1 Pite 1:20 - Seysyo No Tao

²⁰ Ji na pa nyamaog o karawan am nipamnekan na rana si Yeso ni Ama ta do to a mawakwak no raraten no tao do karawan. So na ikanoyong rana a nimai a somidong jinyo.

1 Pite 1:20 ပူးပေါင်းရင်းမြစ်များ

Matay 25:34

Karahan am maniring o panirsirngen do amyan do wanan na tao am, ‘Inyo rana yana nipanlanlag ni Ama am sijya kamo do italamozong na ni Ama ta do to, ta amoonen nyo o nakem na jinyo no kapangamaog na pa so karawan.

Nimlivolivon 2:23

O nakenakem na ni Ama ta do to no kakwa am hapen nyo si Yeso a itoro do marahet so nakenakem a tao a kapadket da sya do jyojika a wakwaken.

Loma 3:25

Nitovoy na si Yeso Kizisto a mangay mawakwak no raraten ta. So ikanoyong no meyhanhan nya tao a mavonas rana so raraten. O ikakman na sang ni Ama ta do to am ipacita na o kaji na alasan a mapeykapyapinpin so tao. Ta o pangangasyan na am ori o ji na rana mapasingsingkaji do meyhanhan nya tao no kakwa.

Loma 8:29

Ta o nipamnekan na ni Ama ta do to a amraralay nya tao am to na ji ngamoga sira akman so Anak na si Yeso Kizisto apiya so ahahapan sya. So ikanoyong na ni Yeso a akmey rakeh na jyaten akmey meyketeketeh do cinai.

Cyalatay 4:4

Am marateng rana o araraw a nipamnekan na ni Ama ta do to am tovoin na rana o Anak na alavaten no asa ka mavakes a italamozong no iwawalam ni Moyse.

Ivoso 1:10

Ta o pamnemnekan na ni Ama ta do to no kakwa am itoro na o makakaday do karawan a kado teyngato ji Kizisto a italamozong na, no marateng o araraw no nipamnekan na ni Ama ta do to.

Ivoso 1:4

No kaji na pa amaogan no karawan am nipamnekan na rana yaten ni Ama ta do to a monganay jya. Ta nikawakwak ni Yeso Kizisto o raraten ta. So ikanoyong ta abo rana so karatan do tangain na ni Ama ta do to. Na tey karilaw yaten ni Ama ta do to.

Ivoso 3:11

O na akmanan sang ni Ama ta do to am na pangozayan o to meyyonong a pamnemnekan na. Am na rana nipangononongan ni Yeso Kizisto a Panirsirngen ta.

Ivoso 3:9

Na nipanta yaken so oyowyat ko a somidong so tao do karawan a makateneng do pamnemnekan na ni Ama ta do to a nimangamaog so karawan. Ta no kakwa pa am abo pa makateneng jya tao.

Kelosi 1:26

Ori rana am ji da pa nipatwaw no kakwa, a ji da tenngi no tao do karawan. Am na rana nipatwaw sicyaikwaya ni Ama ta do to do amraralay nya tao.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

Sipolay 1:2

Am sicyaikwaya am o Anak na ni Ama ta do to o nimapatwaw so ciriciring na jyaten. Si Yeso o nimangamamaog so karawan no ciring na ni Ama ta do to. So nitorwan na ni Ama ta do to no makakaday do karawan eya a italamozong ni Yeso.

Sipolay 2:14

Yaten rana akma ney anak ni Ama ta do to am tao ta do karawan. So nicyakman na jyaten ni Yeso a yamyan so kataotao. Am mawakwak rana o kataotao na ni Yeso am haragen na o oyowyat ni Satan a omwakwak so tao.

Sipolay 9:26

O na icyakman sang ni Yeso a yarana ji vangovangon so iwawalam no tao do Yotay a mapatanang so rala am na rana nipatanang o kataotao na abo so raraten a ivoga na so raraten no tao. So na ikeypisa ni Yeso a mangay mawakwak nyaten a kato na rana meyyonongan a mavonas rana no raraten ta.

1 Pite 1:2

Nakenakem na ni Ama ta do to o yana kanimapanop jinyo a omanoyong ji Yeso. So yanyo ikanoyong rana a yana nyavayo no Seyzi so onowned a yaomonot ji Yeso Kizisto, do kanimvonas na so raraten nyo no rala na. Inaoy si arakorako pa o pangangarilawan na kano apiya onowned nyo a itoro na jinyo ni Ama ta do to.

1 Yowani 1:2

No kai na do teyrahem am manoyong o kanimakacita namen sya. Am ori o namen peylimwangan nya jinyo so to meyyonong a ikavyay no pahad ta. Ta iya o yapwan no to meyyonong a ikavyay no pahad ta, a nimacitovong ji Ama ta do to do teyngato a nimacikaop jyamen.

1 Yowani 3:5

O peypeypangayan no na kai ni Kizisto am na vonasen o raraten no tao, do na kabo no raraten na.

1 Yowani 3:8

O meyraraten pa tao am macibedbed pa ori ji Satan. Ta nimeycicinda no kakwa o kapeyraraten na ni Satan. Ori na nyai no Anak ni Ama ta do to a ombalinas so vazay ni Satan.

Ipaziman 13:8

O tao rana do karawan a jidket so ngaran do vakong no niwakwak da Kagling a yanan na rana no to meyyonong a ikavyay no pahad da tao am ori o amraralay nya. O vakong rana ya am na adketan no ngarangaran da no kaji na pa mangamaogan so karawan.