1 Pite 2:22 - Seysyo No Tao

²² Abo o raraten na. Abo o malas a ciring na.

1 Pite 2:22 ပူးပေါင်းရင်းမြစ်များ

Matay 27:19

Pacicin ni Pilato am manovoy o mavakes na so tao a mangay manci nya jya so kaji na manaptan do abo so kararatan a tao, ta tey manganyahey o tatateynep na.

Matay 27:4

Maniring am, “Ko meyraraten a yatodey manazang no inawan no yabo so raraten a tao.” Maniring sira am, “Vazay mo saon am. Namen macivazay jimo.”

Locya 23:41

Manoyong ta ya da wakwaken do katey marahet ta tao. Am iya rana am yabwata o yasa ka raraten na.”

Locya 23:47

Macita na no panirsirngen da no itaysang no Loma o aro a vazay am iraralay na si Ama ta do to a manci no, “Manoyong o tao eya ji meyraraten an.”

Yowani 1:47

Macita ni Yeso si Natannay mangay jya am maniring jya am, “Yameysinogat ori a Isedi a tao. Yabo do onowned na o yamalahet.”

Yowani 8:46

Pancyan kamo pala o yongkad no raraten ko. Ikongo nyo ji nganoyngi jyaken a yamanci no yamanoyong a nanao.

2 Kedinto 5:21

Na nikarilaw yaten ni Ama ta do to. So na nitovoyan si Kizisto abo so raraten a nimalit so raraten ta. Am ori o tanyo ipacikaop ji Kizisto a abwata rana so raraten do tangain na ni Ama ta do to.

Sipolay 4:15

Si Yeso Kizisto am panoyngen na yaten a tao do karawan a ji makanet so nakenakem. Ta iya rana am nimasapa na o makakaday a ilita na jya ni Satan. Am jya nikalittan. Iya am abo o raraten na.

Sipolay 9:28

Yakman sang si Kizisto a ipisa mapatanang so kataotao na a ivonas na so raraten no aro a tao. So ikeypisa na pa mai do teyrahem. Am beken a raraten o vazay na. Ta mangay na hapen sira o mapanala sya tao.

1 Yowani 2:1

O yako peyteygamyan ninyo manga ovay am ko vavagan inyo a kakaro nyo do peyraratenan nyo. Am no si amyan so asa ka tao a meyraraten am cyaha, ta ipasyasi na yaten ni Yeso Kizisto ji Ama ta do to. Ta iya rana am abo o raraten na.

1 Yowani 3:5

O peypeypangayan no na kai ni Kizisto am na vonasen o raraten no tao, do na kabo no raraten na.

Ipaziman 14:5

Ji pa nimangalalas sira. So ikanoyong da abo so kararatan.