1 Pite 3:4 - Seysyo No Tao

⁴ Ta ney makdeng o kapiya no onowned nyo. Ta o tey yapya so nakenakem do icyatatao na ji makazyazyak a mangay do ikararakehan na am tey mazway o akman sang do tangain na ni Ama ta do to.

1 Pite 3:4 ပူးပေါင်းရင်းမြစ်များ

Matay 11:29

Ahapen nyo o vazay ko. Inarahen nyo yaken. Ta o nakenakem ko am mapanadnad so nakem a ji makazyazyak. No si akman kamo sang am manoyong kamo a keyhepawan so kataotao.

Matay 21:5

“Si maniring kamo do tao do Yelosaleng am, Cita kamo o Panirsirngen nyo a mai. Iya rana am na ji pakaranga o kataotao na a omavang do anak no baka.”

Matay 23:26

Inyo rana yakmey mavota tao a macyagom do Vadisay am apyapya pa o kayavayo nyo so onowned nyo. Ta ori o ikapiya na rana no icicirawat nyo.

Matay 5:5

“O mapanalawbo so kataotao da tao am tey yapya sira. Ta mahap da o nipanci na pa ni Ama ta do to a yazaw na sira.

Locya 11:40

Inyo rana ji mamayok a tao am manngwa, nyo jyatenngi na kapakateneng do kataotao nyo a kano onowned nyo ni Ama ta do to?

Locya 16:15

Maniring jira si Yeso am, “Kanyo mapakapyapya so nakem do tangain no tao. Am si Ama ta do to rana am yamanita so onowned no tao an. Ta o ipanci no tao a ney makdeng na vazay am ipanci na ni Ama ta do to a jyakdeng.

Loma 1:23

Da ji raralayan o yato meyyonong a Tao do to. Da iraralay o da nipariparing a yakmey taotao a kano meyyasasalap a kano omalalam a kano makakaday a nipariparing da.

Loma 2:29

O manoyong a tao do Yotay am mamlis so onowned a omanoyong ji Ama ta do to. Ta ori rana am vazay na ori no Seyzi na ni Ama ta do to. So ikabeken a kahap so iwawalam na ni Ama ta do to a nitaid na ji Moyse. O mahap na azwazway no nimamlis so onowned a tao am beken a apo do tao, ta apo ji Ama ta do to.

Loma 6:6

Tamo na katenngan o adan ta onowned a yarana akmey nimacizanod ji Kizisto a nipadket do jyojika. So ikanoyong ta na a nikomaro rana do raraten ta. So ikabo na rana no oyowyat no raraten a tomalamozong nyaten.

Loma 7:22

Am o na ikakza no onowned ko am vazay na ni Ama ta do to.

2 Kedinto 10:1

Yaken rana am si Pawlo ko a yamvavaga jinyo. No kamo maniring am, “Ka apiya so ciring no ka macikaop jyamen. No ka ji macikaop jyamen am mo ji ngeypeypepzaci yamen do teygami mo,” kwan nyo yaken. Am sicyaikwa rana ya am ko na hapen o kapyapya na ni Kizisto a yamapasyasi jinyo.

2 Kedinto 4:16

Am ori an, namen jyaraci nya so onowned. Tana ji namen a ngahay a yameypararakeh am yamangday do araraw o onowned namen a yameypahagnat.

Cyalatay 5:23

ji mapahama so nakem, ji to mangozangozay do nakem. So ikabo no pasobnan na a ciriciring na ni Ama ta do to no akman sang a tao.

Ivoso 4:2

Taosya o kapahama nyo so nakem nyo. Apyapya pa kapiya no nakem nyo do icyatatao nyo. Ji kamo meyoyaoya. Ta karilaw nyo no kadwan jinyo.

Kelosi 3:12

Si Ama ta do to o yamarilaw ninyo a nimamnek jinyo a akma ney anak. Am ori o ipangarilaw nyo a mapanalawbo so aktokto nyo, ta kapiya nyo so nakem do tangain no tao a jyahayo so onowned.

Kelosi 3:3

Ta inyo rana am yamyan rana jinyo so vayo a onowned nyo a ji nalamozongan rana no raraten. Ta kamo rana macikaop ji Yeso Kizisto a kani Ama ta do to.

1 Tesalonicya 4:11

Makapya kamo so onowned do kadwan jinyo an. Ji kamo manamwad an, ta makowyat kamo a amyaw no velek nyo an. Inarahen nyo o ninanao namen pa jinyo no kakwa an.

2 Tesalonicya 3:12

O akman rana sang a tao am pangozayan namen o ngaran ni Yeso Kizisto a Panirsirngen ta a mapaziman sira. So ikowyowyat da pa a meyvazay a omyaw no velek da. Ji sira to manazovaz so icyatatao da.

1 Timotay 2:2

Ipeynozi nyo sira o kabtekan nyo a panirsirngen do teyrahem a kano aro a panipanirsirngen do peycyeylilyan na. Ipeynozi nyo sira a kateneng da tomalamozong no pongso da. Ta ori o ikapiya takamo do keymiminili ta, ji meyrahet so nakenakem.

2 Timotay 2:25

No akman sang o inanao na so ji ngahap so nanao a tao am ala ipanta na sira ni Ama ta do to so ipamlis da so nakenakem, kapakateneng da rana do manoyong a nanao na ni Ama ta do to.

Tito 3:2

Vavagan mo sira ji manamwad so icyatatao da, kaji da macivaivaitan. Manganyanig sira so tao. Ji sira mapahama so nakem do icyatatao da.

Yake 1:21

Am ori an, vonasan nyo so marahet a nakenakem nyo a kano marahet a icicirawat nyo a omonot ji Ama ta do to a omahap so ciriciring na a na akmey nipamowa do onowned nyo a mapatazadang jinyo do teyngato.

1 Pite 1:23

Ta inyo rana am yamyan rana jinyo so to meyyonong a Ciriciring ni Ama ta do to a ikavyay no pahad nyo.

1 Pite 3:15

Ji kamo a haha so nakem ji Kizisto. Iraralay nyo a panadnaden o Panirsirngen nyo. Mangday kamo do araraw a omnakenakem so itovis nyo do mapacici jinyo, do raralayan nyo ni Ama ta do to a mapatazadang jinyo do teyngato.