1 Pite 4:3 - Seysyo No Tao

³ Teywara o mina raraten nyo no kakwa. Ta meyyangay kamo pa so vazay a kano ji raralay ni Ama ta do to a tao a to meyvozaw a mapasagpyan so aktokto nyo a masakisakin, manaralay so malas a tao do to nyo, pacyangayan no makakaday a raraten nyo.

1 Pite 4:3 ပူးပေါင်းရင်းမြစ်များ

Make 7:22

kasagpyan na so aktokto, kapangagom na, kapangalalas na, kaji na apzatan do iwawalam na, kapanginanahet na, kapanamwad na, kapahama na so nakem na, kapamait na a meyraraten.

Nimlivolivon 17:30

No kaji da pa makatenngan ji Ama ta do to no tao am ji na naknakma o raraten da. Am sicyaikwaya am na ikakza o tao a yamamlis a komaro rana do peyraratenan da.

Loma 13:13

To ta peynara o icicirawat do maraw. Ji ta to ngyop so saki. Ji pasagpyana o aktokto. Ji maciskaskad. Ji manginanahet.

1 Kedinto 12:2

Naknakmen nyo pala no kaji nyo pa nganoyngan ji Yeso. Jyabo kaji na nitomalamozongan ninyo ni Satan a, do kanimraralay nyo no malas a iraralay nyo.

1 Kedinto 6:11

Yamyan jinyo so nimakman so sang no kakwa. Am kanivonas na rana so raraten nyo ni Ama ta do to. So nyo rana ipacikownongan ji Ama ta do to a kabnek na rana ninyo a abo so raraten do tangain na, do kapeyhanhan nyo ni Yeso Kizisto a Panirsirngen ta kano katalamozong na jinyo no Seyzi na ni Ama ta do to.

2 Kedinto 12:21

Ko ihawa o kapacimasesnek ko ninyo do tangain ni Ama ta do to no ipisa mangay ko jinyo. Jyabo kaji ko lavyan a makacita so aro a somagpyan a kano mangzakza no kakwa pa a ji mamlis so nakem a tao a.

Cyalatay 5:19

Mapengkad o marahet a vazay no tao. Ta to rana tenngi do icicirawat da, akman so macimasesnek a vazay,

Cyalatay 5:21

manginanahet a kano mayoyopen so saki a kano makakaday pa a ikarahet no tao a vazay. Oya rana am nipaziman ko na jinyo no kakwa. Am yako olin pa ipanci jinyo. Ta o mapeyvazay so akman sang a tao am ji macilovot do italamozong na ni Ama ta do to.

Ivoso 5:18

Ji ta todasaki, ta makararahet so tao o akman sang. Apyapya pa o kakza ta no Seyzi a tomalamozong nyaten.

1 Tesalonicya 4:5

So ji nyo mapasagpyani so kataotao nyo an. Ji kamo macyangangay do yato nazibo ni Ama ta do to.

Tito 3:3

Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.

1 Pite 1:14

Onotan nyo si Ama ta do to. Ji nyo to nginara o marahet a icicirawat nyo no kaji nyo pa manaralayan.

Yota 1:4

Ta yamyan so yatatasa ka tao a yamacizavoz jyaten. Sira rana am yamalas o yada ahahapan so pangangarilawan na ni Ama ta do to a kano ciring na a yada ibonbon do da pasagpyanan so kataotao da. Da taosyahen si Yeso Kizisto a yamaveyvow a yatomalamozong nyaten. No kakwa pa am amyan rana so ciring a domket do Seysyo a omaing jira, do keyyan no ipasingsingkad na sira ni Ama ta do to.