1 Pite 2:21 - Seysyo No Tao

²¹ Ori o peypeypangayan na no na panopan jinyo ni Ama ta do to. Ta akman sang si Yeso Kizisto a nimanngannga ninyo. So inaran nyo sya a to nazibo no alalaw nyo.

1 Pite 2:21 ပူးပေါင်းရင်းမြစ်များ

Matay 10:38

O ji nabway no jyojika na a macihza jyaken am ji ko na abneka ori a macilolo jyaken.

Matay 11:29

Ahapen nyo o vazay ko. Inarahen nyo yaken. Ta o nakenakem ko am mapanadnad so nakem a ji makazyazyak. No si akman kamo sang am manoyong kamo a keyhepawan so kataotao.

Matay 16:24

Karahan am maniring si Yeso do macinanao jya am, “No amyan so tao a omonot jyaken am to na pangawawan o kataotao na a somabway no jyojika na macihza jyaken.

Locya 24:26

Manngwa, nyo jyatenngi o kangay no akman sang a alalaw no Misayya a kai na rana no azwazway na?”

Yowani 13:15

Yamyan rana so yako nipacita jinyo. So to nyo vangovangoni sya peyvazain an.

Yowani 16:33

O ko pancyan no nang jinyo am ko ipadnadna so nakem nyo a macikaop jyaken. Am mangay o kalalaw da jinyo no ji manaralay a tao. Am ji kamo a zabab so onowned an. Ta ko na niharag o yamrahet so karawan.”

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Nimlivolivon 17:3

a kaononong na ji Kizisto a nipakakasi da a wakwaken a kavyay na rana sya ni Ama ta do to. Maniring pa am, “Si Yeso rana ko ipeylimwang jinyo am manoyong a Misayya a nitovoy ni Ama ta do to do teyrahem.”

Nimlivolivon 9:16

Ta pazimanen ko jya o karo no alalaw na do ipeyvazay na jyaken.”

Loma 8:29

Ta o nipamnekan na ni Ama ta do to a amraralay nya tao am to na ji ngamoga sira akman so Anak na si Yeso Kizisto apiya so ahahapan sya. So ikanoyong na ni Yeso a akmey rakeh na jyaten akmey meyketeketeh do cinai.

1 Kedinto 11:1

Inarahen nyo yaken a ominara si Yeso Kizisto.

Ivoso 5:2

Patwawen nyo do icicirawat nyo o pangangasyan na ni Ama ta do to, akman si Yeso Kizisto a yamarilaw nyaten a yajingbeywan do inawan na nisomidong jyaten. Ta o akman rana sang a vazay na am isaray na ni Ama ta do to.

Veydipi 2:5

Inarahen nyo si Yeso Kizisto an.

1 Tesalonicya 3:3

a kaji da oniban so nakem no kadwan jinyo no peyrarehten da inyo. Ta kangay na ori no alalaw ta a omraralay ni Yeso Kizisto.

1 Tesalonicya 4:2

Ta nyo na katenngan o ninanao namen jinyo apo ji Yeso a Panirsirngen ta.

2 Timotay 3:12

Mamimin o macilolo ji Yeso Kizisto a mapeyvazay so nanao ni Ama ta do to a peyrarehten da.

Sipolay 2:10

O alalaw na ni Yeso Kizisto am ori o na nipazanodan jyaten akma ney anak ni Ama ta do to a macikasaray do azwazway na. Ta si Ama ta do to rana a nimangamaog so karawan a tomketken do karawan am yatey manoyong o vazay na. Ta si Yeso Kizisto o meypalanginan nyaten a mangay ji Ama ta do to.

1 Pite 1:20

Ji na pa nyamaog o karawan am nipamnekan na rana si Yeso ni Ama ta do to a mawakwak no raraten no tao do karawan. So na ikanoyong rana a nimai a somidong jinyo.

1 Pite 2:24

Nisabway na ni Kizisto o raraten ta do jyojika. Ori o karwan ta na do peyraratenan ta a somazap so isaray na vazay ni Ama ta do to. O kataotao na ni Yeso a yanimanngannga nyaten am yata nipakahap so to meyyonong a ikavyay no pahad ta.

1 Pite 3:18

Ta ipisa si Yeso Kizisto a nimawakwak no raraten ta, kapakavos na rana so vazay na a mapatazadang jyaten do teyngato. So ikanoyong na abo so raraten a nisomabway no raraten no tao, do na kapanop jyaten ji Ama ta do to. Tana niwakwak da o kataotao na am jya nimawakwak o pahad na.

1 Pite 3:9

Ji nyo patonggali o karatan no kadwan jinyo. Ji kamo masyavavay. Ta kaovayovay nyo so kadwan jinyo. Ta no kapanop na jinyo ni Ama ta do to am akman so sang o nakenakem na jinyo.

1 Pite 4:1

Manoyong o kanimanngannga na ninyo ni Yeso Kizisto. Am ori an, no manngannga kamo do raralayan nyo ni Yeso Kizisto a kato nyo liliwan sya a makanakem si Kizisto a nisomabway no raraten nyo am manoyong kamo na nikomaro do peyraratenan nyo.

1 Pite 4:13

Kasaray nyo a macizanod so alalaw ji Kizisto. Ta ori o ikasaray nyo no mai rana si Kizisto.

1 Yowani 2:6

O tao rana manci no kapacikaop na ji Ama ta do to am inarahen na an o icicirawat ni Kizisto no keyyan na pa do teyrahem eya.

1 Yowani 3:16

O ta ipakateneng do pangangarilawan na ni Ama ta do to am si Kizisto nitomoro no inawan na jyaten. Am ori o ikasaray ta manidong so tao. Tana mangay rana o inawan ta do panidongan ta so akma tey kakteh do cinai am cyaha. Apya akman sang.

Ipaziman 12:11

O rala no Kagling a kano nipeylimwang da a nanao ni Ama ta do to am ori o da niharag so kamolay. So ikanoyong da yaji hawa no yada kaliman.