1 Pite 1:21 - Seysyo No Tao

²¹ Iya o yanyo ipakateneng rana ji Ama ta do to a nimapeyvangon sya do heseb na a nimanta nya so azwazway na. Am ori o nyo rana to ngotokoci so nakem ji Ama ta do to a omanoyong do akman sang a oyowyat na a mapeyvangon jinyo no makwa.

1 Pite 1:21 ပူးပေါင်းရင်းမြစ်များ

Matay 28:18

Omasngen jira si Yeso am maniring jira am, “Na rana nimimin ni Ama ta do to o oyowyat do teyngato a kado teyrahem a yanitoro jyaken.

Yowani 12:44

Maniring si Yeso a amlolos am, “Omanoyong jyaken am beken a yakehen o anoyngan da. Ta akman sang si Ama a nimapahanhan jyaken o anoyngan da.

Yowani 14:1

Maniring pa si Yeso jira am, “Ji kamo a rahet so onowned an. Ta anoyngan nyo si Ama ta do to a ka nyaken an.

Yowani 14:6

Maniring si Yeso am, “Yaken am rarahan nyo. Yaken am yanan no manoyong a nanao. Yaken am yapwan no to meyyonong a ikavyay no pahad nyo. No ko abo am abo tao a makatanggeh ji Ama ta do to. So ika yaken no ipakatokod nyo ji Ama ta do to.

Yowani 17:1

Mateyka ni Yeso o ciring na am tangarahen na o hanit. Maniring am, “Mo Ama, oya rana o araraw. Azwazwain mo o Anak mo. So icyakman na sang no Anak mo a zomwazway jimo.

Yowani 17:24

“Mo Ama, o mo nitoro jyaken a tao am inaoy si amyan sira do angayan ko. So ikanoyong da makacita so azwazway ko a nitoro mo jyaken. Ta nimanoma rana o aglaglaw mo jyaken no kaji na pa amaogan no karawan.

Yowani 17:5

Mo Ama, sicyaikwaya am itoro mo jyaken o azwazway mo do tangain mo. Paolin mo o azwazway ko no keyyan ko pa jimo do dang, no kaji na pa amaogan no karawan.

Yowani 3:34

O nitovoy ni Ama ta do to o mapatwaw so ciriciring na ni Ama ta do to. Ta oyatan no Seyzi.

Nimlivolivon 2:24

Am mina kapirwa na sya avyain ni Ama ta do to. So ikabo rana no alalaw na ikawakwak na.

Nimlivolivon 3:13

Beken a yamen ori. Ta si Ama ta do to a yada iraralay no ineynapo ta si Apolahan a kani Isa kani Yakebo o niomiwakwak jya. So ikanoyong na mazway ni Yeso. Iya rana am nitoro nyo do aro a panipanirsirngen a karaherahet nyo sya do tangain ni Pilato. Pasawain na ni Pilato am ji nyo mya.

Nimlivolivon 3:15

Am ori o nizakatan nyo si Yeso a yapwan no to meyyonong a ikavyay no pahad. Am kanimapeyvangon na sya ni Ama ta do to. Yamen rana am yongkad na yamen a nimakacita sya.

Nimlivolivon 4:10

naknakmen nyo a Isedi a tao an. O na nipeytatanek do tangain nyo no tao eya a nimapya rana am oyowyat no ngaran na ni Yeso a tao do Nasale a nipadket nyo do jyojika a nipirwa na avyain ni Ama ta do to.

Loma 10:9

No si to mo na mancyan kanoyong mo ji Yeso Kizisto a Panirsirngen mo a kanoyong mo jya a nipirwa na avyain ni Ama ta do to am ahapen na imo ni Ama ta do to.

Loma 4:24

Ta akman sang o ciring na jyaten, do yata kanoyong ji Ama ta do to a nimirwa a omvyay si Yeso Kizisto a Panirsirngen ta. So icyakman ta sang a abneken na ni Ama ta do to a abo so raraten do tangain na.

2 Kedinto 6:15

Jyabo kapacizanod ni Kizisto ji Satan a. Jyabo kapeyyangay no amraralay ni Ama ta do to a kano ji manaralay a tao a.

Ivoso 1:15

Am ori an, mamizing ko na inyo a meyhanhan rana ni Yeso a Panirsirngen ta a marilaw no akma nyoy kakteh do cinai am,

Kelosi 1:27

O nakenakem na ni Ama ta do to am ikakza na o kapakateneng da no tao do karawan so mapeyzokab a nanao na. Ori rana am si Yeso Kizisto a yarana macikaop jyaten. So yata ikanoyong a macizanod do azwazway na ni Ama ta do to no makwa.

1 Timotay 1:1

Yaken rana am si Pawlo ko a lamlamsoy ni Ama ta do to a manoyong a mapatazadang jyaten do teyngato. Yana nipamnekan yaken ni Yeso Kizisto a omlivolivon no ciriciring na. So ikanoyong na ni Yeso Kizisto a hanhan ta.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

Sipolay 2:9

Am o akman sang a vazay am nimangononong rana do mina katazak na tao ni Yeso a yamaveveveh pa kano tinsi. Am jya nimeyyonownay. Na pangozain ni Yeso o pangangasyan ni Ama ta do to so tao do karawan a mawakwak no raraten ta. So nipantan na nya ni Ama ta do to so azwazway na.

Sipolay 6:1

Yaten rana am meypahagnat tamo rana so nakem ji Ama ta do to. Taosya o kato ta oliolyan sya amizngen so ta na katenngan a nanao ni Ama ta do to do kapamlis a manganoyong,

Sipolay 7:25

Am ori o yana ikanoyong a yamakasidong so yaomanop ji Ama ta do to a tao, do yana kato meyyonongan a mavyay a yamapasyasi nyaten ji Ama ta do to.

1 Pite 1:11

O Seyzi na ni Kizisto amyan jira am ori o nipaziman jira so keyyan no alalaw ni Kizisto a kapakaranes na rana no kazwayan na. Am ori o nipakanakman da no panoyonoywan na so ciring ni Ama ta do to so kapakateneng da do araraw na kano agcigcinan na no vazay ang.

1 Pite 1:3

Isaray takamo si Ama ta do to a Ama na ni Yeso Kizisto a Panirsirngen ta. Ta yatey rako o pangangasyan na a yanimanta nyaten so vayo a onowned ta, do yana kanimapeyvangon si Yeso Kizisto do heseb na. So anoyngan ta do akman sang a oyowyat ni Ama ta do to a mapeyvangon jyaten no makwa.

1 Pite 3:22

Yana myan si Yeso Kizisto do teyngato a yamlisna do wanan ni Ama ta do to a yatomalamozong no tinsi. So ji da makapeysopoi do oyowyat ni Kizisto no makakaday do teyngato.