1 Kedinto 7:7 - Seysyo No Tao

⁷ Ko ikakza o kakman nyo jyaken a ji nimapazagpit. Am kaji na meyyangangayan no nakenakem do kataotao a nitoro na ni Ama ta do to. Ta myan so tao a akman sang. Amyan so tao a jyakman sang.

1 Kedinto 7:7 ပူးပေါင်းရင်းမြစ်များ

Nimlivolivon 26:29

Maniring si Pawlo ji Aglipa am, “Tana mahay rana am to ko meynozyan nimo a kano aro a mangamizing a tao do jya a kamimin nyo rana akman jyaken a omanoyong jya. Am ji nyo nginara yaken a da aptengen!”

Loma 12:6

Na ikarilaw yaten ni Ama ta do to a nimanta nyaten so meykataretarek a teneteneng ta. Am ori o pangozayan ta do teneteneng ta a nitoro na jyaten ni Ama ta do to a somidong so akma tey kakteh do cinai. No teneteneng a mangononong so ciriciring na o nitoro na jyaten am pangozayan ta o nakenakem ta si Ama ta do to a mangononong so ciriciring na.

1 Kedinto 12:11

Am o yamakakaday a oyowyat a kano teneteneng am asa o na yapwan. Iya rana am Seyzi a mangay tomoro no oyowyat na do aro a tao. Ori rana am nakenakem na no Seyzi o katoro na nya jyaten so oyowyat ta kano teneteneng ta.

1 Kedinto 12:4

Tana yameykataretarek o oyowyat a kano teneteneng ta am yasa o Seyzi a yamanta nyaten so sang.

1 Kedinto 7:8

Sicyaikwa rana ya am ko pamizngen sira o ji pa nimeysinmo a tao a kano vao a mavakes a ominara jyaken. Ta apyapya pa o kaveyvow do vahay.

1 Kedinto 9:15

Am kaji ko nimangapan so kakzeben ko jinyo. O ko vatvatkan do akman sang a ciring am beken a ko yagom o kataotao ko an. Tana mawakwak ko no kakcin ko am apyahen ko o kabo no ngina na no inanao ko jinyo.

1 Kedinto 9:5

Jyabo kapacitarek ko do karwan namen a nipamnekan ni Kizisto a. Akman so kakteh ta si Pite a ka nira wari na ni Yeso a mapalololo so kahanghangan da mangilili.