1 Kedinto 9:14 - Seysyo No Tao

¹⁴ Akman sang o meylimwang no Mapasaray a Ciriciring na ni Yeso, ta pakanen sira.

1 Kedinto 9:14 ပူးပေါင်းရင်းမြစ်များ

Matay 10:10

No mangilili kamo am taosya o kapalolo nyo so adwa ka patapilen nyo a ayob nyo. Taosya o kapeytokap nyo a kano sisikod nyo. Ta o peyvazain a tao am pakanen sira an.

Locya 10:7

Ji kanyo meylilis a mangay do teyhesa ka vahay an. Ta to kanyo ngyan do vahay da no tomaotao jinyo a kato nyo novwan no peypanamen da jinyo an. Ta o meyvazay a tao am adan kapanizpi sira an.

Locya 10:8

No mangay kamo do teyhesa ka ili a keyyan no tao a tomaotao jinyo a kapeypanam da so kanekanen nyo am kanen nyo an,

Nimlivolivon 18:3

So nipacivahay na jira macipeyvazay jira, ta meyyangay o vazay da mapakapkapya so vilad a vahay.

1 Kedinto 4:15

Tana todaro tao amnanao jinyo a mapeypahagnat so nakenakem nyo ji Kizisto am asa saon o ama nyo am. Ta yaken rana am nipeylimwang ko jinyo o Mapasaray a Ciriciring na ni Ama ta do to. So yako icyakmey ama nyo a omanoyong ji Yeso Kizisto.

1 Kedinto 9:11

Yamen rana am namen nipanokos jinyo o manoyong a nanao na ni Ama ta do to. No nipanta nyo yamen am jyabo kalas namen a omahap so itoro nyo jyamen a.

1 Kedinto 9:12

No akman sang o karwan no tao a mangakday jinyo am ikongo ikarahet namen akman sang so nakenakem jinyo. Am namen kajyakmanan so sang. Ta namen to liliwa o namen kakcin a kano namen kahen. Ta ikasengseng na meylimwang no Mapasaray a Ciriciring na ni Kizisto no si myan so tao a manci nyamen a magom so itoro nyo.

1 Kedinto 9:16

Am ikongo o pazwayan ko so kapeylimwang ko no Mapasaray a Ciriciring na ni Ama ta do to, do nitoro na jyaken a vazay ko ni Ama ta do to. No si ji ko meylimwangan no ciriciring na am jyabo kapya ko a.

1 Kedinto 9:4

Jyabo kanig ko a patodahan da no sinjya so kanen ko do kapeylimwang ko no Mapasaray a Ciriciring na ni Ama ta do to a.

2 Kedinto 2:12

No kangay ko do Teloya ili a meylimwang no Mapasaray a Ciriciring na ni Yeso Kizisto am niwangan na rana ni Yeso o angayan ko peyvazayan.

Cyalatay 6:6

Inyo rana da pamizngen no nanao ni Ama ta do to am sidongen nyo o yamapamizing jinyo no nanao na ni Ama ta do to a tao. Ipanta nyo sira so makakaday a apyahen da no nakem.

1 Tesalonicya 1:5

Ta o namen nipeylimwang a Mapasaray a Ciriciring na ni Ama ta do to jinyo am beken a ciriciring namen ori. Ta namen ipeyhanhan o oyowyat no Seyzi a kano yameysominogat a onowned namen so ciriciring na ni Ama ta do to. Ta nyo mamimin a katenngan o onowned namen no kapacikaop namen pa jinyo do dang.