1 Pite 2:11 - Seysyo No Tao

¹¹ O ko ipanci pa jinyo manga keypong am tamo akmey miseysan do karawan. Ji nyo to ngonongonongi o nakenakem nyo. Ta o marahet a onowned ta am ipeyparai ta ji Ama ta do to.

1 Pite 2:11 ပူးပေါင်းရင်းမြစ်များ

Locya 21:34

“Am ori o apzatan nyo do onowned nyo an. Ta ji kamo to ngyop so saki a maozoz no meykamadadayan a ikeykakza nyo. Ta ji nyo a tenngi o araraw na no ipeydedna na jinyo.

Nimlivolivon 15:20

Apyapya pa o kapeyteygami ta nira a manci no kaji da nganan so nipazos da. Taosya o kapangzakza da so icyatatao da. Taosya o kakan da so rala no vinyay a kano nivitkeh da vinyay a nimazakat a jya nimvoyog so rala.

Nimlivolivon 15:29

Taosya o kakan nyo so nipazos da. Taosya o kakan nyo so rala no vinyay a kano nivitkeh da vinyay a nimazakat a jya nimvoyog so rala. Taosya o kapangzakza nyo so icyatatao nyo. Si pangozayan nyo ori am ipeypapya nyo ori. Inaoy si apzatan na inyo ni Ama ta do to.”

Loma 12:1

Manga kakteh, ko vavagan inyo an. Ta yatey rako na kasyan nyaten ni Ama ta do to. Am ori o torwan nyo no kataotao nyo a italamozong na a komaro do raraten nyo. Ta ori sarayan na ninyo ni Ama ta do to a meyngongyod so onowned a amraralay nya.

Loma 7:23

Am kapeylamlamsoy na so kataotao ko no raraten. Ori o yamaciliman do ikakza no onowned ko. Am ori o yako icyakmey mavaod no raraten.

Loma 8:13

Ta no si to nyo mangozai o adan a onowned nyo am jyabo kaji nyo angayan do kararatan a. Am no si onotan nyo o Seyzi a komaro do raraten nyo am jyabo kaji nyo avyayan do teyngato a.

2 Kedinto 5:20

Lamlamsoy na yamen ni Kizisto. Na nitovoy yamen a amvavaga jinyo. Namen akmey kataotao ni Ama ta do to a manci nya jinyo so: Mamlis kamo rana a omanop si Ama ta do to. Ta ori o ipacikaop na jinyo.

2 Kedinto 6:1

Yamen rana na pacipeyvazayan ni Ama ta do to am namen vavagan inyo o kaji nyo tongbowan so aryarilaw na jinyo ni Ama ta do to.

2 Kedinto 7:1

Am ori an manga kakteh an, no yamanoyong o akman sang a nakem na jyaten ni Ama ta do to am apzatan ta o onowned ta an. Ji ta mamyapyan o kataotao ta kano nakenakem ta a macizavoz do raraten. Ta naknakmen ta o kaji tamo meylimotngan so onowned a omraralay ni Ama ta do to.

Cyalatay 5:24

O yaomanod ji Yeso Kizisto a tao am akma dey nipazanod o marahet a nakenakem da do jyojika ni Yeso Kizisto, do kanimawakwak na no raraten ta.

Ivoso 2:19

Am ori an, ikabeken nyo rana kadwan a beken a tao do Yotay an. Ta tamo na mamimin a akma ney anak ni Ama ta do to a yakmey yasa ka vahay.

Ivoso 4:1

O yako iyan do pamemtengan sicyaikwaya am yako peyvazain o vazay na ni Yeso a Panirsirngen ta. So yako pancyan ninyo a omzat do icicirawat nyo. So ikanoyong nyo a macipayok so icicirawat ji Kizisto.

2 Timotay 2:22

Ji mo nginara sira o malavayo a tao a to mangozay do nakenakem da, ta o ahapen mo am ji meyrahet a nakenakem, kakdeng no onowned mo ji Ama ta do to, kapeypakatkat no pangangarilawan mo a kano kapya no onowned mo do icyatatao mo, do yamo ipacizanod do tao a mahap so vazay na ni Ama ta do to a mazngang so onowned.

Sipolay 11:13

Sira rana ori am to da noiban do karawan o kapeyhanhan da ni Ama ta do to. Tana abo nimahap da do nipanci na ni Ama ta do to am da ji macimangsahi o da kapananala so akman sang a nakem na sira ni Ama ta do to. Da anoyngan o da kakmey mangilili a tao a yato ngiseysan do karawan.

Sipolay 6:9

Am inyo rana manga keypong am tana akman sang o ciring ko am yako anoyngan o kapyapya na pa no mahap nyo a patazadangen na ni Ama ta do to do teyngato.

Yake 4:1

Do wanjin na kapwan no yamapeyliliman jinyo. Manngwa, beken a yapo do malas a onowned nyo?

1 Pite 1:1

Yaken rana am si Pite ko a lamlamsoy na ni Yeso Kizisto a nipamnekan na a omlivolivon no ciriciring na. Yako ipeyteygami inyo a yana yaponged ni Ama ta do to a nikomaro do ili nyo a yameyvahay do Pento a kado Cyalatay a kado Kapatocya kado Yasiya kado Potiniya.

1 Pite 1:17

No kamo meynozi am nyo abneken si Ama ta do to a Ama nyo. Iya rana am ji mapeycyakaban a yamanita so mina vazay no tao. Am ori o panadnadan nyo sya an, do iyan nyo pa do karawan.

1 Pite 4:12

Manga keypong, ji nyo ngyakan o keyyan no makdeng a alalaw nyo a ileylamdam na jinyo ni Ama ta do to. Ta kangay na ori no alalaw ta amraralay ni Ama ta do to a tao.

1 Pite 4:2

Pamindahen nyo rana sicyaikwaya o kaji nyo rana mangozayan do malas a monganay jinyo a onowned nyo. Ta o apyahen na ni Ama ta do to o ahapen nyo, do ipeyigegen nyo pa do karawan.

2 Pite 3:1

Manga kakteh, oya rana am ikadwa na ya no teygami ko jinyo. Yameynanod yadwa ka teygami a yana adketan no ciring a yako ipaziman jinyo, a yako ivavaga jinyo a peyparakwen so nakenakem.