1 Pite 2:6 - Seysyo No Tao

⁶ Ta maniring do Seysyo am, “Ko nimangata so jya toda ka vato a lalitan a soil no vahay do Sian. Sira rana a meyhanhan nya am amyan so nakem na jira ni Ama ta do to.”

1 Pite 2:6 ပူးပေါင်းရင်းမြစ်များ

Matay 12:18

“Cita kamo, ta iya rana am ko nipamnekan a lamlamsoy ko. So ko kaglawan nya. Ko sarayan nya. Itoro ko jya o Seyzi ko. Ipeylimwang na do tao o kapatazadang ko sira do teyngato.

Make 12:10

Nyo pa jyatenngi o akman sya ciring do Seysyo? ‘O Vato a niwalit da no mapakapya so vahay am yarana meyvoga a ney makdeng na aslet no ai no vahay.

Locya 20:17

Citahen na sira ni Yeso am pacicin na sira. Maniring am, “No si ipanci nyo o kabo no akman sang a vazay ni Ama ta do to am ikongo na peypeypangayan no nivatvatkan do Seysyo. Ta maniring am, ‘O Vato a niwalit da no mapatnek so vahay am nimeyvoga a ney makdeng na aslet no ai no vahay.’

Locya 23:35

Aro tao a meytatanek a tomangara sya. O panipanirsirngen no tao do Yotay am meykeykaming sira manci no, “Na mavyay sira o tao am no yamanoyong a na nipamnekan ni Ama ta do to a Kizisto am na ji vyai so kataotao na.”

Yowani 7:38

Ta akman so domket do Seysyo a ciring, ‘Omanoyong jyaken am amyan so akmey atbod a ranom a jyates a amvoyog do onowned na pakahapan da no tao so to meyyonong a ikavyay no pahad da.’ ”

Nimlivolivon 1:16

“Manga kakteh, nimangononong o nivatvatkan ni Tawey a nipaziman na jya no Seyzi no kakwa pa a omagaz ji Yota a nimapalolo so tao a amrakep si Yeso.

Loma 10:11

Maniring do Seysyo am, “Omanoyong jya tao am amyan so nakem na jira ni Ama ta do to.”

Ivoso 1:4

No kaji na pa amaogan no karawan am nipamnekan na rana yaten ni Ama ta do to a monganay jya. Ta nikawakwak ni Yeso Kizisto o raraten ta. So ikanoyong ta abo rana so karatan do tangain na ni Ama ta do to. Na tey karilaw yaten ni Ama ta do to.

Ivoso 2:20

Ta nyo nimahap rana o nanao da no nipamnekan ni Yeso a omlivolivon no ciriciring na kano mangononong so ciriciring na ni Ama ta do to. So na ikamimin no nang a yapo ji Yeso Kizisto.

2 Timotay 3:16

O Seysyo rana am mamimin a apo ji Ama ta do to. So ikanoyong na tey mowyat a inanao na so omanoyong jya tao, a iblis na so onowned no malas a tao, a ipaziman na so meyraraten a tao, a inanao na so tao a mangozay do apiya vazay na ni Ama ta do to.

1 Pite 2:4

Omasngen kamo so nakem ji Yeso Kizisto a Panirsirngen ta. Ta iya rana am yamanta nyaten so to meyyonong a ikavyay no pahad ta. So na icyakmey lalitan a tey mehni. Tana to da nazibwan no tao am jyakman sang si Ama ta do to a to nazibo nya. Ta si Yeso am nitenngan na ni Ama ta do to akmey lalitan a ikehni no onowned ta.

1 Pite 2:8

Maniring pa do Seysyo am, “O Vato rana ori am cikadan da no tao a ikalektek da.” O icikad da no tao am ji da nganoyngi o ciriciring na ni Ama ta do to. Ori rana am ahapan na ni Ama ta do to so ji manaralay a tao.

2 Pite 1:20

O ney makdeng na am ji nyo to ngonongonongi a pehtawen o ciring no panoyonoywan na so ciring ni Ama ta do to do Seysyo.

2 Pite 3:16

O akman rana sang am yamamimin do teygami ni Pawlo. Am yaro dang yamasalit a ciring ni Pawlo a yada to peypalasa a yapazsin no yaji macipayok so nakem a tao. Akman so yatatasa ciring do Seysyo a yada patareken a yaononongan. Am o akman rana sang a tao am peydednan no peyoyaoyyan na ni Ama ta do to.