1 Pite 3:19 - Seysyo No Tao

¹⁹ Nioyatan no Seyzi o pahad ni Yeso a mangay a mapamizing so pahad no nimawakwak rana tao.

1 Pite 3:19 ပူးပေါင်းရင်းမြစ်များ

1 Pite 3:18

Ta ipisa si Yeso Kizisto a nimawakwak no raraten ta, kapakavos na rana so vazay na a mapatazadang jyaten do teyngato. So ikanoyong na abo so raraten a nisomabway no raraten no tao, do na kapanop jyaten ji Ama ta do to. Tana niwakwak da o kataotao na am jya nimawakwak o pahad na.

1 Pite 3:20

Sira rana am ji da nyanoyngan si Ama ta do to no kapamaring na ni Noya so avang na. Kakwakwan da ji manganoyong am ji na nikahayo sira ni Ama ta do to a nanalahen a mamlis. Tana wawao sira o nisomdep do avang ni Noya am nivyay na sira ni Ama ta do to do rako a henep.

1 Pite 4:6

Ori o yarana nipamizngan no Mapasaray a Ciriciring na ni Ama ta do to so yarana nimawakwak a tao. Ta tana meyyangangay o tao a tana mawakwak a komaro do karawan am o pahad da no nimraralay ni Ama ta do to am macitovong ji Ama ta do to do teyngato.

Ipaziman 19:10

So nipeylilitod ko do tangain na omraralay nya. Maniring jyaken am, “Ji ka akman sang an. Ta yaken rana ka nimo a kano akma moy kakteh do cinai a yamahap so nipeylimwang na ni Yeso a nanao am mamimin a lamlamsoy ni Ama ta do to. So raralayan mo ni Ama ta do to. Ta o nanao na ni Yeso Kizisto am meyyangay ori a kano nipangnanao da no panoyonoywan na ni Ama ta do to so ciring na no kakwa pa yato ngai sicyaikwaya.”

Ipaziman 20:7

Hatasen na o asa zivo (1000) so awawan am pasawain na rana si Satan.