1 Pite 1:8 - Seysyo No Tao

⁸ Tana nyo jyacita si Yeso Kizisto sicyaikwaya am nyo katenngan o nyo kararalay nya. Abo rana o ciriciring jinyo, ta kamo tey masaray rana so onowned.

1 Pite 1:8 ပူးပေါင်းရင်းမြစ်များ

Matay 10:37

O mapahamahama pa so inyapwan na ka nyaken am ji ko na abneka o akman sang a tao a macilolo jyaken. O mapahamahama pa so ananak na ka nyaken am ji ko na abneka o akman sang a macilolo jyaken.

Yowani 14:15

“No si manoyong o kaglaw nyo nyaken am pangononongan nyo o nanao ko.

Yowani 14:21

O mangononong do nanao ko am manoyong o akman sang a maglaw nyaken. O maglaw nyaken a tao am akman sang si Ama a marilaw nira. So karilawan ko nira. So ika yaken no somidong sira a manoyong a makateneng jyaken.”

Yowani 14:24

O jyaglaw nyaken am ji da mangononongi o nanao ko. O nyo nimamizing a nanao am beken a apo jyaken, ta yanimapo ji Ama a yanimapahanhan jyaken.

Yowani 16:22

Ori an, nyo ikakman sang an. Tana kamo marahet so aktokto sicyaikwaya am cyaha, ta mai ko pa tomita jinyo a kasaray nyo a makacita jyaken. So ikabo no tao a makapehes sya jinyo so sarasaray nyo.

Yowani 20:29

Maniring jya si Yeso am, “Mo na anoyngan yaken, ta mo na nimacita yaken? Am o to nganoyong jyaken a ji nimakacita jyaken am tey yapya sira ori.”

Yowani 8:42

Maniring jira si Yeso am, “No yamanoyong si Ama ta do to a ama nyo am ikongo nyo jyarilawi nyaken. Yaken rana am ko apo ji Ama ta do to. Ko na nimai do teyrahem. Am beken a nakenakem ko o ko kai, ta si Ama ta do to a yanimapahanhan jyaken.

Nimlivolivon 16:34

a kapanci da ni Pawlo a kani Sila a macyakan jira do vahay da. So ikasaray da asa ka vahay, do kaniomanoyong da rana ji Ama ta do to.

Loma 14:17

Ta o ney makdeng na do italamozong na ni Ama ta do to am beken a monganay do kanen a kano yopen. Ta monganay do apya vazay a kano kapyapya no onowned kano sarasaray a itoro na jyaten no Seyzi.

Loma 15:13

Inaoy no si itoro na jinyo o sarasaray na ni Ama ta do to. So ikanoyong nyo rana masaray so onowned a meyhanhan nya, do na kasidong jinyo no Seyzi.

1 Kedinto 16:22

No myan so ji raralay ni Yeso Kizisto a tao am manoyong kapeygegcin na jya no oyaoya na ni Ama ta do to. Mo Yeso Kizisto, inaoy si mai ka na.

2 Kedinto 1:22

So na nitorwan nya jyaten so Seyzi a omoyat do onowned ta. O Seyzi rana am tovil no kanoyong ta a monganay jya tao. Ta o Seyzi rana am akma ney yongkad no makakaday a omanam a itoro na jyaten ni Ama ta do to.

2 Kedinto 12:4

Amyan do dang am makamizing ori so ji na mya a ipeycicici a vazay ni Ama ta do to. Ori rana am jyatenngi a ononongan a vazay.

2 Kedinto 4:18

Namen jyakzan o macimalag do mata namen a monganay do karawan. Ta namen ikeykakza o yajyacita no mata. Ta ori rana am ji meyyonownay ori. Am o yajyacita no mata am to meyyonong ori.

2 Kedinto 5:7

Tana ta jyacita no mata ta si Ama ta do to am ta ipeyhanhan sicyaikwaya a mangononong do ciriciring na.

2 Kedinto 9:15

Isaray ta ji Ama ta do to, do na kateywara no pangangarilawan na a yana nitoro jyaten!

Cyalatay 5:22

O italamozong no Seyzi a tao am mangarilaw, masaray, apiya o nakenakem na, jyaharag no alalaw, mazonos, manidong so tao, ji mangalalas,

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

Ivoso 3:19

Tana yajyatenngi no tao o na pamanmandan no mapeyzokab a pangangarilawan na ni Kizisto am inaoy si meypahagnat kamo so nakem a makateneng do pangangarilawan na. No si makman kamo sang am manoyong kamo na a yanan no aglaglaw na jinyo ni Ama ta do to.

Ivoso 6:24

Inaoy no si itoro na ni Ama ta do to o pangangarilawan na jinyo a yajyahayo a yamraralay ni Yeso Kizisto a Panirsirngen ta.

Veydipi 1:25

Katenngan ko o kasidong ko jinyo. So ikanoyong nyo a ikataid ko do karawan a peypakatkaten so nakenakem a kano pasarain so onowned.

Veydipi 3:3

Ta yaten rana am manoyong a niyongkadan na rana ni Ama ta do to, do kasidong na jyaten no Seyzi a yamraralay ni Ama ta do to. So ta ji mangozai do makakaday a iwawalam da no tao do Yotay a mapeypapya jyaten do tangain na ni Ama ta do to, ta si Yeso Kizisto o ozain ta. Am ori o yata ikasaray rana a yamacikaop jya.

Veydipi 4:4

Mangday kamo do araraw a somaray a yamacikaop ji Yeso. So papirwan ko pa sya ipanci jinyo an. Somaray kamo an.

Sipolay 11:1

O ipanganoyong rana ya am ipeyhanhan o vazay a ipeynanakem. O peypeypangayan no nang am anoyngan o kanoyong na myan no ji pa nimacita.

Sipolay 11:27

Ji na nyaheyan o kapeyoyaoya na ni Valaw. So nikaro na do Ayci. Ta akma ney todacita no mata si Ama ta do to a yamacitovong jya. Am ori o ji na rana kei a meysinaoli, do kapeyhanhan na ni Ama ta do to.

1 Pite 1:6

Ori o sarayan nyo nya an. Tana yaro pa o alalaw nyo sicyaikwaya am cyaha, ta ji meyyonownay o akman sang a mavitos.

1 Pite 2:7

O akmey lalitan rana am tey makdeng jinyo a omraralay ni Ama ta do to. Am o lalitan rana do ji raralay ni Ama ta do to a tao am ji da tenngi o kakdeng na. Akman so ciring do Seysyo. Maniring am, “O Vato a niwalit da no mapatnek so vahay am nimeyvoga a ney makdeng na aslet no ai no vahay.”

1 Pite 5:4

Ta no si makaranes rana o araraw ni Yeso Kizisto a yaomaponged ninyo am manoyong o kapakahap nyo rana so yazaw na jinyo a to meyyonong a azwazway nyo do teyngato.