1 Kedinto 8:1 - Seysyo No Tao

¹ O nipazos da kanen am tamo mamimin a makateneng do akman sang. O teneteneng rana ya am yapwan no kapazway no tao. Am o pangarilawan am ipeypapya so tao.

1 Kedinto 8:1 ပူးပေါင်းရင်းမြစ်များ

Nimlivolivon 15:10

Nyo ileylamdamen si Ama ta do to? Nyo pancyan no kamimin no iwawalam ta tao do Yotay a ahapen da no yamraralay ni Yeso a beken a tao do Yotay? To ko na macitangain jinyo am ji da nimataptap no ineynapo ta o iwawalam ni Moyse a pangozayan.

Nimlivolivon 15:29

Taosya o kakan nyo so nipazos da. Taosya o kakan nyo so rala no vinyay a kano nivitkeh da vinyay a nimazakat a jya nimvoyog so rala. Taosya o kapangzakza nyo so icyatatao nyo. Si pangozayan nyo ori am ipeypapya nyo ori. Inaoy si apzatan na inyo ni Ama ta do to.”

Nimlivolivon 21:25

Yamen rana am nipeyteygami namen sira o yaomanoyong ji Yeso Kizisto a beken a tao do Yotay, do kaji da nganan so nipazos da, kaji da nganan so rala no vinyay kano nivitkeh da vinyay a nimazakat a jya nimvoyog so rala. Taosya o kapangzakza da so icyatatao da.”

Loma 11:25

Manga kakteh, inaoy no si katenngan nyo na o vazay na ni Ama ta do to a ji nipatwaw no kakwa. So ji nyo mapakarangi so nakem nyo. Ta beken a todamimin o Isedi a tao a ji mamlis, ta yana pananalahen ni Ama ta do to o karwan no beken a tao do Yotay a omanod jya.

Loma 12:16

Peyyangangain nyo o tao a sidongen. Ji nyo pahama o nakenakem nyo, ta pehbowen nyo o nakem nyo. Ji kamo mapakateneteneng.

Loma 14:10

Am sino ka paro amraherahet so akma moy kakteh do cinai. Ikeykongo ka yajyaninig no akma moy kakteh do cinai. Ta yaten rana am mamimin ta tomnek do tangain na ni Ama ta do to no pacicin na yaten.

Loma 14:14

Macikaop ko na ji Yeso a Panirsirngen ta am katenngan ko na o kabo no makanyaw a kanekanen. No amyan so tao a manci nya makanyaw am manoyong o kakanyaw na do tao no nang.

Loma 14:19

Am ori o ikasangib ta mapeyvazay so ikapya no tao a vazay a kano ipeypakdeng no tao so nakenakem ji Ama ta do to a vazay.

Loma 14:22

Ta ipeyhanhan mo o vazay mo do tangain na ni Ama ta do to abo so karatan. So ji mo meykawaji so nakenakem. Ta o akman rana sang a tao am tey masaray. Am ji mo mancyan do tao. Ta si Ama ta do to makateneng jya.

Loma 14:3

O makakakan a tao am ji na zyakan sira o ji makakakan a tao. O voovoong so yakan am ji na namwada sira o makakakan a tao. Ta meyyangay sira akma ney anak ni Ama ta do to.

Loma 15:14

Manga kakteh, ko anoyngan inyo a yapiya so yahahapan sya a yamateteneng a yamvavaga do kadwan jinyo.

1 Kedinto 1:5

Kanyo tey meynakem rana a macikaop ji Yeso Kizisto a tao. Ori o nyo kateteneng a meylimwang no ciriciring na ni Kizisto, do nyo kapakateneng do manoyong a nanao na.

1 Kedinto 10:15

Yako nanawen inyo a mateteneng a tao. Jyabo kaji nyo makatenngan do kanoyong na, kalas na no ciring ko a.

1 Kedinto 10:28

Am no myan so akma moy kakteh do cinai a manci no kanimeypazos da no kanekanen am panadnaden nyo o manci nya tao. Apyapya pa kaji nyo nganan sya.

1 Kedinto 14:20

So ipeypakatkat nyo, manga kakteh so pangtoktwan an. Akman kamo so mina tazak a tao a ji nakenakem so raraten.

1 Kedinto 15:34

Paolin nyo o nakenakem nyo do kapyapyan. Paseykeden nyo na o kapeyraraten nyo. Yatatasa jinyo a yana ji makateneng ji Ama ta do to. O ko peycirngan sya am kapakateneng nyo do kanigan nyo.

1 Kedinto 4:10

Da ipanci yamen no tao do karawan a abo so kapsepsekan, do namen kapangnanao no ciriciring na ni Kizisto. Am inyo am nyo ipanci o kataotao nyo a mateneng a meyhanhan ni Kizisto. So nyo ikowyowyat pa ka nyamen. So da kolalahan jyamen a da kanig ninyo.

1 Kedinto 4:18

Yamyan so yatatasa ka tao jinyo a yamapahama so nakem a yamanci no kaji ko rana nangayan jinyo do dang.

1 Kedinto 4:6

Manga kakteh, o ko pancyan no aro a vazay namen si Apolo am ipakateneng nyo do kaji nyo mapeycyakabanan so lamlamsoy na ni Ama ta do to akman so domket do Seysyo a ciring.

1 Kedinto 5:2

Ikongo dang o pazwain nyo. Manngwa, ji nyo a ratan so onowned o akman so sang so vazay a tao? Am ori o to nyo na pasyai so akman sang a tao.

1 Kedinto 5:6

Taosya o kapakazwazway nyo. Nyo jyatenngi o ciring a manci no, “O likta kosozi no odong am mapeymway na o rako a odong.”

1 Kedinto 8:2

O mapakateneteneng a tao am jyanoyong o katenngan na.

1 Kedinto 8:4

Oya rana o ipanci ko jinyo a omagaz do nipazos da kanen. Tanyo katenngan o kaji da anoyngan no malas a iraralay da. So tanyo ipakateneng do na kasa ni Ama ta do to a ta iraralay.

1 Kedinto 8:7

Am yamyan pa so akma tey kakteh do cinai a yaji makateneng pa do kabo na no oyowyat no malas a iraralay da no karwan no tao. Ta yamangday da kakan so nipazos o da kapanci no da kapacizanod jira do amraralay no malas a iraralay da. Am ori o da karehtan nya so onowned no yakoman sira so yada nipazos.

Ivoso 4:16

Yaten rana yamraralay nya tao am akma ney kataotao yaten. Iya am yatomalamozong nyaten. Ori ta icyakmey yasa so nakenakem yamarilaw no kadwan jyaten. Ta yaten rana akmey meyketeketeh do cinai am cinamaog no kataotao na. No si akma tey yasa mapanod so nakenakem ta ji Kizisto am tey rako o oyowyat ta, do kapeyyanowanop na jyaten no pangangarilawan na ni Kizisto.

Kelosi 2:18

Ji nyo ngonoci sira o mapakateneteneng a tao a manci no kapakacita da so mapangyangyalak a vazay a kano tanwasiwasi a amraralay no tinsi. Ta mapehes jinyo o akma ney nakem jinyo ni Ama ta do to. Ta o akman rana sang a tao am to da mangozangozai o nakem da a tanteneteneng.

Ipaziman 2:14

Am yamyan pa so yako oyyan ninyo. Yamyan jinyo so yana nicirara ni Palang a yaomonot do nanao ni Palake. Si Palang am yamanci no Isedi a tao a meyraraten a nikoman so mina pazos da so malas a iraralay da a da kapasagpyan so aktokto da.

Ipaziman 2:20

Am yasa ka vazay pa o yako oyyan ninyo. Inyo rana am nyo to amyapya o malas so ciring a mavakes a meyngaran so Yesipi. Na cirarahen o lamlamsoy ko a mapasagpyan so kataotao da a yakoman so pazos da no yamalas a da iraralay.