1 Pite 3:9 - Seysyo No Tao

⁹ Ji nyo patonggali o karatan no kadwan jinyo. Ji kamo masyavavay. Ta kaovayovay nyo so kadwan jinyo. Ta no kapanop na jinyo ni Ama ta do to am akman so sang o nakenakem na jinyo.

1 Pite 3:9 ပူးပေါင်းရင်းမြစ်များ

Matay 19:29

O mahap so vazay ko a to rana ngaro do kavavahay da kano kakakteh da kano inyapwan da kano minapodpod jya kano nihakawan da am arwaro pa o makadpeh jira a kapakahap da so to meyyonong a ikavyay no pahad da.

Matay 25:34

Karahan am maniring o panirsirngen do amyan do wanan na tao am, ‘Inyo rana yana nipanlanlag ni Ama am sijya kamo do italamozong na ni Ama ta do to, ta amoonen nyo o nakem na jinyo no kapangamaog na pa so karawan.

Matay 5:39

Am ko pa ipanci jinyo am taosya o kapatonggal nyo do ji makazid jinyo. No amyan so tao a somiplang so wanan a posngi mo am to mo pa norwan o asa ka posngi mo a siplangen na.

Matay 5:44

Am ko pa ipanci jinyo am ikarilaw nyo sira o macioya jinyo a tao a kapeynozi nyo no mapakakasi jinyo a tao.

Make 10:17

To rana jyangay si Yeso am to ngyan so asa ka tao a malayo a mangay a meylilitod do tangain na. Maniring jya am, “Mo Mangnanao a tey yapya so nakenakem. Makongo ko so wanjin a kapakahap ko so to meyyonong a ikavyay no pahad ko.”

Locya 10:25

Amyan so asa ka mangnanao no iwawalam ni Ama ta do to a tao a nimai a somkad ji Yeso. Maniring am, “Mo Mangnanao, makongo ko a kapakahap ko so to meyyonong a ikavyay no pahad ko.”

Locya 18:18

Amyan so asa ka panirsirngen no tao do Yotay a mangay a mapacici si Yeso. Maniring am, “Ko imo katenngan a tey yapya a mangnanao a tao. Manngwa, makongo ko so wanjin a kapakahap ko so to meyyonong a ikavyay no pahad ko.”

Loma 12:14

Ipeynozi nyo sira o mapakakasi jinyo a tao. Ji nyo manircirngi sira o macioya jinyo a tao.

Loma 12:17

Ji kamo mapatongtonggal. O ipanci no tao apiya vazay am ahapen nyo a peyvazain.

Loma 8:28

Tamo katenngan na kasidong ni Ama ta do to so yamraralay nya a tao a nipamnekan na mangozay do nakenakem na a tao. So na ikamimin no vazay da na ipeypalanginan ni Ama ta do to. So ikanoyong da meypapya nya.

Loma 8:30

Ta o tao a nipamnekan na ni Ama ta do to a amraralay nya am nipanop na sira a omanoyong jya, kabnek na sira abo so raraten do tangain na. So ikanoyong da macikazway jya do teyngato no makwa.

Cyalatay 3:14

O nikakman na sang ni Yeso Kizisto am ikakza na o aryarilaw na ni Ama ta do to si Apolahan a mangay na itoro do beken a tao do Yotay. So ta rana ikamimin a makahap so Seyzi a nipanci na itoro na jyaten ni Ama ta do to, do kapeyhanhan ta nya.

Ivoso 4:32

O kapya nyo so nakenakem do kadwan jinyo. To nyongbowa o oyyan nyo no kadwan jinyo, akman si Ama ta do to a yatongbo so raraten nyo, do na kanimawakwak ninyo ni Kizisto.

1 Tesalonicya 5:15

Azimanen nyo an. Ji nyo patonggali o macioya jinyo a tao an. O kapasicyakarilaw nyo. O tey kakza da vazay no icyatatao nyo am peyvazain nyo.

Sipolay 12:17

Meyratateng am kakzeben na si ama na manlanlag nya am ji na pakongo ni ama na. Ta masalit ji ama na a mapaoli so nimaskad rana vazay. Tana to lavi a maneseh si Isaw am ji na nimapaoli o nakem na ni ama na a manlanlag nya.

Sipolay 6:14

Maniring am, “Pangononongan ko o aryarilaw ko jimo a mapasaod so sivosivovoong mo.”

1 Pite 5:10

Si Ama ta do to am yana yapwan no rako a pangangarilawan, do na kapazanod jinyo do azwazway na. Ta inyo rana am kamo rana macikaop ji Kizisto. Am ori an, no si mavitos rana o yaji meyyonownay a alalaw nyo am manoyong kamo na oyatan ni Ama ta do to, kahadpet nyo na so nakem.