1 Pite 2:10 - Seysyo No Tao

¹⁰ No kakwa am beken a italamozong na inyo ni Ama ta do to. Am sicyaikwaya am na rana italamozong inyo. No kakwa am ji nyo a tenngi o pangangasyan ni Ama ta do to. Am sicyaikwaya am nyo na nimahap o pangangasyan na.

1 Pite 2:10 ပူးပေါင်းရင်းမြစ်များ

Loma 10:19

To ko na macitangain jinyo am manngwa, yada jyatenngi no Isedi a tao o kamimin na so tao ahapen ni Ama ta do to? Akman rana sang am nipanci na rana ni Moyse a ciring na ni Ama ta do to. Maniring am, “Ikarilaw ko sira o beken a tao do Yotay a keynanahet nyo nira a tao do Yotay.”

Loma 11:30

No kakwa am ji nyo ngonoci si Ama ta do to a beken a tao do Yotay. Am nyo na mahap o pangangasyan na ni Ama ta do to. Ta da ji ngonoci si Ama ta do to no tao do Yotay.

1 Kedinto 7:25

Omagaz rana do ji pa nimacivahavahay a tao am abo nimahap ko a nakenakem na ni Yeso Kizisto. Am kanimarilaw na nyaken ni Ama ta do to a meyhanhan nya. So ko pangozayan do kataotao ko a yamapatwaw so ciring ko.

1 Timotay 1:13

Am tana niraherahet ko si Yeso no kakwa pa a kapakakasi ko sira pasnesneken so omanoyong jya am na ikarilaw yaken ni Ama ta do to, ta no kanang am ji ko nganoyngi pa si Yeso. So ji ko makatenngi do vazay ko.

Sipolay 4:16

Am ori an, ji tamo a mogawi a omasngen do tangain ni Ama ta do to a omahap so itoro na jyaten a pangangasyan na kano pangangarilawan na a isidong ta so kataotao ta no makasazi ta so alalaw ta.