1 Kedinto 9:12 - Seysyo No Tao

¹² No akman sang o karwan no tao a mangakday jinyo am ikongo ikarahet namen akman sang so nakenakem jinyo. Am namen kajyakmanan so sang. Ta namen to liliwa o namen kakcin a kano namen kahen. Ta ikasengseng na meylimwang no Mapasaray a Ciriciring na ni Kizisto no si myan so tao a manci nyamen a magom so itoro nyo.

1 Kedinto 9:12 ပူးပေါင်းရင်းမြစ်များ

Locya 11:52

Inyo rana yamangnanao no iwawalam ni Ama ta do to am to kanyo makasi an! Ta nyo to ngimongan o teneteneng ni Ama ta do to an. Am nyo jyakzan am nyo ji mya o tao a makateneng jya.”

Nimlivolivon 18:3

So nipacivahay na jira macipeyvazay jira, ta meyyangay o vazay da mapakapkapya so vilad a vahay.

Loma 15:22

O yako jya nimangai a tomita jinyo do dang am ko ipeylimwang o ciriciring na ni Ama ta do to do yapa ji makasingkad ji Ama ta do to a teyhesa ka ili.

1 Kedinto 13:7

O mangarilaw so icyatatao na am to na peyyopowpasa o iraherahet da sya no icyatatao na. Anoyngan na o keyyan no kasaraw a ipamlis da. To peycyabobwa o makakaday a oyaoyyan da no kataotao.

1 Kedinto 6:7

O yongkad no nyo karatan am nyo kapaciraherahet. Ikeykong kamo a yajya todalpid so nakenakem.

1 Kedinto 9:14

Akman sang o meylimwang no Mapasaray a Ciriciring na ni Yeso, ta pakanen sira.

1 Kedinto 9:15

Am kaji ko nimangapan so kakzeben ko jinyo. O ko vatvatkan do akman sang a ciring am beken a ko yagom o kataotao ko an. Tana mawakwak ko no kakcin ko am apyahen ko o kabo no ngina na no inanao ko jinyo.

1 Kedinto 9:16

Am ikongo o pazwayan ko so kapeylimwang ko no Mapasaray a Ciriciring na ni Ama ta do to, do nitoro na jyaken a vazay ko ni Ama ta do to. No si ji ko meylimwangan no ciriciring na am jyabo kapya ko a.

1 Kedinto 9:18

Am ikongo o azaw ko ang. O mahap ko am kasaray ko a meylimwang no Mapasaray a Ciriciring na ni Ama ta do to a ji ngahap so itoro da jyaken a kahanhanan na ni Ama ta do to.

1 Kedinto 9:2

Tana ji da panadnada yaken a nipamnekan ni Kizisto am cyaha, ta nyo panadnaden yaken a nipamnekan ni Kizisto. Ta inyo o yongkad na no kanimamnek na jyaken ni Kizisto a Panirsirngen ta.

2 Kedinto 11:12

So ji ko mirwai do akman sang a nakenakem ko a mahap so patodahen nyo jyaken. Ta izavat ko so pazwayan da so ciring da no mangalalas a beken a lamlamsoy ni Kizisto, do kabo no pacicingayan no vazay da jyamen.

2 Kedinto 11:20

Ta no peylamsoin da inyo am littan da inyo am soziban da inyo am ji da ninigan inyo am somiplang so posngi nyo am nyo to macyozai sira.

2 Kedinto 2:12

No kangay ko do Teloya ili a meylimwang no Mapasaray a Ciriciring na ni Yeso Kizisto am niwangan na rana ni Yeso o angayan ko peyvazayan.

2 Kedinto 6:3

Namen ji mapeyvazay so marahet a vazay a tamwadan da jyamen no tao. Inaoy no si ji namen meyvazay so marahet a vazay a ikazazat do tao a omonot ji Ama ta do to.