1 Pite 1:15 - Seysyo No Tao

¹⁵ Naknakmen nyo o kaji nyo mapazavozan so marahet a vazay nyo. Ta si Ama ta do to a yanimapanop jinyo am yabo jiya o marahet.

1 Pite 1:15 ပူးပေါင်းရင်းမြစ်များ

Matay 5:48

Inarahen nyo si Ama nyo do to a tey yapya so ahahapan sya.

Loma 9:24

So yata ikanoyong a na nipamnekan do tao do Yotay a kado beken a tao do Yotay.

2 Kedinto 7:1

Am ori an manga kakteh an, no yamanoyong o akman sang a nakem na jyaten ni Ama ta do to am apzatan ta o onowned ta an. Ji ta mamyapyan o kataotao ta kano nakenakem ta a macizavoz do raraten. Ta naknakmen ta o kaji tamo meylimotngan so onowned a omraralay ni Ama ta do to.

Veydipi 1:27

O ahahapan nyo so onowned nyo do araraw am pehngehngain nyo do Mapasaray a Ciriciring na ni Kizisto an. Tana ji ko angay a tomita jinyo a kapakamizing ko jinyo a akmey asa so pangtoktwan a kano onowned a mowyat a meylimwang no Mapasaray a Ciriciring,

Veydipi 3:14

Am ori o ko icyakmey malayo a tao a yasomazap so ko angayan, do ko kanakenakem so ko kapakahap so azaw ko ji Ama ta do to a to meyyonong a ikavyay no pahad. Ori rana am nipamnekan na yaken ni Ama ta do to a omanoyong ji Yeso Kizisto a kapakahap ko na sang.

Veydipi 3:20

Am yaten rana am italamozong na yaten ni Ama ta do to. So pananalan ta si Yeso Kizisto a Panirsirngen ta a meygegcin a apo do teyngato. Ta iya o mapatazadang jyaten do teyngato.

1 Tesalonicya 2:12

a yajimtad a yamnanao jinyo a yamapait so onowned nyo a yamapadnadna so nakem nyo. So ikanoyong nyo a isaray na ni Ama ta do to. Na nipamnekan inyo a macizanod do oyowyat na kano azwazway na.

1 Timotay 4:12

Tana malavayo ka am apzatan mo o ciriciring mo a kano icicirawat mo a kano pangangarilawan mo so icyatatao mo. Akman sang o onowned mo. Ta peycitacittan da imo no omanoyong ji Yeso, kaji da rana ngolalai so ipangnanao mo.

2 Timotay 1:9

Iya o nimahap jyaten a mapanop jyaten a omanod jya. Am beken a omagaz do kapya no icicirawat ta, ta yaomagaz do nakenakem na kano pangangarilawan na ni Ama ta do to. Ta no kaji na pa nimangamaogan so karawan am nimanakem na rana o katovoy na si Yeso Kizisto a somidong jyaten.

Tito 3:14

Ipanci mo do kakteh ta do cinai o kowyat da omhakakaw a amyaw no velek da a kasidong da so makasi a tao. Ji da nginara o to meyyowyaw a abwata so angangayan a tao.

Tito 3:8

So ikabo no kalalasan no ciriciring eya. Pakanakmen mo a ipanci jira oya an, a kowyat da no amraralay ni Ama ta do to a tao a meyvazay so apiya vazay. Ta o akman rana sya vazay am tey yapya a makasidong so tao.

Sipolay 12:14

Makowyowyat kamo pa mapeypyapya so nakenakem nyo a kano tao. Ahapen nyo o ji meylimoteng a onowned nyo a macikaop jira. No abo o akman sang jinyo am abo jinyo o makacita si Ama ta do to do teyngato.

Sipolay 13:5

Ji nyo pahama o kakzan nyo no nizpi. Isaray nyo no onowned o amyan rana jinyo. Ta maniring si Ama ta do to am, “To meyyonong o kaji ko ngarwan jimo. So ji ko mapaveyvowi jimo a manta nimo so kalahen mo no nakem.”

Yake 3:13

Sino jinyo o yamateneng a tao. No si myan am apyapya o kapehbo na so nakem na a mapeyvazay so apiya vazay.

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

1 Pite 2:9

Am inyo am na nipamnekan inyo a yasa so inawan a mapatanatanang so nakem ji Ama ta do to a Panirsirngen ta. So ikanoyong nyo a abo so karatan a asa ka mahataw a italamozong ni Ama ta do to, a na nipamnekan a meylimwang no yamapeyzokab a vazay na. Ta inyo am na nyagag inyo do kasarisaryan a yameyraratenen. So nyo rana iyan do kazngangan.

1 Pite 3:16

Am panalawbowen nyo o nakem nyo a tomovis do akman sang a tao. Ji kamo meylimoteng so onowned a kanig da no mapanyanig jinyo, do kapiya no icicirawat nyo a omahap so nanao ni Kizisto.

1 Pite 5:10

Si Ama ta do to am yana yapwan no rako a pangangarilawan, do na kapazanod jinyo do azwazway na. Ta inyo rana am kamo rana macikaop ji Kizisto. Am ori an, no si mavitos rana o yaji meyyonownay a alalaw nyo am manoyong kamo na oyatan ni Ama ta do to, kahadpet nyo na so nakem.

1 Yowani 3:3

O tao rana mapananala so araraw no yai ni Kizisto am ji meyraraten. Ta inarahen na si Kizisto a ji meylimoteng so onowned.

Ipaziman 3:7

“Ipeyteygami mo o yamimong no kyokay do Veylatevey. Si maniring ka am, ‘Yamaniring o yaji meylimoteng so onowned a tey manoyong am: Yaken rana am akman ko so panirsirngen a meyngaran so Tawey a yatomalamozong no kagi. So ikabo no tao a makaneb do niwangan ko. O yako nyaneban am abo makeywang jya.

Ipaziman 4:8

So ikamimin da meykanem so panid no apat a omalalam am tana sazapen na, tana likod na am makakaday no mata na. Sira rana am abo maraw a abo mahep a to da meyyanwanooji. O anwanood da am, “Mo ji meylimoteng so onowned a Panirsirngen a tey mowyat a Tao do to a to meyyonong a mavyay a nimapo no kakwa, kasicyaikwaya kano kangay na do kaidan no karawan.”

Ipaziman 6:10

Maniring sira amlololos am, “Mo Panirsirngen a tey mowyat a tey meynakem a manoyong a ipeyhanhan, si mango am pacicin mo a peykapyapinpinen mo o tao do karawan a mangonong nyamen a yada niwakwak.”