1 Kedinto 8:11 - Seysyo No Tao

¹¹ O malma pa so onowned a akma tey kakteh do cinai a nikawakwak ni Kizisto am jyabo kaji na ratan so kangangay a makacita jinyo a.

1 Kedinto 8:11 ပူးပေါင်းရင်းမြစ်များ

Yowani 6:27

Taosya o kaziknan nyo no ji mamayok a kanekanen. Ta apyapya pa o kaziknan nyo no kanen a yapwan no to meyyonong a ikavyay no pahad nyo. O kanen rana ori am yaken o yatomoro nya jinyo. Ta yaken a Nipamnekan na ni Ama ta do to a tao o tomoro no akman sang jinyo. Ta yarana amyan jyaken so oyowyat na ni Ama ta do to. Ori rana am yongkad na no yanitomovoy jyaken.”

Loma 14:15

No si kanen mo o ikarahet no nakenakem no akma moy kakteh do cinai am manoyong kabwata no pangangarilawan mo. Ta tey marahet o koman so ikarahet da no onowned no nikawakwak na ni Yeso Kizisto a tao.

1 Kedinto 10:33

Inarahen nyo o mina vazay ko a mapasaray so aro a tao a ji mangozay do apyahen ko no nakem. Ta panadnaden o icyatatao. Ta ori o ikablis da no onowned da ipakahap da so to meyyonong a ikavyay no pahad da.

1 Kedinto 8:13

Am ori o no si ikarahet da o kanen ko no akma koy kakteh do cinai am ji ko na nganna o akman sang a kanen mangay no makwa. Ta maraherahet o kapacinara da jyaken no akma koy kakteh do cinai a marahet nya so onowned.

1 Kedinto 8:4

Oya rana o ipanci ko jinyo a omagaz do nipazos da kanen. Tanyo katenngan o kaji da anoyngan no malas a iraralay da. So tanyo ipakateneng do na kasa ni Ama ta do to a ta iraralay.