1 Pite 5:5 - Seysyo No Tao

⁵ Inyo rana a malalavayo a tao am onotan nyo o apya ciring da jinyo no rarakeh. So ko to zagomi jinyo a yapancyan no kapaveveh nyo so aktokto nyo a somidong so vazay no kadwan jinyo. Ta maniring do Seysyo am, “Ji na nidonga ni Ama ta do to o mapahama so nakem na tao. Apyapyahen na pa sidongen sira o mapaveveh so nakem da tao.”

1 Pite 5:5 ပူးပေါင်းရင်းမြစ်များ

Locya 22:26

Am ji kamo akman so sang an. Ta o pakarakehen nyo am ji na pahama o nakem na. O panirsirngen am inarahen na o kakma ney lamlamsoy a manidong so tao.

Loma 12:10

Masicyakarilaw kamo an. Ta inyo rana am akmey meyketeketeh kamo do tangain na ni Kizisto. So ipasikakanig nyo.

Loma 13:14

Ahapen nyo si Yeso Kizisto a Panirsirngen ta, akma nyoy voovoo a ipzat nyo do onowned nyo. Ji nyo to mamyapyan o kapeyraraten nyo. So ingtwan nyo do kataotao nyo.

Ivoso 5:21

Masicyakanig kamo, akman so nakenakem nyo si Yeso Kizisto a yamanig nya.

Veydipi 2:3

Ji nyo pakaranga o nakenakem nyo an. Ji nyo akzan o keynakem nyo a tao an. Ikanig nyo o kadwan jinyo an. Naknakmen nyo o keyyan no tao a apyapya pa ka ninyo an.

Kelosi 3:12

Si Ama ta do to o yamarilaw ninyo a nimamnek jinyo a akma ney anak. Am ori o ipangarilaw nyo a mapanalawbo so aktokto nyo, ta kapiya nyo so nakem do tangain no tao a jyahayo so onowned.

1 Timotay 5:1

Ji mo sira oyyan o rarakeh rana mahakay an. Ta akmey inyapwan mo sira pamizngen. No nanawen mo sira o malalavayo a mahakay am pehngehngain mo sira do kakteh mo.

Sipolay 13:17

Onotan nyo o makayokod ninyo a tao do kyokay. Amizngen nyo o ciring da. Ta sira rana am da peyveyveknen o pahad nyo, do da kahap so vazay ni Ama ta do to. No si amizngen nyo sira am masasaray sira mahap so vazay ni Ama ta do to. Am no si ji nyo ngamiznga sira am meyngen o onowned da. No si akman sang am jyabo kapya nyo a.

Yake 4:6

Ta arakorako pa o sidongan na jyaten ni Ama ta do to. Ta maniring do Seysyo am, “Ji na nidonga ni Ama ta do to o mapahama so nakem na tao. Apyapyahen na pa sidongen sira o mapaveveh so nakem da tao.”

1 Pite 3:8

Ko pakoyokoin jinyo am akma kamoy asa so ahahapan sya masicyakarilaw. Akman so aryarilaw nyo so kakteh nyo o karilawan nyo no akma nyoy kakteh do cinai. Makapiya kamo so nakem do kadwan jinyo. Masicyakanig kamo.

1 Pite 4:1

Manoyong o kanimanngannga na ninyo ni Yeso Kizisto. Am ori an, no manngannga kamo do raralayan nyo ni Yeso Kizisto a kato nyo liliwan sya a makanakem si Kizisto a nisomabway no raraten nyo am manoyong kamo na nikomaro do peyraratenan nyo.

1 Pite 4:5

Am cyaha, ta mangay o kasazap da si Ama ta do to a yamapeykapyapinpin so mavyay a kano nimawakwak a tao.