1 Pite 4:16 - Seysyo No Tao

¹⁶ Am no amyan so alalaw nyo do kapanaralay nyo am ji nyo macimasnekan. Isaray nyo ji Ama ta do to o yanyo kapacikazway do ngaran ni Kizisto.

1 Pite 4:16 ပူးပေါင်းရင်းမြစ်များ

Nimlivolivon 11:26

Makala na rana am palolwen na mangay do Antia. So nipakasa kawan da macikaop do aro a sinjya amnanao sira. Nimacipinda no kano nang o kangaran da rana jira a “omraralay ni Kizisto” do Antia.

Nimlivolivon 26:28

Maniring si Aglipa ji Pawlo am, “Mo panopen yaken a yaomanoyong ji Kizisto?”

Nimlivolivon 28:22

Am pancyan pala jyamen, ta namen katenngan inyo a yamraralay ni Yeso a da pacioyyan no aro a tao do peycyeylilyan na.”

Nimlivolivon 5:41

Karwan da o rako a peykeykaygyan am masaray sira. Ta nakenakem na ni Ama ta do to o karahet da sira a meyhanhan ni Yeso.

Veydipi 1:20

Ko ipeyhanhan si Ama ta do to a somidong jyaken a mapeyvazay so isaray na vazay. Tana sicyaikwaya kano kakwa am meyyangay o kaji ko anyaheyan. Tana mavyay ko a tana mawakwak ko am jyabo kaji ko azwazwayan si Kizisto do kataotao ko a.

Veydipi 1:29

O na nipamnekan jinyo am beken a nyo kanoyong ji Kizisto an, ta ahapen nyo o alalaw na a mahap so vazay na,

2 Timotay 1:12

Ori o yana niyapwan no alalaw ko. Am cyaha, ta yako katenngan si Yeso a yako ipeyhanhan. So ko anoyngan ji Yeso a makasidong jyaken a mapeyvazay so vazay na mangay do araraw no ikeypirwa na mai.

Yake 2:7

Sira rana o katenngan a tao a aro so nizpi am da rehrehten o mazway a ngaran ni Yeso Kizisto a nyo pacingaranan.

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

1 Pite 4:11

O meylimwang no Ciriciring ni Ama ta do to am Ciriciring na ni Ama ta do to o malavat da. No manidong ta so icyatatao ta am ipeyhanhan ta si Ama ta do to a tomoro no oyowyat na jyaten. Ta no si macita da no tao o vazay ta a sidongen ni Yeso Kizisto am azwazwain da si Ama ta do to no aro a tao. Inaoy si mangay ji Ama ta do to o azwazway a kano oyowyat a mangay do kaidan no karawan! Amin.

1 Pite 4:14

Masaray kamo no amyan so peyleylakan da jinyo a mahap so vazay ni Kizisto. Ta padnadnahen na o nakem nyo no Seyzi na ni Ama ta do to a yamyan jinyo.

1 Pite 4:19

Am ori an, no si nakem na ni Ama ta do to o kapakasazi da no tao so alalaw am ji da macimazai o kapanidong da so tao. Ta ipeyhanhan da si Ama ta do to a nimangamaog so tao do karawan a makasidong sira.