1 Pite 4:9 - Seysyo No Tao

⁹ Masaray kamo a tomaotao so omatao jinyo a tao. Taosya o kaoya nyo so aktokto a amrapong sira.

1 Pite 4:9 ပူးပေါင်းရင်းမြစ်များ

Loma 12:13

Sidongen nyo sira o makasi a tao a akma nyoy kakteh do cinai. Taotawwen nyo sira o minangilili a tao.

Loma 16:23

O yako pacivahayan a meyngaran so Cyayo a yamrara so sinjya a yameynozi do vahay da am yakman sang a yameyminaminasi ninyo. Si Ilato a yatomalamozong no nizpi do keymiminili namen ya kani Kose am yakman sang sira yameyminaminasi ninyo.

2 Kedinto 9:7

Am to nyo palololwa o kingking nyo do onowned nyo. Ji nyo manenesehan, ta makto nyo an. Ta isaray na ni Ama ta do to o masaray so onowned a meykingking jya tao.

Veydipi 2:14

O makakaday a vazay nyo am ji nyo a ratan. Ji nyo a zyakan.

1 Timotay 3:2

O tomalamozong rana no kyokay am abo oyaoyyan da nya no tao an. Asa o katovong na do vahay. Ji na peyzavozavoza o vazay na. So apzatan na do kataotao na, katwatonton na so vazay na. Ikanig na o icyatatao na, kasaray na manaotao so apo do teysa ka ili a tao a kateneng na mangnanao so tao,

Tito 1:8

Isaray na o kapanaotao na so tao. Isaray na o kapanidong na so tao. Apzatan na o onowned na, kapiya na no icicirawat na. Akmey mazngang o onowned na a ji nala so nakenakem.

Veydimeng 1:14

So ko kakdayan jimo a to meynakem nya ikarilaw. Taosya kasalit mo a marilaw nya. Am no si ji mo amya am cyaha, to ko macipanadngi imo.

Sipolay 13:16

Ji nyo hamangi o kapanidong nyo so tao. Ta o akman rana so sang a vazay am akmey nakem ta patanangen ji Ama ta do to a isaray na.

Sipolay 13:2

Taotawwen nyo sira o tao do teyhesa ka ili do vahay nyo. Ta nimyan so tao a nimanaotao so tao do teyhesa ka ili am ji na tentenngi ka tinsi na no nitaotao na.

Yake 5:9

Ji nyo oyyan o kadwan jinyo, manga kakteh an, ta ioya na inyo ni Ama ta do to. So na rana ikakeykai a mai no yamapeykapyapinpin jyaten a Panirsirngen ta.