1 Pite 2:1 - Seysyo No Tao

¹ Am ori o karwan nyo do makakaday a marahet a vazay. Taosya o kapangononong so malas. Taosya o kapakatanteneteneng nyo. Taosya o kapanginanahet nyo. Taosya o kapanraherahet nyo so tao.

1 Pite 2:1 ပူးပေါင်းရင်းမြစ်များ

Matay 15:7

Inyo rana yatanwasiwasi am yamanoyong o ciring no panoyonoywan na so ciring ni Ama ta do to a meyngaran so Isayya a pakacirngen na jinyo. Ta maniring am,

Matay 23:28

Kamo akman sang, ta no kamo citahen so kataotao am yabo nyo karatan. Am onowned nyo am yamangalalas a yameysaod so raraten.

Matay 24:51

Jyabo kaji na bakbakan do dang a pazanoden do yatanwasiwasi a tao a yamlavi a mapeygazicigit so ngepen a maneneseh.

Matay 7:5

Inyo rana mapakapyapya so nakenakem a tao am manmanma o kablis nyo so karatan nyo. Ta ori o ipakacita nyo so karatan no kadwan jinyo an.

Make 12:15

To na rana tenngi ni Yeso o keyleylamdam da sya. Maniring jira am, “Ikongo nyo ileylamdaman jyaken. Inya kamo pala so asa ka nizpi. Ta citahen ko.”

Locya 11:44

Am ori o to nyo makasi an! Ta yakanyo akman so jyasingkaji a heseb no tao a jyaziman no mangonong a tao. Tana hapen da o icicirawat nyo no tao am ji da tenngi o karahet no onowned nyo.”

Locya 12:1

No kanang am meycyalaklaksa o tao a meysilisilin. Am ori o nipacizasazasag da so ai. Meyratateng am panomanomahen na ni Yeso o kananao na so macinanao jya. Maniring am, “Azimanen nyo o iyangay da no tao a macyagom do Vadisay. Ta akmey yapya do cittan sya am beken a manoyong sira an.

Locya 6:42

Yanyo kapanci no akma nyoy kakteh do cinai a omlis do marahet a nakenakem da am nyo jiblisi o marahet a nakenakem nyo. Inyo rana mapakapyapya so nakenakem a tao am manmanma o kablis nyo so karatan nyo. Ta ori o ipakacita nyo so karatan no kadwan jinyo an.

Yowani 1:47

Macita ni Yeso si Natannay mangay jya am maniring jya am, “Yameysinogat ori a Isedi a tao. Yabo do onowned na o yamalahet.”

Loma 1:29

Yamakakaday o raraten do onowned da akman so mangagom, manginanahet, manwakwak so tao, mapatongtonggal, mangalalas a kano mangamaog no tao so ciring.

1 Kedinto 14:20

So ipeypakatkat nyo, manga kakteh so pangtoktwan an. Akman kamo so mina tazak a tao a ji nakenakem so raraten.

1 Kedinto 5:8

Ori an, sarayan ta ni Yeso a nimawakwak no raraten ta. So ikanoyong ta rana komaro do peyraratenan ta. Taosya rana mangalalas a kano meyraraten a icicirawat an. Ta o manownaw a onowned a kano manoyong a nanao o ahapen ta, akman so kabwan no kosozi a odong.

2 Kedinto 12:20

O ko ihawa si mangay ko jinyo do dang am macita ko inyo a macitarek rana so nakenakem. Macita nyo yaken a macitarek so nakem jinyo. Ko ihawa ko kapakacita so manginanahet a kano maciskaskad a kano maoyaoyahen a kano mabayo a kano manamwad a kano mangamizing so ciring do palawawan, mapazway a kano mapeyvonag so tao.

Ivoso 4:31

Ablisan nyo na o oyaoyyan nyo no kadwan jinyo. Ji nyo macizagzagi o icyatatao nyo a meyoyaoyan. Ji kamo na lololos a mangavay. Taosya rana o kapeyyan nyo sya do onowned nyo so pacioyyan nyo do tao.

1 Tesalonicya 2:3

Yabo o yamalas a nanao namen jinyo. Abo o nanao namen a ilita namen jinyo.

1 Timotay 3:11

O katovong da do vahay a mavakes am apiya o icicirawat da. Ji sira manamwadan. Taosya o kapangalalas da no makakaday a vazay.

Tito 2:3

Vavagan mo sira o rarakeh a mavakes a kapiya da so nakenakem. Ji sira manamwad. Ji da macikeyyani o saki. Ta naknakmen da o kapeycitacita da jira no malalavayo a mavavakes.

Sipolay 12:1

So yada ikatey yaro no tao a ta rana nimacita so kakdekdeng a meyhanhan ni Ama ta do to no kakwa. Am ori an o akasan ta na so makakaday a ikasengseng jyaten a kano raraten ta yakmey omvaod jyaten a kowyat ta so onowned a akman so malayo a ji macimaza do palaywan na angayan.

Yake 1:21

Am ori an, vonasan nyo so marahet a nakenakem nyo a kano marahet a icicirawat nyo a omonot ji Ama ta do to a omahap so ciriciring na a na akmey nipamowa do onowned nyo a mapatazadang jinyo do teyngato.

Yake 3:14

Am no si amyan do onowned nyo so manginanahet a kano masicyakaoya kano mararaten am ji kamo na mapazway so nakem. Taosya o kapakateneteneng nyo.

Yake 4:11

Ji kamo maciraherahet, manga kakteh an. No amyan so tao a amraherahet so kakteh na do cinai am akma ney to rehrehta o Ciriciring na ni Ama ta do to. No rehrehten nyo o Ciriciring na ni Ama ta do to am manoyong o kapasobna nyo ji Ama ta do to.

Yake 4:5

Ji nyo akwan o kalas na no ciring do Seysyo a manci no kaji na mamyapyan nyaten no Seyzi amyan do onowned ta a mapatarek so iraralay ta.

Yake 5:9

Ji nyo oyyan o kadwan jinyo, manga kakteh an, ta ioya na inyo ni Ama ta do to. So na rana ikakeykai a mai no yamapeykapyapinpin jyaten a Panirsirngen ta.

1 Pite 2:16

Inyo rana am kamo manoyong a italamozong ni Ama ta do to. Am ori o ji nyo rana pasngesngeni so marahet do onowned nyo. Ta manakem nyo o kakma nyoy lamlamsoy ni Ama ta do to.

1 Pite 2:22

Abo o raraten na. Abo o malas a ciring na.

1 Pite 3:10

Akman so ciring do Seysyo. Maniring am, “No kakzeben o kasaray do karawan am taosya o kapatwaw so marahet a ciring. Taosya o kapangalalas.

1 Pite 4:2

Pamindahen nyo rana sicyaikwaya o kaji nyo rana mangozayan do malas a monganay jinyo a onowned nyo. Ta o apyahen na ni Ama ta do to o ahapen nyo, do ipeyigegen nyo pa do karawan.

1 Pite 4:4

So yada na savasavakan ninyo no yaji manaralay a tao, do yanyo na kaji macikaopan jira a somagpyan so vazay. Am ori o da kazyakan ninyo.

Ipaziman 14:5

Ji pa nimangalalas sira. So ikanoyong da abo so kararatan.