1 Kedinto 9:1 - Seysyo No Tao

¹ Jyabo kato ko ngonongonongan do vazay ko a, ta na nipamnekan yaken ni Kizisto amlivolivon no ciriciring na. Manngwa, ko jya nimacita si Yeso a Panirsirngen ta? Manngwa, beken a inyo na kakownongan no vazay ko ji Yeso?

1 Kedinto 9:1 ပူးပေါင်းရင်းမြစ်များ

Nimlivolivon 13:2

No kararalay da ni Ama ta do to a ji mangakaday am maniring jira o Seyzi am, “Pamnekan nyo si Parnapo a kani Sawlo a mapeyvazay so vazay ko.”

Nimlivolivon 14:14

Milamdam na ni Parnapo a kani Pawlo o nakenakem da no aro a tao am marahet o onowned da. Am ori o nizamitan da so talili da kangay da do tangain da no aro a tao. Maniring sira am,

Nimlivolivon 14:4

So nipeypinpin da no tao do dang. O asa lipenpenan am macikagom do tao do Yotay. O asa lipenpenan am macyagom da Pawlo a kani Parnapo a omanoyong do nanao da.

Nimlivolivon 23:11

Mahep rana am mai si Yeso do katangked ni Pawlo. Maniring am, “Ji ka onib, mo Pawlo an. To mo peynara no kapeylimwangan mo nyaken do Yelosaleng a meylimwang nyaken do Loma.”

Nimlivolivon 9:15

Maniring jya si Yeso am, “Mangay ka, ta ko nipamnekan si Sawlo a mahap so vazay ko a meylimwang no ngaran ko do beken a tao do Yotay a kano aro a panipanirsirngen, pacyangayan nyo a Isedi a tao.

Nimlivolivon 9:17

Am ori o nyangay na rana ni Ananiya. Somdep rana do vahay am paoptahen na o lima na do kataotao na ni Sawlo. Maniring am, “Mo kakteh, o mo nimacita do rarahan a Panirsirngen ta si Yeso am na nitovoy yaken a mai a tomazogaw nimo. Ta kakzeben na imo a makacita rana a italamozong no Seyzi.”

Nimlivolivon 9:3

Masngen rana do Tamaseke am to ngyan so zezak apo do teyngato a tomiray sya.

Nimlivolivon 9:5

Maniring am, “Mo Panirsirngen, sino ka.” Maniring am, “Yaken rana am si Yeso ko a yamo pakakasin.

Loma 1:1

Yaken rana am si Pawlo ko a lamlamsoy ni Yeso Kizisto. Na nipamnekan yaken ni Yeso Kizisto a amlivolivon no Mapasaray a Ciriciring na ni Ama ta do to.

Loma 1:5

Am ori o ko pangozayan do ngaran na a yamahap so vazay na yamapanop so tao a yaomanoyong ji Yeso Kizisto do peycyamahamahatawan na,

Loma 11:13

Yako pacisirsirngan inyo a beken a tao do Yotay. Yako tey masaray a nipamnekan ni Yeso Kizisto a omlivolivon no Mapasaray a Ciriciring na ni Ama ta do to jinyo a beken a tao do Yotay.

1 Kedinto 1:1

Yaken rana am si Pawlo ko a yana nipamnekan ni Yeso Kizisto a amlivolivon no ciriciring na a lamlamsoy na ni Ama ta do to. Yaken rana kano akma tey kakteh do cinai si Sotenay am namen ipeyteygami inyo a sinjya do Kedinto a kyokay. Inyo rana kano yamakakaday do peycyeylilyan na a macikaop ji Kizisto a tao am yatamo meyyangangay a na nipamnekan ni Ama ta do to a italamozong na. Si Kizisto am Panirsirngen da. So yata icyakman sang a yamapeypanirsirngen sya.

1 Kedinto 10:29

Beken a ko pakacirngen jinyo amrahet sya, ta panadnaden nyo o ji makakan sya tao. Am ori o ji nyo ngani sya. Ala myan so tao a manci no, “Ta amizngan ko so ciring da no tao.”

1 Kedinto 10:30

Ji nyo akwan o, “No isaray ko kanen ji Ama ta do to am sino tomamwad jyaken a koman sya.”

1 Kedinto 11:16

No si myan pa so jyalpid a tao am naknakmen na o kabo no meytarek a iwawalam ta. So da ikamimin no peycyakyokyokayan na yanan no yakman sang a iwawalam.

1 Kedinto 3:6

Ko nimowa a na kataktak jya ni Apolo. O amzowazovo sya am si Ama ta do to.

1 Kedinto 9:19

Yaken rana am yabo mapeylamlamsoy jyaken a tao. Am nakenakem ko o kakma koy lamlamsoy da no aro a tao, do ko kapanop sira.

2 Kedinto 10:7

O vazay no tao o macita nyo. Am nyo jyacita o onowned no tao. No si amyan so tao a manci no katalamozong na ni Ama ta do to am manakenakem pa an. Ta beken a iyaha o yamonganay ji Kizisto. Ta namen akman sang a yamonganay ji Kizisto.

2 Kedinto 11:5

Ko ji nganoyngi o ko katonton do yamangalalas a beken a lamlamsoy ni Kizisto.

2 Kedinto 6:1

Yamen rana na pacipeyvazayan ni Ama ta do to am namen vavagan inyo o kaji nyo tongbowan so aryarilaw na jinyo ni Ama ta do to.

Cyalatay 1:1

Yaken rana am si Pawlo ko. O yako ipeyngongyod a lamlamsoy na ni Ama ta do to am beken a tao o yaniomrara jyaken a omlivolivon no ciriciring na ni Ama ta do to, ta si Yeso Kizisto a kani Ama ta do to a nimapeyvangon si Yeso Kizisto o yanitomovoy jyaken.

Cyalatay 5:1

Na rana niovayan yaten ni Kizisto do yamvaod jyaten a iwawalam ni Moyse. Ori o ji nyo rana meyhanhani no adan a iwawalam ni Moyse.

1 Tesalonicya 2:6

Tana nipamnekan na yamen ni Kizisto a omlivolivon no Mapasaray a Ciriciring na am namen ji ngakdaya o kazwazway da jyamen no tao. So ji namen ngakdai jinyo a kano karwan no tao a zomwazway jyamen.

1 Timotay 2:7

O nipamnekan na jyaken a omlivolivon no ciriciring na do beken a tao do Yotay am nanawen ko sira a kapakateneng da rana jya a meyhanhan no manoyong a nanao. So ko ji mangononongi so malas. Ta yamanoyong o ko ipanci.

2 Timotay 1:11

Na nipamnekan yaken ni Ama ta do to a amlivolivon a meylimwang no Mapasaray a Ciriciring na a ipangnanao so tao.