1 Pite 4:11 - Seysyo No Tao

¹¹ O meylimwang no Ciriciring ni Ama ta do to am Ciriciring na ni Ama ta do to o malavat da. No manidong ta so icyatatao ta am ipeyhanhan ta si Ama ta do to a tomoro no oyowyat na jyaten. Ta no si macita da no tao o vazay ta a sidongen ni Yeso Kizisto am azwazwain da si Ama ta do to no aro a tao. Inaoy si mangay ji Ama ta do to o azwazway a kano oyowyat a mangay do kaidan no karawan! Amin.

1 Pite 4:11 ပူးပေါင်းရင်းမြစ်များ

Matay 6:13

Ji mo yamen amya kalittan. Apzatan mo yamen mo Ama do to, do kararatan do teyrahem. [Ta imo rana am ka tey mowyat a tey mazway a Tao do to a yatomalamozong nyamen a mangay do kaidan no karawan. Amin.]’

Yowani 13:31

Makowbot si Yota am maniring si Yeso am, “Sicyaikwaya am macita nyo na o azwazway ko a Nipamnekan na ni Ama ta do to a tao. Ta pakacittan da no tao so azwazway na ni Ama ta do to do Nipamnekan na tao.

Nimlivolivon 7:38

Si Moyse o nipacisirsirngan no tinsi do tokon a meyngaran so Sinay, no keyyan da pa no ineynapo ta do kabwan no nihakawan no tao. Iya o torwan na no nivatvatkan a to meyyonong a Ciriciring ni Ama ta do to a nitaid na jyaten.

Loma 11:36

Ta yamamimin o makakaday a yana nyamamaog. So ika iya na no tomalamozong no makakaday do karawan. Inaoy no si mangay jya o azwazway na mangay do kaidan no karawan. Amin.

Loma 12:3

Yaken rana a nipamnekan ni Ama ta do to a lamlamsoy na a nipantan na so aryarilaw na am ko vavagan inyo. Ji nyo pahamaha o kataotao nyo. Ta to nyo palololwa o ahahapan nyo so kataotao nyo do na nitoro jinyo ni Ama ta do to a teneteneng nyo.

Loma 16:27

Azwazwain ta si Ama ta do to a tey mateneng a Tao do to a mangay do kaidan no karawan, do kanisomidong na jyaten ni Yeso Kizisto. Amin!

Loma 3:2

Yaro peypeypangayan no nang. O ney manma na am na nitoro jira ni Ama ta do to o ciriciring na.

1 Kedinto 10:31

Am ori an, tana makakaday a vazay nyo a tana koman kamo a tana omyop kamo am naknakmen nyo o kazwazway nyo si Ama ta do to.

1 Kedinto 12:4

Tana yameykataretarek o oyowyat a kano teneteneng ta am yasa o Seyzi a yamanta nyaten so sang.

1 Kedinto 3:10

No ko pangozayan o nitoro na jyaken ni Ama ta do to a teneteneng am ko akmey mateneng a mangamaog so vahay a tao, do kanimapangay ko so soil na a katonton da jya pakapyahen do teyngato no karwan no tao. So pakapyan da so paringen da vahay.

1 Kedinto 6:20

Ta inyo rana am na nipalit inyo no rala na ni Yeso. Am ori o azwazwain nyo si Ama ta do to no kataotao nyo an.

2 Kedinto 2:17

Namen jyakman so aro a tao a yamacininizpi no nanao ni Ama ta do to. Ta namen meyngongyod a nipamnekan ni Ama ta do to a yameylimwang no ciriciring na. So namen ikanoyong a yaji mangalalas so ciring a lamlamsoy na ni Kizisto.

2 Kedinto 9:13

O akman rana sang a ipanidong nyo so tao am ipakateneng da jinyo no aro a tao a yaomonot ji Kizisto a yaji mapasala do nanao ni Kizisto a yamanidong so tao. Am ori o da miminan so azwazway a itoro ji Ama ta do to no aro a tao.

Ivoso 1:19

Yamapeyzokab o na vazay no oyowyat na do yaomanoyong jya tao. Oyowyat rana ori am

Ivoso 4:29

Taosya o marahet a ciring a makowbot jinyo. Ta o makasidong so tao a kano ikapya no tao a ciring o patwawen nyo. Ta ori o ipakasidong nyo so omamizing so ciring nyo a tao.

Ivoso 5:20

O kasaray nyo no makakaday a yana nitoro jinyo ni Ama ta do to, ta si Yeso Kizisto o manoyong a Panirsirngen ta.

Ivoso 6:10

Manga kakteh, oya rana am imanowji rana yako inanao jinyo. Inyo rana am ipeyhanhan nyo o rako a oyowyat no Panirsirngen ta a omzat jinyo.

Veydipi 1:11

So ikasasaray nyo a mapeyvazay so apiya vazay do kowyat na jinyo ni Yeso Kizisto. Ta si makman kamo sang am azwazwain da rana si Ama ta do to no aro a tao.

Veydipi 2:11

a manci ni Yeso Kizisto a Panirsirngen. So ikanoyong no azwazway a mangay ji Ama ta do to.

Kelosi 4:6

No meyzezyak kamo am pasaklangen nyo o apiya gamogamo nyo, kapiya da omamizing nya a kateneng nyo a mapasapa do mapacici jinyo a tao.

1 Tesalonicya 2:4

Ta o yana nipamnekan jyamen ni Ama ta do to am na meypakemkemen jyamen o kapeylimwang namen no Mapasaray a Ciriciring na. Am ori o ji namen mapatareki so ipanci namen a komagkaglaw so icyatatao namen. Ta o makateneng do onowned no tao a Tao do to am iya ori o namen pasarain no vazay namen.

1 Timotay 1:17

Inaoy no to ta meyyonong a omazwazway si Ama ta do to a Panirsirngen ta. Ta iya rana am jyawakwak a jyacita a meyngongyod a Tao do to. Amin.

1 Timotay 6:16

Ta si Ama ta do to am jyawakwak. Meyvahay do ji macisngeni no tao a maniray. Abwata pa o nimakacita sya tao. So ikabo no macisazap jya. Inaoy no to meyyonong a azwazwain ta, katalamozong na nyaten. Amin.

Tito 2:1

Am imo rana am ji mo palasa o ipanvavaga mo so amraralay ni Yeso a tao an. Ta to mo mangozai o manoyong a nanao na ni Ama ta do to.

Tito 2:15

Nanawen mo sira no yamakakaday a vazay. No myan so ivavaga mo jira kano oyaoyyan mo nira am manakem mo o yada kownot jimo a yamizngen so ciring. Ta ji mo akwan o kalavayo mo.

Sipolay 13:7

Inarahen nyo sira o nimapalololo jinyo no kakwa a nimeylimwang no ciriciring na ni Ama ta do to. Ta no kapeyigegen da pa kangay na do nikawakwak da rana am yamamimin o vazay da omagaz do da kapeyhanhan ni Yeso. So inaran nyo so kakdekdeng da meyhanhan ni Yeso.

Sipolay 5:12

No kamo mowyat a yamacinanao am kamo na mangnanao. Am asyosyo kamo eya a yada pananawen no tao no yatodalapit a ciring na ni Ama ta do to. So nyo icyakmey metdeh a yapa somoso.

Yake 1:19

Manga kakteh, no mangamizing kamo so ciring no tao am taosya o kato nyo maciogtwan do ciring da jinyo. Ji kamo to meyoyaoya.

Yake 1:26

No myan so tao a mapakakdekdeng so nakem ji Ama ta do to a kaji na amzatan do ciring na am alalasan na o kataotao na. So ikabo no peypeypangayan na no kararalay na ni Ama ta do to.

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

1 Pite 2:5

Inyo rana a tao a na yanan no to meyyonong a ikavyay no pahad nyo am itoro nyo o kataotao nyo ji Ama ta do to. So icyakma nyoy vato a ipatnek na so panaralayan. So nyo icyakmey mapatanatanang so nakem ji Ama ta do to. Am o patanangen nyo am sarasaray nyo. So sarayan na nya jinyo ni Ama ta do to so akman sang a nakem nyo sya, ta kamo na macikaop ji Yeso Kizisto a na rana yanan no Seyzi.

1 Pite 4:10

To ta mangozai o teneteneng a nitoro na jyaten ni Ama ta do to a somidong so tao.

1 Pite 4:16

Am no amyan so alalaw nyo do kapanaralay nyo am ji nyo macimasnekan. Isaray nyo ji Ama ta do to o yanyo kapacikazway do ngaran ni Kizisto.

1 Pite 5:11

Inaoy no si mangay o azwazway a kano oyowyat ji Ama ta do to a mangay do kaidan no karawan! Amin.

Yota 1:25

Si Ama ta do to am abo o ikararwa na a yanitomovoy si Yeso Kizisto a Panirsirngen ta a mapatazadang jyaten do teyngato. Inaoy si mangay jya o azwazway do teyngato a kado teyrahem nimapo no kakwa, na kai sicyakwaya a kangay na do kaidan no karawan. Amin.