1 Kedinto 7:9 - Seysyo No Tao

⁹ Am no si ji nyo apzaci o onowned nyo am apyapya o kapazagzagpit nyo. Ta maraherahet o kato na ngyanan do onowned nyo no kakey nyo a macivahavahay.

1 Kedinto 7:9 ပူးပေါင်းရင်းမြစ်များ

Nimlivolivon 19:36

Si pacyanoyngan nyo o akman sang a vazay am meyreherehes kamo na an. Taosya o kapatarek nyo so marahet a vazay nyo. Ahapen nyo o apiya pangtoktwan nyo.

1 Kedinto 7:2

Am yana katey yaro no vazay da yamapasagpyan so kataotao da. Am ori o ikapyapya na rana no kapazagpit da no mahakay. Akman sira so sang o mavakes a macivahavahay.

1 Kedinto 7:28

Am no si ikakza mo o kapazagpit mo am cyaha, ta beken a raraten ori. Am ko apyapyahen pa kaji nyo nginaran sira masanga no meykamadadayan a vazay da do kavavahay da.

1 Kedinto 7:36

O nitamtamkan da rana tao a kaji da na ngapan sira am no ji na apzaci no mahakay o onowned na makza no kapapapen na pa am apyapya rana kato na rana mapapenan so yanan na so nakem a mavakes. Ta o akman rana sang am beken a raraten o akman sang.

1 Kedinto 7:39

O nimacivahavahay rana mavakes am ji neksek do tao do iyan na pa no kahanghangan na do karawan. Am no mawakwak rana o mahakay na am apya o kapirwa na pa so kapacivahavahay na. Am ney yapiya na kangay na someksek do manaralay a tao.

1 Tesalonicya 4:4

So ikamimin nyo a mahakay a makateneng do kabo no karatan nyo a mapasakay so kadwan nyo do vahay. Ji nyo to mangozai o onowned nyo. Ta ozain nyo si Ama ta do to an.

1 Timotay 5:11

O malavayo pa vao a mavakes am ji da padketa pa o ngaran da, ta no si naknakmen da pa o kapacivahavahay da am aryan da na o kapeyvazay da ji Yeso Kizisto.

1 Timotay 5:14

Am ori o ko apyapyan so malavayo a vao a mavakes a mirwa pa macivahavahay a mangahanas a kapeyveyveken da so kavavahay da. Ta ori o ikabo no iraherahet da jyaten no ji nganoyong ji Yeso a macioya jyaten a tao.