1 Kedinto 8:9 - Seysyo No Tao

⁹ Am azimanen nyo. Ta ji nyo akwan kapya na jinyo o kato nyo mangozayan do kataotao nyo. Ta panadnaden nyo sira o malma pa so onowned a amrahet pa sya.

1 Kedinto 8:9 ပူးပေါင်းရင်းမြစ်များ

Matay 18:10

“Makapzat kamo. Ji nyo ngolala sira o pakananaken da tao. To ko na macitangayan jinyo am o tinsi a yasomidong sira am yamyan sira do tangain ni Ama ta do to do teyngato.

Loma 15:1

Yaten rana yamakdeng so onowned ji Ama ta do to am sidongen ta sira o yapa malma so onowned ji Ama ta do to, kabo rana no ikarahet da do vazay ta. Ta beken a kataotao ta o naknakmen ta.

1 Kedinto 10:24

Taosya o kato ta manginanodan so apyahen ta no nakem. Ta panadnaden ta o icyatatao ta.

1 Kedinto 10:28

Am no myan so akma moy kakteh do cinai a manci no kanimeypazos da no kanekanen am panadnaden nyo o manci nya tao. Apyapya pa kaji nyo nganan sya.

1 Kedinto 10:29

Beken a ko pakacirngen jinyo amrahet sya, ta panadnaden nyo o ji makakan sya tao. Am ori o ji nyo ngani sya. Ala myan so tao a manci no, “Ta amizngan ko so ciring da no tao.”

1 Kedinto 10:32

Am ori an, ji nyo mamyapyai no kapacinara da jinyo a meyraraten no tao do Yotay a kano beken a tao do Yotay a kano tao do peycyakyokyokayan na.

1 Kedinto 8:10

No myan pa so tao a marahet pa nya kapakacita na jinyo a makateneng jya tao a makapya koman so nipazos do panaralayan so malas a iraralay da am jyabo kaji nyo akmey to ngingitan sira koman so nipazos a.

1 Kedinto 8:12

O akman rana sang a vazay nyo am manoyong kanimeyraraten nyo do akma nyoy kakteh do cinai. So yanyo icyakmey amhaha so nakenakem da no yamalma pa so onowned a tao. So nyo ikanoyong a yameyraraten do tangain na ni Kizisto.

1 Kedinto 9:22

No macikaop ko do malelma so nakenakem a tao am panadnaden ko sira do kahap ko sira panopen. Am ori o panadnadan ko so iwawalam da no pacikaopan ko a tao, ta ori o ipanop ko sira a omanoyong ji Yeso.

2 Kedinto 11:21

Ji ko nasnek a manci nya jinyo am o akman rana sang a vazay am namen jyadkeci a peyvazain. Am no myan so tao a mapazway so vazay da am to ko na mancyan o kateneng ko a mapazway.

2 Kedinto 11:29

Ta sino ji ko ingenen no onowned a malma so onowned. Sino ji ko a zababan so onowned a meyraraten a tao.

2 Kedinto 6:3

Namen ji mapeyvazay so marahet a vazay a tamwadan da jyamen no tao. Inaoy no si ji namen meyvazay so marahet a vazay a ikazazat do tao a omonot ji Ama ta do to.

Cyalatay 5:13

Manga kakteh, o na nipamnekan jinyo ni Ama ta do to am na ovayan inyo a yamvaod no iwawalam ni Moyse. Am ori o ji nyo to mamyapyai no kataotao nyo a italamozong no marahet a nakenakem nyo. Apyapya pa o pangarilawan a isidong nyo so kadwan jinyo.

Kelosi 2:8

Makapzat kamo. Ji nyo ngonoci o mapeycyakawad jinyo a nanao no tao do karawan. Ta o akman rana sang a nanao am apo do tao no kakwa. So ji na monganai ji Kizisto no da ipamizing jinyo.

1 Pite 2:16

Inyo rana am kamo manoyong a italamozong ni Ama ta do to. Am ori o ji nyo rana pasngesngeni so marahet do onowned nyo. Ta manakem nyo o kakma nyoy lamlamsoy ni Ama ta do to.

2 Pite 2:19

Ipanci da o kapeypapya da no macilolo jira. Am jyakman sang, ta kapasagpyan da so icicirawat da. So ikanoyong no macihza jira tao a kalamsoyan no makakaday, do katalamozong na nira no raraten.

Ipaziman 2:14

Am yamyan pa so yako oyyan ninyo. Yamyan jinyo so yana nicirara ni Palang a yaomonot do nanao ni Palake. Si Palang am yamanci no Isedi a tao a meyraraten a nikoman so mina pazos da so malas a iraralay da a da kapasagpyan so aktokto da.