1 Pite 2:17 - Seysyo No Tao

¹⁷ Ikanig nyo o kadwan jinyo. Ikarilaw nyo sira o akma nyoy kakteh do cinai. Panadnaden nyo si Ama ta do to. Ikanig nyo sira o makayokod ninyo a tao.

1 Pite 2:17 ပူးပေါင်းရင်းမြစ်များ

Matay 22:21

Maniring sira am, “Si Kaysa.” Maniring si Yeso jira am, “No komwan am o monganay ji Kaysa am itoro ji Kaysa. O monganay ji Ama ta do to am itoro ji Ama ta do to.”

Yowani 13:35

No si manoyong o kapasicyakarilaw nyo am katovilan da na inyo no tao do karawan a manoyong a omanop jyaken.”

Loma 12:10

Masicyakarilaw kamo an. Ta inyo rana am akmey meyketeketeh kamo do tangain na ni Kizisto. So ipasikakanig nyo.

Loma 13:7

Am ori o torwan nyo jira. Ikanig nyo sira.

2 Kedinto 7:1

Am ori an manga kakteh an, no yamanoyong o akman sang a nakem na jyaten ni Ama ta do to am apzatan ta o onowned ta an. Ji ta mamyapyan o kataotao ta kano nakenakem ta a macizavoz do raraten. Ta naknakmen ta o kaji tamo meylimotngan so onowned a omraralay ni Ama ta do to.

Ivoso 5:21

Masicyakanig kamo, akman so nakenakem nyo si Yeso Kizisto a yamanig nya.

Veydipi 2:3

Ji nyo pakaranga o nakenakem nyo an. Ji nyo akzan o keynakem nyo a tao an. Ikanig nyo o kadwan jinyo an. Naknakmen nyo o keyyan no tao a apyapya pa ka ninyo an.

1 Timotay 6:1

Omraralay ni Yeso a peylamsoin da am amizngen da o mapeylamsoy sira tao an. Ta ori o ji da rehrehci so ngaran na ni Ama ta do to a kano nanao na ni Ama ta do to.

Sipolay 13:1

Mangday kamo do araraw a masicyakarilaw a akman so meyketeketeh do cinai.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

1 Pite 2:13

Am ori an, onotan nyo do makayokod ninyo a tao do karawan, do kapanadnad nyo si Ama ta do to. Akman sang sira o nipamnekan no panirsirngen a omzat do apiya so nakenakem a tao a kano oyyan da no marahet so vazay a tao. Ta onotan nyo sira.

1 Pite 5:5

Inyo rana a malalavayo a tao am onotan nyo o apya ciring da jinyo no rarakeh. So ko to zagomi jinyo a yapancyan no kapaveveh nyo so aktokto nyo a somidong so vazay no kadwan jinyo. Ta maniring do Seysyo am, “Ji na nidonga ni Ama ta do to o mapahama so nakem na tao. Apyapyahen na pa sidongen sira o mapaveveh so nakem da tao.”