1 Pite 4:2 - Seysyo No Tao

² Pamindahen nyo rana sicyaikwaya o kaji nyo rana mangozayan do malas a monganay jinyo a onowned nyo. Ta o apyahen na ni Ama ta do to o ahapen nyo, do ipeyigegen nyo pa do karawan.

1 Pite 4:2 ပူးပေါင်းရင်းမြစ်များ

Matay 12:50

Ta o mahap so vazay ni Ama do to a tao am ori o abneken ko a kakakteh ko a kano ina ko.”

Matay 20:4

Maniring jira am, ‘Mai kamo a meyvazay do nihakawan ko an. Cyaha, ta panizpin ko inyo.’

Matay 21:31

Manngwa, sino jira ang o nimahap so ciring no ama da.” Maniring sira am, “O rakerakeh ang.” Maniring si Yeso am, “To ko na macitangayan jinyo am manmanma pa sira ka ninyo o mapeyvazay so deyking a tao a kano somagpyan a mavakes a macikaop do italamozong ni Ama ta do to.

Matay 7:21

“O tomawag jyaken a tao a manci no, ‘Mo Panirsirngen, mo Panirsirngen,’ am jyamimin sira macikaop do italamozong ni Ama ta do to. Ta o mahap so nanao ni Ama ta do to o macikaop jya.

Make 3:35

Ta o mahap so vazay ni Ama ta do to a tao am abneken ko a kakteh ko a ina ko.”

Make 7:21

Ta o meytotwaw a apo do onowned a makakaday a raraten am ingingit na sya mangay mapeyvazay so kapanakaw na, kapanwakwak na,

Yowani 1:13

Am beken a meyngongyod sira ori a nimapodpod so kataotao ji Ama ta do to, ta omaing do kanoyong da ji Ama ta do to. Am ori o abnekan na sira akma ney anak.

Yowani 7:17

No manoyong o tao a mangononong do apyahen ni Ama ta do to am katenngan na o ka yaken na, ka si Ama ta do to no nanao.

Loma 12:2

Ji nyo to panwanoda o kataotao nyo do yamarahet so yahahapan sya tao do karawan. Ta apyapya pa o kablis na so onowned nyo ni Ama ta do to. Ta ori o ipakateneng nyo do apya nakenakem na jinyo ni Ama ta do to a kano isaray ni Ama ta do to a vazay.

Loma 14:7

O cinatazak ta tao do karawan a yamraralay ni Yeso am beken a kakakzeb ta so kapeypapya no kataotao.

Loma 6:11

Akman sang, ta naknakmen nyo o kapacizanod no adan a onowned nyo ji Kizisto a nimawakwak no raraten nyo. So ikanoyong nyo na a meypahagnat so onowned ji Ama ta do to, ta kamo rana macikaop ji Yeso Kizisto.

Loma 6:2

Jyabo kakman ta sang a. Ta yatamo rana nikarwan o peyraratenan ta. Am manngwa, olin ta pa o peyraratenan taha?

Loma 7:4

Manga kakteh, yakamo akman sang a na rana ji nalamozongan no iwawalam na ni Moyse. Ta kanyo na macikaop ji Yeso Kizisto a nimawakwak no raraten nyo. Inyo rana sicyaikwaya am na rana ipeymatmatngeh inyo ni Yeso a yanimirwa a mavyay a Panirsirngen ta. Ta iya o manoyong a ahapen ta so vazay.

2 Kedinto 5:15

Na nikawakwak ni Yeso o tao do karawan. Ori o ji ta to mangozai do aktokto ta. Ta pangozayan ta si Yeso Kizisto a nimawakwak no raraten ta a kapirwa na rana mavyay.

Ivoso 2:3

No kakwa am akman tamo sira a to mangozangozay do nakenakem da. Am ori o ikanoyong ta meyraraten a tao a pasingsingtan na ni Ama ta do to no makwa.

Ivoso 4:17

Ko pangozayan o ngaran ni Yeso Kizisto a Panirsirngen ta a yamvavaga jinyo. Ji nyo nginara o icicirawat da no yaji manaralay a tao, ta o nakenakem da nira am yabo na peypeypangayan.

Ivoso 5:17

Ji ta todabwabo so nakem. Ta katenngan ta o apya vazay a pahanhanan na jyaten ni Ama ta do to.

Ivoso 6:6

Beken a no mangay da citahen inyo no lawpan o ikakdeng nyo a mahap so vazay da. Ta omaing do kararalay nyo ni Ama ta do to o kasaray nyo a mahap so vazay da, do kakma nyoy kalamsoyan ni Kizisto.

Kelosi 1:9

Mamizing namen inyo am masangib namen a meynozi ninyo. Ipeynozi namen o kapanta na ninyo no Seyzi so makakaday a teneteneng a makateneng do nisidongan na jinyo ni Ama ta do to a kano peypalanginan na ninyo.

Kelosi 3:3

Ta inyo rana am yamyan rana jinyo so vayo a onowned nyo a ji nalamozongan rana no raraten. Ta kamo rana macikaop ji Yeso Kizisto a kani Ama ta do to.

Kelosi 4:12

Si Ipava rana a keylyan nyo am yakman sang a yameyminaminasi ninyo. Iya rana am lamlamsoy ni Yeso Kizisto a masangib a meynozi ninyo. Ipeynozi na o kakdeng nyo so nakem ji Ama ta do to a meypahagnat so nakem a manoyong a omonot do nakem na ni Ama ta do to.

1 Tesalonicya 5:18

Tana apya, tana marahet o masapa nyo am o kasaray nyo ji Ama ta do to. Ta ori rana am nakenakem na jinyo ni Ama ta do to a omanod ji Yeso Kizisto a tao.

Sipolay 13:21

Inaoy si itoro na jinyo ni Ama ta do to o makakaday a ileylamnay no nakem nyo a kowyat na jinyo a mahap so isaray na vazay. So ikanoyong nyo a mahap so nakenakem ni Ama ta do to, do nyo kararalay ni Yeso Kizisto. Inaoy si mangay o azwazway ji Kizisto mangay do kaidan no karawan. Amin.

Yake 1:18

Na to mangozai o nakem na a manci nyaten akma ney anak. Ta yaten rana am ipeyhanhan ta o manoyong a nanao na. Am ori o yata iyan do ney manokdwan na do makakaday a nyamamaog na.

1 Pite 1:14

Onotan nyo si Ama ta do to. Ji nyo to nginara o marahet a icicirawat nyo no kaji nyo pa manaralayan.

1 Pite 2:1

Am ori o karwan nyo do makakaday a marahet a vazay. Taosya o kapangononong so malas. Taosya o kapakatanteneteneng nyo. Taosya o kapanginanahet nyo. Taosya o kapanraherahet nyo so tao.

1 Yowani 2:17

O karawan eya kano pangangagoman no tao am ji meyyonownay ori. Am o mapeyvazay so vazay ni Ama ta do to am amyan rana jya o to meyyonong a ikavyay no pahad na do teyngato.