1 Pite 5:10 - Seysyo No Tao

¹⁰ Si Ama ta do to am yana yapwan no rako a pangangarilawan, do na kapazanod jinyo do azwazway na. Ta inyo rana am kamo rana macikaop ji Kizisto. Am ori an, no si mavitos rana o yaji meyyonownay a alalaw nyo am manoyong kamo na oyatan ni Ama ta do to, kahadpet nyo na so nakem.

1 Pite 5:10 ပူးပေါင်းရင်းမြစ်များ

Locya 22:32

Am ko na nipeynozi imo. So ji na ablisi no nakenakem mo jyaken. No mamlis ka so nakenakem am vavagan mo sira o akma moy kakteh do cinai an.”

Loma 15:13

Inaoy no si itoro na jinyo o sarasaray na ni Ama ta do to. So ikanoyong nyo rana masaray so onowned a meyhanhan nya, do na kasidong jinyo no Seyzi.

Loma 15:5

Inaoy no si sidongen na inyo ni Ama ta do to a yapwan no sarasaray ta a yamapait so onowned ta. Inaoy no si inarahen nyo si Yeso Kizisto apiya so icicirawat a icyakma nyoy asa ka tao so onowned.

Loma 16:25

Manoyong o kazwazway ta si Ama ta do to. Ta iya rana am yamanoyong a yaomoyat jinyo a meyhanhan nya akman so Mapasaray a Ciriciring na a ipeylimwang ko a yaomagaz ji Yeso Kizisto. Ori rana am ji da nikatenngan no kakwa a nanao na ni Ama ta do to.

Loma 9:11

Am ikongo do nipamnekan na o asa ka anak na, am ori o nipacisirsiring na ni Ama ta do to ji Leypeycya. Maniring am, “Allamen na no rakrakeh o ananak.” Am no kapacisirsiring na jya am abo pa dang o marahet a kano apya a vazay. Ta ji sira pa nimalikey o meyketeh ang. Am ori o ikanoyong na ni Ama ta do to a mangozay do nakenakem na. So ji na monganai do kapyapya no icicirawat no tao o pamnekan na ni Ama ta do to.

Loma 9:24

So yata ikanoyong a na nipamnekan do tao do Yotay a kado beken a tao do Yotay.

1 Kedinto 1:10

Manga kakteh, ko vavagan inyo no ngaran ni Yeso Kizisto a Panirsirngen ta akmey asa so ciriciring a ji meykataretarek so nakenakem a malwalovot, akmey asa so onowned, akmey asa so pangozayan.

1 Kedinto 1:9

Abo kalalasan na ni Ama ta do to a nimamnek jinyo a meyhanhan nya. So ikanoyong nyo rana macikaop do Anak na si Yeso Kizisto a Panirsirngen ta.

2 Kedinto 13:11

O ney manowji na yako ipanci jinyo manga kakteh am makowyowyat kamo pa mapeypahagnat so nakenakem nyo ji Kizisto an. So ahapan nyo so ivavaga ko jinyo, akman si Yeso so onowned a apiya so nakenakem do icyatatao na. Ta jyabo kaji na macitovongan jinyo no yatey rako so pangangarilawan na kano yamanta nyaten so ikapiya ta so onowned a Tao do to ta.

2 Kedinto 4:17

O yaji meyyonownay a alalaw namen eya am ipakahap namen so maharahara pa, a to meyyonong a azwazway namen ji Ama ta do to.

Veydipi 4:13

Ta si Yeso Kizisto a yaomoyat jyaken am ori o ko ipakownong do ko ahahapan sya, do yameycyataretarek a ko masapa.

Kelosi 2:7

Payamoten nyo o nanao na ni Yeso Kizisto do onowned nyo a kapeypahagnat nyo na so nakenakem jya. So sarayan nyo nya ji Ama ta do to.

1 Tesalonicya 2:12

a yajimtad a yamnanao jinyo a yamapait so onowned nyo a yamapadnadna so nakem nyo. So ikanoyong nyo a isaray na ni Ama ta do to. Na nipamnekan inyo a macizanod do oyowyat na kano azwazway na.

2 Tesalonicya 2:14

O Mapasaray a Ciriciring na ni Ama ta do to a nipamizing namen jinyo am ori o yanimrara jinyo a macikasaray do azwazway na ni Yeso Kizisto a Panirsirngen ta.

2 Tesalonicya 2:17

Inaoy no si pasarain na o onowned nyo a kapait na jinyo a jyablis so nakenakem a mapeyvazay so meykamadadayan a apiya vazay a kapanci nyo no apiya ciriciring.

2 Tesalonicya 3:3

Am yabo na kalalasan ni Yeso a Panirsirngen ta. Iya rana am ikakoyapet nyo so nakenakem a kaji na makagogadan jinyo ni Satan.

1 Timotay 6:12

Makowyowyat ka omahap so vazay na ni Yeso akman so macipalayolayo a komakzeb so kangay na do pacipanmanma na. Ji mo to nazibwan o nitoro na rana jimo a to meyyonong a ikavyay no pahad mo. Ta ori o na agagazan no na nipamnekan jimo ni Ama ta do to. So mo na nipeylimwangan no nang do tangain no aro a tao. So ikanoyong no akman sang.

2 Timotay 1:9

Iya o nimahap jyaten a mapanop jyaten a omanod jya. Am beken a omagaz do kapya no icicirawat ta, ta yaomagaz do nakenakem na kano pangangarilawan na ni Ama ta do to. Ta no kaji na pa nimangamaogan so karawan am nimanakem na rana o katovoy na si Yeso Kizisto a somidong jyaten.

2 Timotay 2:10

Am ori o ko to liliwi so yamakakaday a da peyrarehtan jyaken, do ko kasidong so nipamnekan na ni Ama ta do to a tao a omanoyong ji Yeso Kizisto. So ikanoyong da makahap so to meyyonong a pangangarilawan na kano azwazway.

Sipolay 9:15

So ikanoyong ni Kizisto a yatomalamozong no vayo a pangozayan a ciring na ni Ama ta do to a somidong so nipamnekan na tao a omahap so nakem na jira. So na ikanoyong ni Kizisto a niomagag sira do raraten da a ji ngonot do manmanma pangozayan a ciring a nitaid na ji Moyse ni Ama ta do to.

1 Pite 1:15

Naknakmen nyo o kaji nyo mapazavozan so marahet a vazay nyo. Ta si Ama ta do to a yanimapanop jinyo am yabo jiya o marahet.

1 Pite 4:10

To ta mangozai o teneteneng a nitoro na jyaten ni Ama ta do to a somidong so tao.

1 Pite 4:11

O meylimwang no Ciriciring ni Ama ta do to am Ciriciring na ni Ama ta do to o malavat da. No manidong ta so icyatatao ta am ipeyhanhan ta si Ama ta do to a tomoro no oyowyat na jyaten. Ta no si macita da no tao o vazay ta a sidongen ni Yeso Kizisto am azwazwain da si Ama ta do to no aro a tao. Inaoy si mangay ji Ama ta do to o azwazway a kano oyowyat a mangay do kaidan no karawan! Amin.

2 Pite 1:3

Na rana nipazanod yaten ni Ama ta do to no oyowyat na, akma ney anak do karawan. Am ori o ji tamo meylimotengi so onowned do araraw. O tamo ipakahap so sang am yaomagaz do tamo rana kapakateneng ji Ama ta do to a yanimapanop jyaten a yamapazanod jyaten do inawan na kano azwazway na ni Ama ta do to,

1 Yowani 2:25

Ta o ipanci na jyaten a mahap ta ni Kizisto am to meyyonong a ikavyay no pahad ta.

Yota 1:24

Apzatan na inyo ni Ama ta do to a kaji nyo meyraratenan. So ikanoyong nyo a masaray a abo so karatan a mangay do tangain na ni Ama ta do to a macikazway jya.