1 Kedinto 8:6 - Seysyo No Tao

⁶ yaten rana a yamraralay ni Ama ta do to am yasa si Ama ta do to a na yapwan no meycyamadadayan. So yana ikanoyong a tomalamozong nyaten. Akman sang, ta abo ikararwa na ni Yeso Kizisto a Panirsirngen ta a nimangamamaog so meycyamadadayan a yana yapwan no ikavyay no pahad ta.

1 Kedinto 8:6 ပူးပေါင်းရင်းမြစ်များ

Matay 11:27

Maniring pa si Yeso jira am, “Yamamimin o meycyamadadayan a na nitoro jyaken ni Ama. So na ikabo no tao a makateneng jyaken. Ta si Ama o yamakateneng jyaken a Anak na. Yabwata o tao a makateneng ji Ama. Ta yaken a kano nipamnekan ko o makateneng jya. So ikabo no matarek a tao a makateneng jya.

Matay 28:18

Omasngen jira si Yeso am maniring jira am, “Na rana nimimin ni Ama ta do to o oyowyat do teyngato a kado teyrahem a yanitoro jyaken.

Yowani 1:10

O Ciring rana am amyan rana do karawan a nipangamaog na ni Ama ta do to so karawan. Am kaji da makatenngan jya no tao do karawan.

Yowani 1:3

Ciring o nyamaog na ni Ama ta do to so makakaday. So ikabo no asa ka maoran no karawan a ji na nyamaog no Ciring eya.

Yowani 10:30

Namen akmey yasa si Ama.”

Yowani 13:13

Kamo manoyong a manci nyaken a Mangnanao a Panirsirngen nyo. Manoyong ori.

Yowani 14:20

No si marateng o araraw no nang am katenngan nyo o kapacikaop ko na ji Ama. So ikakman nyo sang a macikaop jyaken. Akman jyaken a yamacikaop jinyo.

Yowani 17:3

O to meyyonong a ikavyay no pahad da am ipakateneng da jimo a ney manoyong na Tao do to, a kapakateneng da ji Yeso Kizisto a nitovoy mo do karawan.

Yowani 20:17

Maniring si Yeso am, “Ji mo minani yaken, ta yako pa jya nimangay ji Ama. Angay da kakteh ko do cinai a kapanci mo nya jira so ko kapeysinaoli a mangay ji Ama a Tao do to ta. Ta iya rana am ta kalovotan a Tao do to.”

Nimlivolivon 17:28

Ta maniring o asa ka tao am, ‘Iya o yapwan no inawan ta do karawan a yaomzat jyaten.’ Maniring pa sira o mateneng a tao a macikeylyan jinyo am, ‘Yaten rana am akma ney anak yaten.’

Nimlivolivon 2:36

“Am ori an manga zipos a kakteh ko a Isedi a tao am naknakmen nyo an. Ta si Yeso a nyo nipadket do jyojika am yana rana nibnek ni Ama ta do to a Misayya a Panirsirngen ta.”

Nimlivolivon 5:31

So na rana iyan do wanan na ni Ama ta do to a Panirsirngen ta a yamapatazadang jyaten do teyngato. Na kakzeben yaten a Isedi a tao a mamlis so nakenakem, ta ori o ivonas na so raraten ta.

Loma 11:36

Ta yamamimin o makakaday a yana nyamamaog. So ika iya na no tomalamozong no makakaday do karawan. Inaoy no si mangay jya o azwazway na mangay do kaidan no karawan. Amin.

1 Kedinto 12:3

Am nyo rana anoyngan si Yeso. Am ori o nyo na ipakateneng jya, ta o italamozong no Seyzi na ni Ama ta do to a tao am jyabo kapeyciring na so kalas na ni Yeso a. Akman sang an, ta o italamozong na no Seyzi na ni Ama ta do to o manci no kanoyong ni Yeso a Panirsirngen ta.

1 Kedinto 6:13

Amyan so tao a manci no, “O kanen rana am ioran do velek. O cinamaog no velek am kanen.” So ji na alasi nang. Am beken a to meyyonong o yameykadwa ya. O cinamaog ta am beken a pasagpyanen ta o kataotao ta, ta o kararalay ta ni Ama ta do to. So ikanoyong na ni Ama ta do to a mapeyveyveken jyaten.

1 Kedinto 8:4

Oya rana o ipanci ko jinyo a omagaz do nipazos da kanen. Tanyo katenngan o kaji da anoyngan no malas a iraralay da. So tanyo ipakateneng do na kasa ni Ama ta do to a ta iraralay.

Ivoso 1:3

Isaray ta ji Ama ta do to a Ama na ni Yeso Kizisto a Panirsirngen ta. Ta yatamo na macibedbed ji Kizisto. So yana rana nitorwan so makakaday a aglaglaw na jyaten a na ipasaray jyaten.

Ivoso 3:14

Am ori an, yako ipeylilitod a meynozi do tangain na ni Ama ta do to.

Kelosi 1:6

Beken a inyoo o na peylimwangan no Mapasaray a Ciriciring na ni Ama ta do to, ta yarana nimeylimwang do peycyamahamahatawan na. So da rana ipamlis no tao. So da icyakman jinyo a yarana makateneng do pangangarilawan na ni Ama ta do to.

1 Pite 1:21

Iya o yanyo ipakateneng rana ji Ama ta do to a nimapeyvangon sya do heseb na a nimanta nya so azwazway na. Am ori o nyo rana to ngotokoci so nakem ji Ama ta do to a omanoyong do akman sang a oyowyat na a mapeyvangon jinyo no makwa.

Ipaziman 1:18

Yaken rana am to ko meyyonong a mavyay. Nimawakwak ko no kakwa. Am ko na mavyay sicyaikwaya a mangay do kaidan no karawan. Yaken rana am yatomalamozong no kawakwakan a kano yaomanam pa vazay ko do mawakwak a tao.