1 Pite 2:8 - Seysyo No Tao

⁸ Maniring pa do Seysyo am, “O Vato rana ori am cikadan da no tao a ikalektek da.” O icikad da no tao am ji da nganoyngi o ciriciring na ni Ama ta do to. Ori rana am ahapan na ni Ama ta do to so ji manaralay a tao.

1 Pite 2:8 ပူးပေါင်းရင်းမြစ်များ

Locya 2:34

So nitoyotoyonan na sira ni Simoyang a kapanci na nya ji Madiya so, “Manoyong o kanakan eya na nipamnekan ni Ama ta do to. Aro omanoyong jya tao. Aro ji nganoyong jya. So ikaro da no tao a maoya nya.

Loma 9:22

Akman sang o vazay na ni Ama ta do to. Ta nipacita na o peyoyaoyyan na kano oyowyat na. Am na kato anketkenan do nakenakem na yamwoya no tao do da peyraratenan.

1 Kedinto 1:23

Am yanamen ipeylimwang si Kizisto a nipadket da do jyojika. O akman rana sang do tao do Yotay am ipacimanig da. Am no citahen da o akman sang no beken a tao do Yotay am abwata o ayyaingan na.

2 Kedinto 2:16

Am o ji nganoyong jya tao am ikaoya da o akman sang a ciriciring na ni Ama ta do to, do kangay na jira no peyoyaoyyan ni Ama ta do to no makwa. Am omanoyong jya tao am ikavyay no pahad da. Sino makapeyvazay so akman sang a rako a vazay.

Cyalatay 5:11

No si ipeylimwang ko o kayongkad do kataotao am ikongo da rehrehtan jyaken. O da rehrehtan jyaken am ko ipeylimwang o jyojika ni Kizisto. Am ori o da oyyan nyaken no ji raralay ni Yeso.

1 Tesalonicya 5:9

Ta o na nipamnekan jyaten ni Ama ta do to am beken a mangay na ioya nyaten. Ta ahapen na yaten do kapyapyan. Ori o mina vazay na no Anak na si Yeso Kizisto a Panirsirngen ta.

1 Pite 2:6

Ta maniring do Seysyo am, “Ko nimangata so jya toda ka vato a lalitan a soil no vahay do Sian. Sira rana a meyhanhan nya am amyan so nakem na jira ni Ama ta do to.”

1 Pite 2:7

O akmey lalitan rana am tey makdeng jinyo a omraralay ni Ama ta do to. Am o lalitan rana do ji raralay ni Ama ta do to a tao am ji da tenngi o kakdeng na. Akman so ciring do Seysyo. Maniring am, “O Vato a niwalit da no mapatnek so vahay am nimeyvoga a ney makdeng na aslet no ai no vahay.”

2 Pite 2:3

Sira rana malas so ipangnanao a tao am mangamaog sira so ciriciring a ipeylimwang da ipangap da so apzapzatan no tao a ikadpeh jira. So iyan na rana no kakwa no oyyan na nira ni Ama ta do to. So ikanoyong da rana ji rana makasaway do pasingsingtan na jira ni Ama ta do to.

Yota 1:4

Ta yamyan so yatatasa ka tao a yamacizavoz jyaten. Sira rana am yamalas o yada ahahapan so pangangarilawan na ni Ama ta do to a kano ciring na a yada ibonbon do da pasagpyanan so kataotao da. Da taosyahen si Yeso Kizisto a yamaveyvow a yatomalamozong nyaten. No kakwa pa am amyan rana so ciring a domket do Seysyo a omaing jira, do keyyan no ipasingsingkad na sira ni Ama ta do to.