1 Pite 1:18 - Seysyo No Tao

¹⁸ Naknakmen nyo o kaji na nitombosan jinyo ni Ama ta do to no monganay jinyo a ovay, do nyamoon nyo a malas a icicirawat no ineynapo nyo no kakwa.

1 Pite 1:18 ပူးပေါင်းရင်းမြစ်များ

Make 8:37

Ikongo ipalit na pa so to meyyonong a ikavyay no pahad na.

Loma 1:21

Am tana da katenngan si Ama ta do to am da ji raralayan, da ji narayan o aryarilaw na sira. So da icyakmey yamavota so onowned a yaji makateneng ji Ama ta do to.

1 Kedinto 3:20

O ciring pa do Seysyo am, “Katenngan na ni Ama ta do to o kabo no peypeypangayan na no naknakmen da no mapakateneteneng a tao.”

1 Kedinto 6:20

Ta inyo rana am na nipalit inyo no rala na ni Yeso. Am ori o azwazwain nyo si Ama ta do to no kataotao nyo an.

1 Kedinto 7:23

Inyo rana am yatey rako na nipalitan jinyo ni Ama ta do to. Am ori o ji nyo mamyapyai no tao a tomalamozong ninyo. Ta italamozong na rana inyo ni Ama ta do to.

Cyalatay 1:4

Si Yeso Kizisto am na pahawahen yaten do raraten do karawan. Am ori o na pangozayan do nakenakem na ni Ama ta do to a mawakwak no raraten ta.

Ivoso 4:17

Ko pangozayan o ngaran ni Yeso Kizisto a Panirsirngen ta a yamvavaga jinyo. Ji nyo nginara o icicirawat da no yaji manaralay a tao, ta o nakenakem da nira am yabo na peypeypangayan.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.

Sipolay 9:12

Si Yeso Kizisto am ji rana mapalolo so rala no kagling a kano baka. Ta mina to na rana patananga o rala na ipatazadang na jyaten do teyngato. Am o akman rana sang a vazay am ipisa mapatanang nyaten a kakavos na rana a mangay do kaidan no karawan.

1 Pite 1:7

O peypeypangayan no alalaw nyo am ipakateneng jinyo a manoyong so nakem ji Ama ta do to. Mapaonag no apoy o ovay. Am o nakenakem nyo ji Ama ta do to am jyabo kaji nakdekdengan pa kano ovay a jyagonay a. So ji na alasi no keyleylamdam na so onowned nyo ni Ama ta do to. No si ji kamo a hayo am mahap nyo rana o kazwayan nyo no marateng rana o araraw no yai na ni Yeso Kizisto.

1 Pite 4:3

Teywara o mina raraten nyo no kakwa. Ta meyyangay kamo pa so vazay a kano ji raralay ni Ama ta do to a tao a to meyvozaw a mapasagpyan so aktokto nyo a masakisakin, manaralay so malas a tao do to nyo, pacyangayan no makakaday a raraten nyo.

1 Yowani 3:5

O peypeypangayan no na kai ni Kizisto am na vonasen o raraten no tao, do na kabo no raraten na.