yai ko a Panirsirngen nyo.

Matay 25:41

“Karahan am maniring o Panirsirngen do tao a amyan do ozi na am, ‘Kazey kamo a yana panircirngan ni Ama ta do to. Ji kamo macisngen jyaken. Angay kamo a pacilovot do na sokzan si Satan a kano kararay na a yamyan do to meyyonong a yajyahesep a makotokotod a lila no apoy.

Matay 4:1

Makarahan am ipeypalanginan no Seyzi si Yeso a yangay do kabwan no nihakawan no tao a littan ni Satan.

Matay 4:11

Makarahan am karwan na rana si Yeso ni Satan a kai no aro a tinsi ni Ama ta do to a somidong sya.

Make 4:15

O nizomsi do rarahan am kapalangayan ori no tao a ji meyyahahay so nimamizing a ciring na ni Ama ta do to ahapen ni Satan do onowned da.

Locya 21:34

“Am ori o apzatan nyo do onowned nyo an. Ta ji kamo to ngyop so saki a maozoz no meykamadadayan a ikeykakza nyo. Ta ji nyo a tenngi o araraw na no ipeydedna na jinyo.

Locya 21:36

Ori o ikakdekdeng nyo pa meynozi an. Ta ori o ipakahatas nyo so yaomanam a alalaw. So ikabo no ikeykarahet nyo do tangain ko.”

Locya 22:31

Maniring pa si Yeso am, “Mo Simong, cittey si Satan a nipya ni Ama ta do to a mangay a omlita jinyo.

Yowani 8:44

Inyo am anak kamo ni Satan. Ta nyo pangozayan o nakenakem no ama nyo a nimakalapo no kakwa o kapangap na so tao. Ji nakzan o manoyong a nanao, ta abo jya o manoyong a nanao. Cinatao na o kapangalalas na, ta iya rana am kapangalalas na a yapwan no makakaday a malas.

2 Kedinto 2:11

Ta maraherahet o kakata na ni Satan. Ta yabo jyaten o yaji makateneng do ipanlilita ni Satan.

Ivoso 4:27

Ta no si akman kamo sang am kalittan kamo a littan ni Satan.

Ivoso 6:11

Ahapen nyo o akma nyoy voovoo a na nitoro ni Ama ta do to, ta ori o ipakaharag nyo si Satan no mangay na littan inyo.

1 Timotay 2:15

Am o mangahanas rana mavakes am apzatan na sira ni Ama ta do to no si jyablis o nakenakem da si Ama ta do to a mangarilaw so tao, ji meylimoteng so onowned, apiya so vazay.

1 Timotay 2:9

O mavakes rana am ko kakzeben sira ji mapakazwazway no ayob da. Akman sang o avook da kano taktakzes da. Ney yapya na am ji sira meyyayob so tey masingat a ayob.

1 Timotay 3:11

O katovong da do vahay a mavakes am apiya o icicirawat da. Ji sira manamwadan. Taosya o kapangalalas da no makakaday a vazay.

1 Timotay 3:2

O tomalamozong rana no kyokay am abo oyaoyyan da nya no tao an. Asa o katovong na do vahay. Ji na peyzavozavoza o vazay na. So apzatan na do kataotao na, katwatonton na so vazay na. Ikanig na o icyatatao na, kasaray na manaotao so apo do teysa ka ili a tao a kateneng na mangnanao so tao,

2 Timotay 4:17

Am si Ama ta do to o yamyan do katangked ko a somidong jyaken a manta nyaken so oyowyat ko a meylimwang no ciriciring na do beken a tao do Yotay a kavyay na pa jyaken no kavovo da jyaken a wakwaken.

Tito 1:8

Isaray na o kapanaotao na so tao. Isaray na o kapanidong na so tao. Apzatan na o onowned na, kapiya na no icicirawat na. Akmey mazngang o onowned na a ji nala so nakenakem.

Tito 2:12

O akman sang a pangangarilawan na ni Ama ta do to am ori o ipakateneng ta do kakaro ta do raten na ni Ama ta do to a vazay ta kano meykamadadayan a ikakza ta do karawan. So ipakateneng ta do kapzat ta do onowned ta a mapeypahagnat so nakenakem ta ji Ama ta do to.

Tito 2:2

Vavagan mo sira o rarakeh a mahakay, ta apzatan da o onowned da an. Ji da pasala o nakenakem da ji Ama ta do to an. Ji sira hayo so nakenakem ji Ama ta do to. Ta naknakmen da o pangarilawan da so icyatatao da a kato da peykabobwan so alalaw da.

Tito 2:4

Nanawen da sira o malalavayo a mavavakes a marilaw no kahanghangan da kano ananak da.

Tito 2:6

Akman sang, ta vavagan mo sira o malalavayo a mahakay a amzat do kataotao da.

Yake 4:7

Am ori an, onotan nyo ji Ama ta do to. Pasobnan nyo si Satan a kakaro na rana jinyo.

1 Pite 1:13

Am ori o ipeytataziman nyo a mahap so vazay na ni Ama ta do to a meyhanhan nya a manta ninyo so aryarilaw na no mai rana si Yeso Kizisto.

1 Pite 4:7

Yarana masngen o ikavos no karawan. Makowyowyat kamo pa omzat do onowned no kataotao nyo. Ta ori o ikabo no raraten a makazazat do inozi nyo.

Ipaziman 12:10

Karahan am makamizing ko pa do teyngato so macyak a ciring. Maniring am, “Oya rana o araraw no na patazadangan jyaten ni Ama ta do to. Na rana nipacita ni Ama ta do to o oyowyat na. Yana rana nipatwaw ji Kizisto o oyowyat na a meymatmatngeh no teyngato. Ta na rana nipapispis do teyrahem ni Ama ta do to o yamraherahet so akma tey kakteh do cinai do maraw a kado mahep do tangain na ni Ama ta do to.

Ipaziman 12:12

Am ori o isaray nyo a tao do teyngato. So to nyo makasi a tao amyan pa do karawan. Ta yasomozi si Satan a yamangay jinyo do dang. Ta katenngan na o kalikey rana no araraw na.”

Ipaziman 12:9

kakas na sya ni Ama ta do to so rako a kamolay. Ori rana am nimeytetnga volay no kakwa. O ngaran na am si Satan a yatomirara so tao a yameyraraten. O kamolay rana am nimamispis do teyrahem. So icyakman da sang no kalamsoyan na iwalit na do teyrahem ni Ama ta do to.

Ipaziman 20:10

Si Satan rana a nimapeykawad sira am iwalit na do akman so awa so karakorako a lila no apoy. Am nimanmanma rana o makahaw a tao a kano omalalam do dang. Sira rana am abo maraw a abo mahep a ipeyrarahet da a mangay do kaidan no karawan.

Ipaziman 20:2

So nirakpan na no tinsi so kamolay. Iya rana ori o volay do Ityan no kakwa pa a meyngaran so Satan. So nivaodan na sya so asa zivo (1000) so awawan.