1 Pite 3:2 - Seysyo No Tao

² Ta macita da o kapiya no icicirawat nyo a kano kakdekdeng nyo amraralay ni Ama ta do to.

1 Pite 3:2 ပူးပေါင်းရင်းမြစ်များ

Ivoso 5:33

So icyakman nyo sang a mahakay a marilaw no katovong nyo do vahay. To nyo peynara do karilawan nyo no kataotao nyo o karilawan nyo nira. Am panadnaden nyo a mavakes o kahanghangan nyo.

Ivoso 6:5

Inyo rana lamlamsoy da am onotan nyo sira o lawpan nyo. Ikanig nyo sira. To nyo peynara o nakenakem nyo si Kizisto a mahap so vazay da no lawpan nyo.

Veydipi 1:27

O ahahapan nyo so onowned nyo do araraw am pehngehngain nyo do Mapasaray a Ciriciring na ni Kizisto an. Tana ji ko angay a tomita jinyo a kapakamizing ko jinyo a akmey asa so pangtoktwan a kano onowned a mowyat a meylimwang no Mapasaray a Ciriciring,

Veydipi 3:20

Am yaten rana am italamozong na yaten ni Ama ta do to. So pananalan ta si Yeso Kizisto a Panirsirngen ta a meygegcin a apo do teyngato. Ta iya o mapatazadang jyaten do teyngato.

Kelosi 3:22

Inyo rana peylamsoin da tao am amizngen nyo o ciring da no mapeylamsoy jinyo a tao. Ta o vazay nyo rana am beken a tao o pacittan nyo nya, ta omagaz rana do kakdekdeng nyo a amraralay ni Ama ta do to a Panirsirngen ta.

1 Timotay 4:12

Tana malavayo ka am apzatan mo o ciriciring mo a kano icicirawat mo a kano pangangarilawan mo so icyatatao mo. Akman sang o onowned mo. Ta peycitacittan da imo no omanoyong ji Yeso, kaji da rana ngolalai so ipangnanao mo.

1 Pite 1:15

Naknakmen nyo o kaji nyo mapazavozan so marahet a vazay nyo. Ta si Ama ta do to a yanimapanop jinyo am yabo jiya o marahet.

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

1 Pite 3:1

Inyo rana mavakes am onotan nyo o kahanghangan nyo. Ta no si amyan jira ori so ji nganoyong do Ciriciring na ni Ama ta do to am anoyngan da rana, do pakacittan da so apiya icicirawat nyo. So ikapyapya no apya icicirawat nyo a kano aro a ciring nyo a inanao nyo sira.

1 Pite 3:3

Taosya o kapeyhahama nyo no avok nyo a kano ovaovay nyo a kano aywayob nyo.

2 Pite 3:11

No si manoyong o kakman na sang a mabalinas no makakaday am makongo kamo so wanjin a tao. Am ori an, kakzan nyo no ji meylimoteng so onowned a tao a omraralay ni Ama ta do to,