1 Kedinto 9:23 - Seysyo No Tao

²³ Ko akmanan sang so vazay ko am ko ipatak o Mapasaray a Ciriciring na ni Ama ta do to. Ta ori o ipakarara ko so karwan no tao a macizanod a somaray no ciriciring na ni Ama ta do to.

1 Kedinto 9:23 ပူးပေါင်းရင်းမြစ်များ

Make 8:35

Ta o amnakenakem so kataotao na am maraherahet, ta mawakwak ori. Am o tao a to ngawaw pa no kataotao na a mahap so vazay ko a meylimwang no Mapasaray a Ciriciring na ni Ama ta do to am mahap na o to meyyonong a ikavyay no pahad na.

Loma 11:17

O tao do Yotay am sira akman so kayo a meyngaran so kanlan a polcingen a kangay mapatolang so yangaw no jya nimowa kanlan. Inyo rana beken a tao do Yotay am kapalangayan nyo o yajya nipamowa kanlan. So yanyo ipacizanod do tao do Yotay a na ikarilaw ni Ama ta do to.

1 Kedinto 9:12

No akman sang o karwan no tao a mangakday jinyo am ikongo ikarahet namen akman sang so nakenakem jinyo. Am namen kajyakmanan so sang. Ta namen to liliwa o namen kakcin a kano namen kahen. Ta ikasengseng na meylimwang no Mapasaray a Ciriciring na ni Kizisto no si myan so tao a manci nyamen a magom so itoro nyo.

1 Kedinto 9:22

No macikaop ko do malelma so nakenakem a tao am panadnaden ko sira do kahap ko sira panopen. Am ori o panadnadan ko so iwawalam da no pacikaopan ko a tao, ta ori o ipanop ko sira a omanoyong ji Yeso.

1 Kedinto 9:24

Katenngan nyo an. Tana aro o macipalalayo a tao am asa saon o azawen da am. Akman kamo so sang an, a makdeng a malalayo a kapakahap nyo so yazaw na jinyo ni Ama ta do to.

2 Kedinto 2:4

To ko meykaoo a meyngen so onowned no kapeyteygami ko ninyo. Am beken a irahet ko so onowned nyo, ta ipakateneng nyo jyaken a tey marilaw ninyo.

Cyalatay 2:5

Am ji namen mamyapyan o kablis na no Mapasaray a Ciriciring na ni Ama ta do to a nipeylimwang namen jinyo. Am ori o ji namen nimapaoyoi jira.

2 Timotay 2:10

Am ori o ko to liliwi so yamakakaday a da peyrarehtan jyaken, do ko kasidong so nipamnekan na ni Ama ta do to a tao a omanoyong ji Yeso Kizisto. So ikanoyong da makahap so to meyyonong a pangangarilawan na kano azwazway.

2 Timotay 2:6

O mowyat a amhakakaw a tao am ori o mabsoy a tao.

Sipolay 3:1

Inyo rana akma koy kakteh do cinai a yana rana nipamnekan ni Ama ta do to a omanop jya am naknakmen nyo si Yeso a yana nitovoy ni Ama ta do to do teyrahem. Iya rana am ney manhama na mapatanatanang so nakem ta ji Ama ta do to a yata pangozayan a yamraralay ni Ama ta do to.

Sipolay 3:14

No ji ta haha so nakem ji Ama ta do to am manoyong ta macizanod ji Kizisto a mahap so vazay na.

1 Pite 5:1

Inyo rana yakman jyaken a cyozo do kyokay am ko ipanci jinyo o kanimakacita ko si Yeso Kizisto a nipeyrarahet da kawakwak da sya. Ko ipanci jinyo o azwazway ta no makwa do teyngato.

1 Yowani 1:3

O nimacita namen a kano nimamizing namen am namen toywen jinyo. So ikanoyong nyo na macikaop jyamen a akma nyoy kakteh do cinai, do namen kapacikaop ji Ama ta do to a kano Anak na si Yeso Kizisto.